Morgunblaðið - Sunnudagur - 17.01.2016, Síða 18

Ferðalög
og flakk
Byggðin er litrík í
fátæka partinum. *Þó að ekki sé nema þriggja tíma munur á Reykja-vík og Buenos Aires þá er heljarinnar verkefni aðfljúga alla leið til Argentínu. Flugið mun hæglegakosta um og yfir 150.000 kr. og má reikna meðeinni eða tveimur millilendingum, s.s. í New York,London eða Madrid. Er ógalið, fyrst flogið ersvona langt, að lengja ferðina og ferðast innan álf-
unnar, s.s. til Ríó eða Sao Paulo, eða alla leið yfir
til Perú.
Langt flug í suðurátt
Ljósmynd / Flickr – Nguyen Tan Tin (CC)
L
ífið er ljúft í Buenos Aires og kemur
ekki á óvart að höfuðborg Argentínu
er stundum kölluð „París Suður-
Ameríku“. Borgin er líka ólík öðrum
borgum þessarar heimsálfu; hefur á sér fágað
yfirbragð sem erfitt er að lýsa. Spilar þar inn
í að þegar Argentína tók á sig mynd sem þjóð
streymdu innflytjendur frá Spáni, Ítalíu og
Frakklandi inn til Buenos Aires og tóku
menninguna með sér. Þá var borgin lengi vel
vellauðug, og þó svo efnahagslífið sé núna í
molum eru borgarbúar vanir því að gera vel
við sig í mat, drykk og menningu. Er þannig
sagt um Buenos Aires að hvergi séu fleiri
veitingastaðir miðað við höfðatölu, og borg-
arbúar eigi einnig met í fjölda lýtaaðgerða –
ef það skyldi segja lesendum eitthvað.
Gengið á hraðleið niður
Góðu fréttirnar fyrir ferðalanga eru að sjald-
an hefur verið ódýrara að heimsækja Argent-
ínu. Efnahagsörðugleikar landsins hafa orðið
til þess að gengi pesóans gagnvart krónunni
er veikara en jafnvel þegar íslenska góðærið
stóð hvað hæst. Bara í desember pompaði
argentínski gjaldmiðillinn niður um nærri
30% og steikin ódýrari sem því nemur.
Hyggilegast er að gista í hverfinu Recoleta,
sem er fínasta svæði borgarinnar. Þar er m.a.
að finna prýðileg listasöfn en ferðamanna-
straumurinn liggur líka í Recoleta-kirkjugarð-
inn þar sem leiðtogar liðinna tíma fylla graf-
hýsin. Umferðin er mest við grafhýsi Evu
Perón, sjálfrar Evítu.
Recoleta iðar af lífi jafnt á daginn sem á
kvöldin. Veitingastaðirnir eru við hvert fótmál
og fátt betra en að panta þar safaríka nauta-
steik og glas af ódýru en úrvalsgóðu argent-
ínsku rauðvíni. Er rétt að benda matgæðing-
um á að kokkunum hættir til að steikja kjötið
helst til mikið. Sá sem biður um „medium“-
eldaða steik gæti fengið hana „vel“ eldaða. Er
betra að biðja um „jugoso“ (safaríka) eða
jafnvel „sangriendo“ (blóðuga) steik. Besti bit-
inn er „lomo“, þ.e. lundin, og béarnaise-sósa
er ekki á matseðlinum.
Sjarmi gamla bæjarins
Ekki má sleppa heimsókn til San Telmo, sem
er gamli hluti borgarinnar. Helgarnar eru þar
sérstaklega líflegar, antíkmarkaðir haldnir
undir beru lofti og dansaður tangó á götum
úti við lifandi undirspil. Í suðurátt er Boca,
fátækt hverfi en þekkt fyrir litríka kumbalda
sem laða marga að. Norður af San Telmo er
forsetahöllin, Casa Rosada, og verslunargatan
Florida. Er gaman að spássera þar um og
líka að skoða hafnarsvæðið þar sem snekkjur
og skútur liggja við landfestar.
Þeir sem eru menningarsinnaðir ættu ekki
að láta Teatro Colon-óperuhúsið fram hjá sér
fara, nýuppgert og fínt. Þar er rekin metn-
aðarfull starfsemi, bæði á óperu- og ballett-
sviðinu.
Ekki síður kröftug upplifun er að fara á
knattspyrnuleik, hvað þá þegar fremstu lið
borgarinar, Boca Juniors og River Plate,
mætast. Þó verður að sýna hæfilega aðgát á
leikjadögunum enda getur ástríðan fyrir
knattspyrnunni stundum farið úr böndunum.
Ljósmynd / Wikipedia – Andrew Currie (CC)
Tangóinn heldur borgarbúunum ungum. Mann-
lífið er heillandi á götum San Telmo.
ÁFANGASTAÐUR VIKUNNAR: BUENOS AIRES
Rauðvín, steikur
og tangó
GENGIÐ HEFUR VEIKST OG ALDREI VERIÐ ÓDÝRARA AÐ HEIMSÆKJA
ARGENTÍNU. BUENOS AIRES ER BORG LÍFSNAUTNA OG MENNINGAR.
Ásgeir Ingvarsson ai@mbl.is
Kirkjugarðurinn í Recoleta er
hinsti hvíldarstaður margra
stórmenna Argentínskrar sögu.
Bókabúðin El Ateneo er í gömlu leikhúsi í miðborg Buenos Aires og þykir óvenjuleg verslun.
Ljósmynd / Flickr – Miguel Vieira (CC)
Ljósmynd / Flickr – Fabulousfabs (CC)
Í Buenos Aires er hægt að komast í nána
snertingu við sögu Argentínu. Þjóðin hefur
gengið í gegnum ýmislegt og ekki allt af því
verið gott. Þá hefur borgin getið af sér
bæði hetjur og dusilmenni.
Sagnfræðiáhugamenn
hafa kannski gaman af að
leita uppi lítið safn sem til-
einkað er Ernesto „Che“
Guevara, eða menningar-
miðstöðina hans Jorge Luis
Borges á efstu hæð versl-
unarmiðstöðvarinnar Ga-
lerias Pacifico.
Einnig er vert að benda á
Esma-safnið, sem var opnað
ekki alls fyrir löngu í gömlum herskóla. Þar
er sagt frá „óhreina stríðinu“, því ljóta
tímabili í sögu landsins þar sem þúsundir –
jafnvel tugþúsundir manna létu lífið í
hreinsunum herforingjastjórnarinnar.
MARGT HEFUR GERST
Það góða og það slæma