Morgunblaðið - 11.02.2016, Blaðsíða 72

Á FERÐ UM Ísland72
MORGUNBLAÐIÐ FIMMTUDAGUR 11. FEBRÚAR 2016
Bergljót Friðriksdóttir
beggo@mbl.is
„Heimsóknir erlendra ferðamanna
yfir vetrartímann hafa stóraukist frá
því að við hófum rekstur og ein af
okkar vinsælustu vetrarferðum er hin
svokallaða Midgard Adventure. Þá
förum við með ferðalanga inn á
Sprengisand, þar sem við erum með
aðstöðu nálægt Þúfuvatni, veiðum í
gegnum ís, byggjum snjóhús með
gufubaði, grillum lamb, förum á vél-
sleða og jafnvel „snow kite“,“ segir
Björg Árnadóttir, leiðsögumaður og
framkvæmdastjóri ferðaþjónustufyr-
irtækisins Midgard Adventure á
Hvolsvelli.
„Í dagsferðum er mest ásókn í
Midgard Surprise. Þar metum við að-
stæður hverju sinni og högum túr-
unum í samræmi við veður og færð.
Þessar ferðir eru oft farnar inn í
Þórsmörk, upp á Eyjafjallajökul eða
eftir suðurströndinni. Að auki bjóðum
við upp á gönguferðir og fjallaskíða-
ferðir á fjöll og jökla í nágrenni
Hvolsvallar og margt fleira. Ég var
með kínversk ungmenni í ferð um
daginn, þau voru ákveðin í að heim-
sækja Ísland aftur og ég hvatti þau til
að koma næst að sumarlagi. Þau
horfðu forviða á mig og svöruðu: En
þá er enginn snjór og engin norður-
ljós.“
Strangar gæðakröfur
Midgard Adventure er sprottið úr
ferðaþjónustufyrirtækinu South Ice-
land Adventure, sem var stofnað á
Hvolsvelli árið 2010. Fyrirtækið er að
stærstum hluta í eigu þriggja ungra
vina sem allir starfa hjá fyrirtækinu
og starfsfólkið er ein stór fjölskylda, í
orðsins fyllstu merkingu, þar sem
saman vinna frændur og frænkur,
hjón, börn og tengdabörn. Björg
bættist í hópinn 2013, en hún er
menntaður hjúkrunarfræðingur og
með viðskiptagráðu og hafði um ára-
bil starfað í lyfjageiranum þegar hún
sneri við blaðinu fyrir nokkrum árum
og settist á skólabekk í Leiðsögu-
mannaskólanum, ásamt eiginmann-
inum Markúsi H. Guðmundssyni. Í
kjölfarið luku þau hjónin, sem bæði
eru mikið útivistarfólk, nýliðanám-
skeiði hjá Björgunarsveitinni Ársæli í
Reykjavík.
„Við starfsfólkið komum úr ýmsum
áttum, sem er mikill styrkur fyrir
Midgard Adventure. Mörg okkar
starfa með björgunarsveitum og í
hópnum eru meðal annars náttúru-
fræðingur, bifvélavirki og stjórnmála-
fræðingur. Mín háskólamenntun nýt-
ist mér mjög vel í starfi og í
lyfjageiranum eru gerðar strangar
gæðakröfur, sem reyndist gott vega-
nesti þegar ég gekk til liðs við fyr-
irtækið. Við erum nú þegar komin
með viðurkenningu Vakans, gæða-
kerfis ferðaþjónustunnar, og erum
ákaflega stolt af því.“
Erlendir háskólanemar
Midgard Adventure var áður ferða-
skipuleggjandi og bauð þá eingöngu
upp á dagsferðir en 2014 hlaut fyr-
irtækið ferðaskrifstofuleyfi. „Áður
komu um það bil 70% af öllum okkar
ferðum inn í gegnum aðrar ferðaskrif-
stofur en það hefur snúist við. Nú
leita um 70% viðskiptavina beint til
okkar og hlutfall svokallaðra mul-
tiday-ferða hefur aukist verulega,“
segir Björg. „Þar sjáum við um allt
skipulag fyrir fólk, sem ferðast í
marga daga og ýmist keyrir sjálft eða
kaupir af okkur fulla þjónustu allan
tímann.“
Spurð nánar út í viðskiptavinahóp-
inn segir Björg aðallega um að ræða
tveggja til tíu manna hópa, fjöl-
skyldur og pör, á aldrinum 30 til 60
ára. „Viðskiptavinir okkar koma að
langstærstum hluta frá Ameríku. Það
er ótrúlega gaman að ferðast með
Ameríkana, þeir reikna með góðri
þjónustu og þegar upplifunin er sú að
þeir séu að fá það sem þeir borguðu
fyrir eru þeir mjög sveigjanlegir og
þægilegir. Í opnar ferðir fáum við þó
nokkuð af Evrópubúum og svo eru
Asíubúar einnig ört stækkandi hópur.
Við eigum yndislegan samstarfs-
aðila í Bandaríkjunum, 27 ára gamla
konu sem heitir Melissa Lee og rekur
fyrirtækið GREEN, Global Rene-
wable Energy Educational Network,
en það hefur unnið til fjölda við-
urkenninga vestanhafs. Hún sér okk-
ur fyrir um það bil 500 bandarískum
háskólastúdentum á ári, aðallega
verkfræðinemum, sem koma hingað
til að kynna sér endurnýtanlega orku
og blanda saman námi og ferðalagi
um Ísland.
Við vinnum að þessu verkefni í
samstarfi við Melissu og Orkuskóla
Háskólans í Reykjavík. Með Melissu
skipuleggjum við líka ferð sem kallast
Leave no trace, þar sem farið er með
amerísk ungmenni í ferðir um há-
lendið og þeim veitt leiðsögn í rötun,
eldamennsku, leiðtogahæfni og öðr-
um „survival skills“ sem nýta má á
fjöllum.“
Kokteilboð í helli
Á sumrin býður Midgard Advent-
ure upp á fjölda skemmtilegra ferða,
með áherslu á Þórsmörk og Land-
mannalaugar, að sögn Bjargar. „Yfir
sumartímann erum við mikið í
gönguferðum, allt frá dagsferðum og
upp í 10 daga túra. Við förum með
fólkið okkar í tjaldferðalög upp á jök-
ul, í fjallahjólaferðir um Fjallabak og
Lakasvæðið, í ísgöngur, ísklifur,
sláum upp matarveislum og kokteil-
boðum í hellum og gerum í rauninni
allt milli himins og jarðar.
Jeppaferðir í Þórsmörk, Land-
mannalaugar og Fjallabak eru alltaf
mjög vinsælar. Persónulega er ég
meira fyrir sumarferðirnar og hlakka
alltaf til þegar sól fer að hækka á
lofti. Reglulegar opnar ferðir yfir
Fimmvörðuháls eru í sérstöku uppá-
haldi hjá mér, sérstaklega þegar
gengið er að nóttu til í júní og júlí.“
Aðspurð segir Björg spennandi
tíma framundan hjá fyrirtækinu; nýj-
ar ferðir séu í mótun og ljóst sé að
sumarið verði annasamt hjá starfs-
fólki Midgard Adventure. „Við höld-
um áfram að þróa lengri ferðirnar
okkar og gera þær enn betri. Í sumar
leggjum við svo mikla áherslu á
fjallahjólaferðirnar, bæði að Fjalla-
baki og á Lakasvæðinu.
Þá ætlum við líka að bjóða í enn
ríkari mæli upp á það sem okkur
starfsfólkinu finnst persónulega sér-
lega skemmtilegt, til að tryggja að
við höfum áfram gaman af því sem
við erum að gera. Ofarlega á blaði
eru hvers kyns ævintýraferðir, göng-
ur og leiðsögn í „survival skills“.“
Skemmtileg áskorun
Björg kveðst afar ánægð í starfi
leiðsögumanns og framkvæmda-
stjóra Midgard Adventure og sér
ekki eftir því að hafa skipt um starfs-
vettvang fyrir þremur árum. „Það er
verulega gaman að stýra þessu
spennandi og ört vaxandi fyrirtæki í
ferðaþjónustu. Þegar ég byrjaði voru
eigendur einu starfsmenn, nú eru 10
manns hér í fullu starfi og að minnsta
kosti helmingi fleiri yfir sumartím-
ann.
Ég hef svo oft stigið langt út fyrir
þægindarammann eftir að ég tók við
þessu skemmtilega starfi. Ég hef
aldrei unnið eins mikið og sofið jafn
lítið. Það hefur þó algjörlega verið
þess virði og mér finnst ég sjaldan
eða aldrei hafa verið eins mikið „á
lífi“. Ég nýt að auki þeirra forrétt-
inda að vinna með báðum sonum
mínum og tengdadætrum og það ger-
ir þetta allt svo miklu skemmtilegra.“
Snjóhús með góðu gufubaði
Þórsmörk Erlendur skólahópur á göngu niður Valahnjúk; ferðin var tveggja nátta og fól í sér kennslu í jarðfræði og „survival skills“ á fjöllum.
Ljósmynd/Karl Petersson
Vinsælt Björg Árnadóttir, leiðsögumaður og framkvæmdastjóri Midgard Adventure: „Í dagsferðum er mest ásókn í
Midgard Surprise. Þar metum við aðstæður hverju sinni og högum túrunum í samræmi við veður og færð.“
midgardadventure.is
 Ferðaþjónustufyrir-
tækið Midgard Ad-
venture á Hvolsvelli
skipuleggur ævin-
týraferðir um landið
allt árið um kring
 Sífellt fleiri kjósa að
heimsækja Ísland yfir
vetrarmánuðina en þá
gefst meðal annars
tækifæri til að þeysa
um Sprengisand á
vélsleða og veiða í
gegnum ís
Einstök ferð
Hrífandi náttúra, einstök menning og fjölbreytt dýralíf sem
eiga varla sinn líkan, ævintýraleg upplifun í einstöku um-
hverfi. Við förum m.a. í Safaríferð á jeppum og skoðum
villt dýr í sínu náttúrlega umhverfi. Sri lanka er eyjan sem
Sinbað sæfari og Marco Polo heimsóttu á ferðum sínum.
Við kynnumst framandi og heillandi heimi sem tekur á
móti ferðalöngum með opnum örmum.
3.-16. nóvember
Paradísareyjan
Sri lanka
Verð 549.900 kr.
per mann i 2ja manna herbergi
Innifalið: Flug, skattar, allar ferðir,
aðgangur þar sem við á, hótel með
hálfu fæði, íslensk fararstjórn, m.a safari
ferð í Yala þjóðgarðinn og fleira
Sími 588 8900
transatlantic.is