Morgunblaðið - 03.02.2016, Blaðsíða 19

19
MORGUNBLAÐIÐ MIÐVIKUDAGUR 3. FEBRÚAR 2016
Reynisfjara Náttúran lætur ekki að sér hæða og þó sjórinn geti verið meinlaus á að líta er oft aðeins fuglinum fljúgandi fært við sjávarmálið í Reynisfjöru.
RAX
„Ekkert okkar ætl-
ar að fara fram aftur.
Birgitta er búin að
margsegja að hún
verði ekki á þingi í
fleiri en tvö kjör-
tímabil. Helgi Hrafn
ætlar ekki aftur fram
og ég ætla ekki aftur
fram.“
Þetta sagði Jón Þór
Ólafsson, þáverandi
þingmaður Pírata, í viðtali við DV
30. maí 2014. Hann lýsti því yfir
að hann myndi hætta á þingi á
komandi ári. Ástæðan var einföld:
Þar sem enginn hinna þriggja sitj-
andi þingmanna ætlaði að halda
áfram vildi hann gefa varaþing-
manni sínum tækifæri:
„Það að fara inn í næstu kosn-
ingabaráttu með engan þingmann
væri svolítið mikill missir á þeirri
þekkingu sem hefur skapast. Ef
ég stíg til hliðar á miðju kjör-
tímabilinu þá hefur Ásta [Guðrún
Helgadóttir], varaþingmaðurinn
minn, sem er Pírati inn að beini
og blóðheit í baráttunni, tvö ár til
að sanna sig og ná tökum á starf-
inu.“
Hámark átta ár á þingi
Jón Þór stóð við yfirlýsingar
sínar og lét af þingstörfum sum-
arið 2015. Hann hefði áhyggjulaus
getað haldið áfram því ljóst er að
Birgitta Jónsdóttir, sem var fyrst
kjörin á þing 2009
fyrir Borgarahreyf-
inguna, ætlar að
sækjast eftir endur-
kjöri. Eitt af baráttu-
málum Birgittu og fé-
laga hennar fyrir
kosningarnar 2009
var:
„Við viljum að þing-
menn sitji ekki lengur
en 8 ár á þingi.“
Nokkrum vikum
eftir að Jón Þór hvarf
af þingi héldu Píratar
aðalfund og í setningarræðu lýsti
Birgitta Jónsdóttir því yfir að Pí-
ratar væru tilbúnir til að gera
bindandi samkomulag við aðra
flokka fyrir kosningar um að
næsta kjörtímabil verði aðeins níu
mánuðir og að á sex mánuðum
verði annars vegar lögfest ný
stjórnarskrá og hins vegar boðað
til þjóðaratkvæðagreiðslu um
hvort halda eigi aðildarviðræðum
við Evrópusambandið áfram:
„Mér finnst þetta vera verkefni
sem ég er til í að leggja allt í söl-
urnar fyrir og það eina sem gæti
orðið til þess að ég treysti mér
aftur í framboð.“
Flokkseigendafélag Pírata
Í skjóli yfirlýsingar um bindandi
samkomulag fyrir kosningar,
ákvað Birgitta að lengja þing-
mennsku sína um a.m.k. níu mán-
uði. En bindandi samkomulag er
ekki lengur forsenda þess að Birg-
itta haldi áfram þingmennsku. Nú
er það baráttan við frjáls-
hyggjufólk sem rekur þingmann-
inn aftur í framboð.
Birgitta skrifaði eftirfarandi
skilaboð á fésbókarsíðu Frjáls-
hyggjufélagsins 26. janúar síðast-
liðinn:
„Ég ætla að bjóða mig fram þó
það væri ekki nema til að tryggja
að ykkar hugmyndafræði taki ekki
yfir Pírata.“
Gamall „flokkseigandi“ hefði
vart getað orðað þetta með skýr-
ari hætti: Þetta er flokkurinn
minn, ég ræð og móta stefnuna.
Þeir sem stíga ekki í takt við mig
eru óæskilegir og óvelkomnir.
Flokkseigendafélag Pírata hefur
ákveðið að gera þá sem aðhyllast
frjálshyggju útlæga úr flokknum.
Þannig eru Píratar að líkjast æ
meira hefðbundnum vinstri flokki,
þar sem agavaldi er beitt og fá-
menn „klíka“ ákveður hverjir skuli
vera framboði og hverjir ekki.
Í takt við aðra vinstri flokka
Í störfum sínum á þingi og í
meirihluta borgarstjórnar hafa Pí-
ratar tekið upp siði hinna hefð-
bundnu stjórnmálamanna. Borg-
arbúar eiga erfitt með að átta sig
á því hver munurinn er á Pírötum
og Samfylkingunni og mörkin milli
Vinstri grænna og Pírata eru enn
óskýrari. Munurinn á Pírötum og
Bjartri framtíð virðist fyrst og
fremst liggja í því að síðarnefndi
flokkurinn er orðinn að engu.
Á þingi stíga Píratar í takt við
stjórnarandstöðuna. Þeir taka þátt
í málþófi í náinni samvinnu við
aðra vinstri flokka og gerast með-
flutningsmenn frumvarpa sem
gera ráð fyrir aukinni skattheimtu
og auknum útgjöldum ríkissjóðs.
Jafnvel forseti lýðveldisins fer
fyrir brjóstið á flokkseigendum
Pírata sem sverja sig þannig í
bræðralag með gömlum flokkseig-
endum Alþýðubandalagsins. Við
setningu Alþingis á liðnu hausti
varaði Ólafur Ragnar Grímsson
við vanhugsuðum breytingum á
stjórnarskrá lýðveldisins. Þá var
Birgittu nóg boðið og sakaði for-
seta að hafa „fært sig inn á háska-
legar og gerræðislegar brautir
gagnvart þingræðinu“.
Vonir um breiðfylkingu
Össur Skarphéðinsson, sem
kallar sjálfan sig heiðurspírata,
hefur gert hosur sínar grænar fyr-
ir Birgittu og félögum. Miðað við
fylgi Samfylkingarinnar er skilj-
anlegt að Össur leiti skjóls hjá Pí-
rötum sem hann lítur „á sem póli-
tíska frændur og frænkur“, en
ekki hægri flokk. „Ég man varla
eftir þingmáli frá þeim sem ég gat
ekki stutt og þeir hafa stutt mörg
mál okkar í Samfylkingunni,“
sagði Össur í viðtali við Frétta-
blaðið 13. nóvember á síðasta ári.
Draumur Össurar er að mynduð
verði „breiðfylking“ til að breyta
stjórnarskránni, kjósa um aðild-
arumsókn að Evrópusambandinu
og „leysa deilur um fiskveiði-
stjórnun og hálendið í eitt skipti
fyrir öll í þjóðaratkvæðagreiðslu“:
„Ég get vel hugsað mér að
starfa með sjóræningja fyrir borð-
sendanum í stjórnarráðinu.“
Össur vill að næsta vinstri
stjórn verði undir forsæti Birgittu
Jónsdóttur en sjálfur fékk hann
rúmlega fjögur ár til að hrinda
hugmyndum sínum í framkvæmd
en varð lítið úr verki, annað en að
senda inn aðildarumsókn til
Brussel og koma í veg fyrir þjóð-
aratkvæðagreiðslu. Nú leitar hann
á náðir pólitískra skyldmenna sem
geta vart annað en tekið honum
vel. Össur, líkt og Píratar, vill að
kosningarnar á komandi ári snúist
um breytingar á stjórnarskrá.
Það er skiljanlegt að vinstri
menn vilji ekki láta kjósa um efna-
hagsmál og bætt lífskjör. Þess
vegna hafa þeir sérstaka hags-
muni af því að ekki náist samstaða
í stjórnarskrárnefnd þannig að
hægt sé að breyta stjórnarskrá í
þjóðaratkvæðagreiðslu á sumri
komandi – löngu fyrir kosningar.
Eftir Óla Björn
Kárason » Flokkseigendafélag
Pírata hefur ákveðið
að gera þá sem aðhyll-
ast frjálshyggju útlæga
úr flokknum. Píratar
líkast æ meira hefð-
bundnum vinstri flokki.
Óli Björn Kárason
Höfundur er varaþingmaður Sjálf-
stæðisflokksins.
Píratar breytast í hefðbundinn stjórnmálaflokk