Víkurfréttir - 19.09.1991, Blaðsíða 18

18
íþróttir
r--------------------i
Islandsmótiö 2. deild:
Stórsigur í síðasta leiknum
- ÍBK - Tindastóll 6:0
Kellvíkingar ráku smiðs-
höggið á 2. deildina í sumar
með stórsigri á Tindastól,
6:0, í Keflavík á laug-
ardaginn.
Leikurinn var eign ÍBK
frá upphafi.og spurningin
aðeins hversu mörg mörk
liðið myndi skora. Leik-
urinn hafði litla þýðingu
aðra en þá að Keflvíkingar
gætu komist upp fyrir
Grindvíkinga á stigatöflunni
ef þeir síðamefndu næðu
ekki að sigra.
Það var Kjartan Ein-
arsson, markahæsti leik-
maður ÍBK, sem skoraði
fyrsta markið eftir darraða-
dans á marklínu Stólanna.
Jakob Jónharðsson bætti við
öðru markinu, með þrumu-
skoti af 35 metra færi í blá
hornið. Óli Þór Magnússon
skoraði svo þriðja markið
fyrir lok fyrri hálfleiks, eftir
góðan undirbúning Kjart-
ans.
Keflvíkingar héldu upp-
teknum hætti í síðari hálfleik
þrátt fyrir að leika gegn
sterkum vindi. Jóhann
Magnússon skoraði fjórða
markið, Gestur Gylfason
það fimmta, og Óli Þór bætti
við öðru markinu sínu og
sjötta marki ÍBK.
Grágás
heldur ár-
ganga-
mót í golfi
Prentsmiðjan Grágás heldur
upp á aldarfjórðungsafmæli sitt
um þessar mundir. Af því tilefni
hafa forráðamenn fyrirtækisins
ákveðið að halda árgangamót í
golfi fyrir krakka og unglinga á
aldrinum 6-15 ára.
Mótið fer fram nk. laugardag,
21. september og hefst kl.
10.00. Spilað verður á litla
vellinum í Leiru.
Veitt verða verðlaun fyrir
þrjú efstu sætin í hverjum ár-
gangi. Skorað er á alla sem
golfkylfu geta valdið að koma í
Leiruna og taka þátt í mótinu.
SPORTMOLAR UMSJÓN: GKV.
Suinir kunna sig...
Það vakti athygli margra Víð-
ismanna að fomiaður Víkings,
Hallur Hallsson, lét það verða sitt
fyrsta verk eftir leik liðanna, að
[xfkka Víðismönnum fyrirdrengi-
legan leik og láta í ljós þá von sína
að liðin mættust sem fyrst að nýju
í 1. deildinni. Að því loknu snéri
Hallur sér að því að fagna ís-
landsmeistaratitlinum með sínum
mönnum.
... betur en aðrir
Edenborgar-menn voru hinir
rausnarlegustu við meistara-
flokkslið ÍBK. Buðu þeim að
koma til sín í pizzu og bjór um
kvöldið eftir síðasta leik liðsins
gegn Tindastól. Leikmenn þekkt-
ust boðið að sjálfsögðu og mættu
á Edenborg fljótlega upp úr
klukkan átta á laugardags-
kvöldið.
Þegar komið var fram á ellefta
tímann tóku menn sig hins vegar
saman og hópuðust upp í rútu frá
vSBK og brunuðu í bæinn, beint á
Casablanca!
Þetta kallar maður að kunna að
þakka fyrir sig!
Kiddi í mestri framför -
Jói bestur
Þetta sama kvöld á Edenborg,
völdu leikmenn ÍBK besta mann
liðsins og þann sem sýnt hafði
mestar framfarir í sumar. Völdu
leikmenn Jóhann Magnússon
besta leikmanninn og Kristinn
Óskarsson sem mesta „fram-
faramanninn“.
Jafnframt má geta þess að Jó-
hann Magnússon var valinn
Pepsi-maður leiksins gegn Tinda-
stól. Hlaut hann því jafnframt tit-
ilinn Pepsi-maður ársins fyrir að
vera oftast Pepsi-maður leiksins í
sumar.
Stór stund í Garöinum
Það var stór stund í Garðinum á
laugardaginn, þegar Víkingar fengu
afhentan Islandsmeistaratitilinn, eftir
leikinn gegn Víðismönnum. Eggert
Magnússon, formaður KSÍ, kom
fljúgandi með bikarinn í þyrlu.
(Spuming hvort sá ferðakostnaður
verður falinn í bókhaldinu hjá KSÍ
eins og ferðin á Heimsmeist-
arakeppnina!!!) Má fullyrða að af-
hending Islandsineistaratitilsins er
stærsti íþróttaviðburður sem átt hefur
sér stað í Garðinum, ef frá eru talin
heimsmetin sem öldungurinn, Jóhann
Jónsson fijálsíþróttakappi, hefur sett
í bakgarðinum heima hjá sér.
Gunimi tull út í Gísla
Markakóngurinn mikli Guð-
mundur Steinsson var hálffúll út í
Gfsla Heiðarsson, markvörð Víðis,
eftir leik liðanna. Gísli átti góðan leik
í markinu, og hreinlega lokaði á Guð-
mund, sem reyndi hvað hann gat til að
skora og tryggja sér gullskóinn.
Hörður Magnússon náði hins vegar að
jafna við Guðmund með því að skora
eina mark FH gegn átta Vals-
mörkum.
Verða markamaskínurnar því að
deila gullskónum, og þá er bara að
vona að þeir noti sama númer!!!
Gjaldkerinn ánægður
Hann var hins vegar ekki fúll eftir
leikinn gjaldkeri Víðis, Heiðar Þor-
steinsson, enda ekki furða, þar sem
mikill fjöldi fólks flykktist í Garðinn
til þess að sjá leikinn. Þar að auki
mættu RÚV menn með mynda-
vélamar og sýndu leikinn beint í
sjónvarpinu.
Fyrir þetta hvoru tveggja kom vel
í kassann og má ætla að Víðismenn
færu létt með að borga eins og tvo
símreikninga á borð við þá sem
körfuknattleiksmaðurinn Tyrone
Thomton skildi eftir hjá ÍBK, eins og
frægt er orðið.
Grindvíkingar glopruðu
gullnu tækifæri
Grindvíkingar höfðu möguleika
á því að komast upp í 1. deild í fyrsta
skipti á laugardaginn. Þeir léku gegn
IR-ingum á sama tíma og Þór frá
Akureyri lék gegn Fylki.
Það óvænta átti sér stað í leik Þórs
og Fylkis, Þórsarar töpuðu, 1:0.
Grindvíkingar hefðu því þurft að
vinna 6:0 sigur á ÍR, nokkuð sem
þeir hefðu átt að geta gert miðað við
frammistöðu þeirra í sumar. Það
tókst hins vegar ekki, og leikur
þeirra gegn ÍR endaði með jafntefli,
1:1.
Hitt var það sem mörgum Grind-
víkingum þótti ennþá verra en að
missa að 1. deildarsætinu, en það var
að Keflvíkingar skyldu ná að komast
upp fyrir þá.
Keflvíkingar voru að sama skapi
ánægðir, enda margir ennþá svekktir
eftir tapið í 100 mínútna leiknum í
Grindavík um daginn.
Spáin hans Gunna rétt
Það kom á daginn að spá Gunnars
Vilbergssonar, formanns knatt-
spymudeildar UMFG, um að liðið
fengi 33 stig í sumar reyndist rétt.
Gunni hafði lálið merkja treyjuna
sína nr. 33 og sagði það verða stiga-
fjölda liðsins eftir sumarið. Gunni
hafði kannski ltka vonað að það
dygði til að ná sæti í 1 deild, en það
munaði litlu.
Einar Ásbjörn að flýta
sér
Eftir leik Grindavíkur og ÍR lá
Einari Ásbirni Ólafssyni, sem skor-
aði mark UMFG, mikið á að koma
sér heim. Segja þeir sem til sáu að
vatnið hefði vart náð að bleyta hann
í sturtunni, því hann átti að fljúga til
Ameríku rétt eftir kl. 5:00, en leikn-
uin lauk rétt fyrir fjögur.
Eins og margir vita er Einar lög-
regluþjónn, og varð hann því að
spara tímann annars staðar en á
Grindavíkurveginum!
Kári í aðalhlutverki
Það má með sanni segja að Kári
hafi verið í aðalhlutverkinu í leik
Grindavíkur og ÍR, því Kári bæði
blés í flautuna og á Ieikmenn. Það
var semsagt Keflvíkingurinn Kári
Gunnlaugsson sem dæmdi við und-
irleik Kára Stromssonar vindblásara.
Setti sá síðamefndi svip sinn á leik-
inn og feikti boltanum olt langar
vegalengdir.
• Hallvarður Jónsson fór
holu í höggi á 3. braut og no-
taði 8-járn.
Reykjanesmót/
kvennaflokkur:
Yfirburðir
hjá ÍBK
Stúlkumar í ÍBK liafa sýnt
nokkra yfirburði í kvenna-
flokknum í Reykjanesmótinu í
körfuknattleik. Þær liafa borið
sigurorð af bæði Grindavík og
Haukum í fyrri umferð mótsins.
Leikurinn gegn Grindavík
endaði 92-42 fyrir Keflavík, og
leikurinn gegn Haukum 58-48.
Njarðvt'k og Breiðablik sendu
ekki lið í kvennaflokknum.
Víkurftéttir
19. sept. 1991
Bæjarkeppni í
golfi:
Grindvíkingar
unnu Sand-
gerðinga
- og Hallvaröur fór
holu í höggi!
Arleg bæjakeppni Grinda-
víkur og Sandgerðis í golfi
var haldin uni síðustu helgi í
4 sinn. Að þessu sinni var
leikið í Sandgeröi, en um
kvöldið komið sanian í
Grindavík þar sem verðlaun
voru aflient.
Keppt var í ein-
staklingskeppni með og án
forgjafar. auk sveita-
keppninnar. Keppendur voru
alls 54 og töldu 10 bestu hjá
hvorum klúbbi.
I keppni án forgjafar röð-
uðu Grindvíkingar sér í efstu
sætin. Birgir Ingvarsson og
Pétur Antonsson léku á 80
höggum, og Bragi Ingvarsson
á 83 högguni.
Sighvatur Arason var
bestur með forgjöf á 63
höggum, Þorvaldur Krist-
leifsson annar á 66 höggum
og Davíð Friðriksson Joriðjí á
67 nettó.
Sveitakcppnin endaði
þannig að Grindvíkingar slóu
714 högg gegn 720 höggum
Sandgerðinga, sem náðu ekki
að nýta sér heimavöllinn.
Aukaverðlaun voru veitt
fyrir að vera næst 3. holu í
upphafshöggi. Sigríður Sig-
urðardóttir náði 7.25 m, hjá
konunum, en Hallvarður
Jónsson gerði sér lítið fyrir og
fór ltolu í höggil!
Einar Ásbjörn Olafsson skorar hér síðasta ntark Grindavíkur
á þessu keppnistímabili. Ljósm. Hilli
Draumurinn rættist
ekki hjá Grindavík
- jaftefli við ÍR 1:1
Grindvíkingum tókst ekki að
vinna sæti í l. deildinni að ári,
þrátt fyrir að Þórsarar töpuðu
fyrir Fylki. Grindvfkingar urðu
að vinna IR með sex marka
mun til að fara upp fyrir Þór á
markahlutfallinu, en náðu að-
eins jafntefli 1:1. Fyrir vikið
féll liðið niður um eitt sæti og
endaði í því fjórða.
Grindvíkingar mega samt vel
við una, því fáir áttu von á að
liðið myndi blanda sér svo
hressilega í toppbaráttuna sem
raun bar vitni.
Leikurinn gegn IR ein-
kenndist af mikilli baráttu
beggja liða, og var greinilegt að
ÍR-ingar ætluðu ekkert að gefa
Grindvíkingum. Sterkur vindur
setti svip sinn á leikinn, og áttu
menn oft í erfiðleikum með að
hemja knöttinn.
Einar Ásbjöm Olafsson
skoraði mark Grindavíkur eftir
liðlega hálftíma leik, með skoti
úr markteignum.
IR-ingar jöfnuðu fljótlega í
síðari hálfleik, en Grind-
víkingar reyndu hvað þeir gátu
til að bæta við marki. Það tókst
ekki og lokatölurnar urðu þvf
1:1.