Morgunblaðið - Sunnudagur - 17.01.2016, Side 35

17.1. 2016 MORGUNBLAÐIÐ SUNNUDAGUR 35
É
g sagði einu sinni upp
ágætu starfi sem versl-
unarstjóri í vinsælli tísku-
vöruverslun. Ég seldi vel,
fór innkaupaferðir til útlanda og
hafði gaman af starfinu, sem fól í
sér mikil mannleg samskipti. Eftir
dálítinn tíma fór mér þó að líða illa,
ég var í hringiðu tískuheimsins á
Íslandi, ég var í daglegum sam-
skiptum við konur sem áttu allt en
virtust ekki geta fengið nóg. Ég
hjálpaði þeim við að velja nýtt og
meira og hagnaðist á því sjálf með
bónusgreiðslum sem ég fékk fyrir
að selja fyrir ákveðnar upphæðir
dag hvern. Þótt ég segi sjálf frá var
ég afskaplega flinkur sölumaður og
var fljót að læra hvernig átti að
sannfæra konur um að kaupa sér
föt og skó,“ segir Áslaug Guðrúnardóttir, höfundur bókarinnar Mínímal-
ískur lífsstíll – hversu mikið er nóg, í inngangi bókarinnar. Í bókinni lýsir
Áslaug því á sannfærandi hátt hvernig hún hjálpaði konum að dreifa
greiðslum á greiðslukort og fela innkaupin með einum og öðrum hætti.
Og auðvitað að reyna að fylla upp í götin í hjartanu.
„Þegar ég starfaði í tískuvöruversluninni, þá 25 ára gömul, komst ég
að því að stöðug sókn eftir efnislegum gæðum getur komið fólki virkilega
illa. Þrátt fyrir að hafa þá ekki ráð á því varð ég sannfærð um að ég yrði
að eignast hitt eða þetta til þess að geta talist gjaldgeng í því samfélagi
sem ég þá tilheyrði. Þegar mér varð smám saman ljóst að í starfi mínu
ýtti ég undir þessar hugmyndir og væri beinn þátttakandi í hjónaerjum
með því að vera dugleg sölukona ákvað ég að hætta,“ segir Áslaug í bók-
inni.
Smáhestinum leið eins og hann hefði fengið „flash-back“ þegar hann
las þetta því þetta minnti óneitanlega á þá tíma sem hann vann í tísku-
búð. Nema smáhesturinn var svo ungur þegar hann var í fyrrnefndu
starfi að hann var ekkert að velta fyrir sér á hvaða forsendum kúnninn
keypti sér föt. Tvítugir smáhestar pældu ekki í því hvort það þyrfti að
fylla upp í einhver göt í hjartanu og með hvaða hætti það væri gert. Þeir
vildu bara hafa gaman, selja eins og brjálæðingar, eignast peninga svo
þeir gætu eytt ennþá meira í föt og haldið áfram að hanga í ljósakrónum
á Astro eða Skuggabarnum.
Það er hins vegar gott fyrir hverja einustu spariguggu að fara í gegn-
um það hvers vegna hana langi í ný föt og á hvaða forsendum. Um leið og
konur fara að velta þessu fyrir sér snarminnka innkaup og/eða inn-
kaupin breytast. Auðvitað er ekkert að því að kaupa sér eitthvað fallegt
en það þarf að vera gert á réttum forsendum og konur þurfa að hafa efni
á því. Fatakaup eiga ekki að vera framkvæmd til að öðlast augnabliks
hamingju eða til þess að gleyma eigin óhamingju í nokkrar mínútur.
Mínimalískur lífsstíll snýst nefnilega ekki um að vera nískur eða
nægjusamur. Hann snýst um að njóta þess sem við eigum og að vera
ekki í keppni við náungann. Það er kannski allt í lagi að dusta rykið af
þeirri hugsun áður en næsta góðæri springur í andlitið á okkur og við
lendum í kjallara kreppunnar. Til þess að vera klár í slagi framtíðarinnar
væri sniðugra að borga inn á lán í stað þess að kaupa sér óþarfa. Amen.
martamaria@mbl.is
Borga inn á
lán – ekki
kaupa óþarfa
Britney Spears
hefði átt að nota
peningana sína í
eitthvað annað en
þetta galladress.
Nýr Sproti með viðarfótum - ýmsir litir í boði
STOFNAÐ 1956
Bæjarlind 8–10
201 Kópavogur
s: 510 7300
www.ag.is
Sproti 405
Hönnuður Erla Sólveig Óskarsdóttir
Árvakur leitar að duglegum
einstaklingum í 50% hlutastarf.
Um er að ræða dreifingu á höfuðborgarsvæðinu. Vinnutíminn er
3-4 tímar í senn, sex daga vikunnar og að mestu í næturvinnu.
Góðir tekjumöguleikar og fín hreyfing fyrir duglegt fólk.
Viðkomandi þarf að vera orðinn 18 ára og hafa bíl til umráða.
Umsóknir er hægt að fylla út á mbl.is, neðst á forsíðu.
Á umsóknareyðublaðinu skal tiltaka dreifingu þegar spurt
er um ástæðu umsóknar. Einnig er hægt að skila inn umsókn
merktri starfsmannahaldi í afgreiðslu Morgunblaðsins
í Hádegismóum 2.
Fyrir frekari upplýsingar má hafa samband við
dreifingarstjóra Árvakurs, Örn Þórisson
í síma 569-1356 eða á ornthor@mbl.is
Aukavinna
fyrir orkubolta