Morgunblaðið - 11.06.2016, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 11. JÚNÍ 2016
SANDGERÐI
Reynir Sveinsson
reyndig@vortex.is
Lifnað hefur yfir fasteignamark-
aðinum í Sandgerði en á undan-
förnum árum hefur fjöldi íbúðarhúsa
staðið tómur og mörg hver orðin illa
farin. En nú hefur orðið breyting á.
Eldri hús eru farin að seljast og er
víða verið að lagfæra hús sem þurftu
eðlilegt viðhald. Er nú svo komið að
vöntun er á íbúðarhúsnæði. Það eru
helst stærri og dýrari hús sem eru
lengur í sölu. Töluvert er um að fólk
af höfuðborgasvæðinu kaupi hús og
flytji hingað enda stutt til Reykja-
víkur og húsnæði töluvert ódýrara
en á höfuðborgarsvæðinu.
  
Nóg er til af lóðum fyrir þá
sem hafa hugsað sér að byggja í
Sandgerði. Um er að ræða lóðir und-
ir einbýlishús eða raðhús við malbik-
aðar götur í nýju hverfi. Nokkrir
byggingarverktakar eru þegar farn-
ir að huga að nýbyggingum.
  
Tjaldsvæði bæjarins hefur
verið stækkað enda hefur gestum
fjölgað um 200 prósent frá síðasta
ári. Á svæðinu eru 4 gistihús og
glæsilegt þjónustuhús með aðgengi
fyrir hjólastóla. Nú er unnið við að
byggja 4 ný hús þar sem í verða sal-
erni og sturta auk þess stærra þjón-
ustuhús. Þar verður aðstaða til eld-
unar og ferðamenn geta komist í
skjól fyrir veðri og vindum. Til
stendur að tjaldsvæðið verði opið
allt árið. Svæðið er kynnt undir
nafninu Istay og eru það hjónin
Hjördís Ósk Hjartardóttir og Jónas
Ingason sem reka það.
  
Unnið er að því að koma upp
gistingu við Heiðabæ á Stafnesi sem
er merkur staður. Er ekki að efa að
ferðamenn kunni að meta brimið og
kraft hafsins sem er í nágrenni við
gistihúsið Stafnes gesthús. Sigur-
björg Eiríksdóttir og Gunnar Sig-
fússon eru eigendur.
  
Mikið að gera hjá byggingar-
fulltrúa Sandgerðisbæjar. Allar þær
stóru byggingar sem er verið að
byggja á flugstöðvarsvæðinu þurfa
að fá stimpil hjá byggingarfulltrúa.
Á undanförnum mánuðum er búið að
gefa byggingarleyfi fyrir um 30 þús-
und fermetrum og á eftir að byggja
töluvert meira á svæðinu.
  
Nýr skólastjóri, Hólmfríður
Árnadóttir, hefur verið ráðin skóla-
stjóri Grunnskólans í Sandgerði.
Hólmfríður er grunnskólakennari að
mennt og með M.Ed. í menntunar-
fræðum. Hún hefur yfirgripsmikla
þekkingu og reynslu á sviði mennta-
mála. Hún starfar nú sem sérfræð-
ingur á Miðstöð skólaþróunar við
Háskólann á Akureyri og kennir við
kennaradeild háskólans.
  
Sú hugmyndhefur oft skotið
upp kollinum að sameina sveitar-
félögin á Suðurnesjum. Ekki er nú
hægt að segja að mikill áhugi hafi
verið fyrir sameiningu fram til
þessa. En nú hafa farið fram við-
ræður í bæjarstjórnum Garðs og
Sandgerðis um hugsanlega samein-
ingu þessara sveitarfélaga. Engin
niðurstaða hefur verið birt, aðeins að
málinu hafi verið frestað.
Morgunblaðið/Reynir Sveinsson
Tjaldsvæði Sandgerðis Aðsókn hefur aukist verulega frá í fyrra og nú er verið að byggja ný hús á svæðinu.
Lifnar yfir fasteignamarkaði
Agnes Bragadóttir
agnes@mbl.is
Í fjármálaáætlun ríkisstjórnarinnar
til næstu fimm ára, þ.e. frá 2017 til
2021, er m.a. ráðgert að kaupa tvær
þyrlur fyrir Landhelgisgæsluna.
Fram hefur komið að undanförnu að
verð á þyrlum er tiltölulega hagstætt
um þessar mundir.
Ólöf Nordal, innanríkisráðherra,
var í gær spurð hvort til greina kæmi
að flýta þyrlukaupunum í ljósi hag-
stæðs verðs.
„Það er gert ráð fyrir því í fjár-
málaáætluninni að svigrúm verði til
þyrlukaupa á þessu tímabili og þá
hefur verið horft til seinni hluta
þessa fimm ára tímabils,“ sagði inn-
anríkisráðherra í samtali við Morg-
unblaðið, en ekkert hefði enn verið
ákveðið í þeim efnum.
Undirbúningur brátt hafinn
„Við höfum gert ráð fyrir því að við
myndum kaupa þyrlur sérstaklega
fyrir okkur og við myndum fljótlega
hefja undirbúninginn að því að finna
þyrlur sem henta,“ sagði Ólöf.
Ráðherra sagði að á þessu stigi
væri of snemmt að segja til um það
hvort ráðist yrði í að láta sérsmíða
þyrlur fyrir Landhelgisgæsluna, en
það yrði að sjálfsögðu einnig skoðað
hvort til væru þyrlur á markaði sem
myndu henta.
Búið að skapa tækifærið
„Aðalatriðið er það að við teljum
að með þessari fjármálaáætlun sé
búið að skapa tækifærið til þess að fá
þyrlurnar, en við þurfum vitanlega
að gefa okkur tíma í undirbúning,“
sagði Ólöf Nordal, innanríkis-
ráðherra.
Þyrlukaup fyrir
Gæsluna skoðuð
 Sérsmíði getur komið til greina
Morgunblaðið/Árni Sæberg
Gæslan Á næstu fimm árum er ráð-
gert að keyptar verði nýjar þyrlur.
Steinþór Guðbjartsson
steinthor@mbl.is
Framkvæmdir eru hafnar vegna
nýrrar byggingar fyrir blómaversl-
unina Blómatorgið, elstu blómabúð
landsins, á mótum Hringbrautar og
Birkimels í Reykjavík. „Vonandi verð-
ur nýja húsnæðið tilbúið fyrir jól,“
segir Sigurður Þórir Sigurðsson, eig-
andi verslunarinnar.
Blómaverslunin Blómatorgið var
opnuð 1949, þegar Sigurður Guð-
mundsson, faðir Sigurðar, byrjaði að
selja blóm út um lúgu í fimm fermetra
skúr á hornlóðinni. Fljótlega var rým-
ið orðið um 30 fermetrar og und-
anfarin ár var sambyggður skúr, sem
áður var söluturn, jafnframt notaður.
Húsnæðið, sem var rifið og fjarlægt í
vikunni, var um 46 fermetrar en ný-
byggingin verður um 76 fermetrar á
einni hæð með mikilli lofthæð, sam-
kvæmt teikningu Magnúsar Skúla-
sonar arkitekts.
Skúrarnir voru fyrir löngu komnir
til ára sinna og langt er síðan Sigurður
fór að huga að nýbyggingu. Tvisvar
hefur grenndarkynning farið fram,
fyrst 2007 og svo fyrir um tveimur ár-
um, þegar ákvörðun var tekin um að
sækja um að fá að reisa átthyrnt hús
en ekki ferkantað eins og áður var
stefnt að. „Ég er blómasali en verð að
vera opinn fyrir öllu og hef stundum
velt því fyrir mér hvort ég ætti að
bjóða upp á túristatengdar vörur með
blómunum en mér finnst eiginlega
nóg komið af því góða,“ segir hann.
Draumurinn að rætast
Sigurður segir að undirbúningur
sé hafinn og ýmislegt sé tilbúið. Búið
er að steypa sökkla og útveggir og
límtré eru til staðar. „Draumurinn fer
að rætast,“ segir Sigurður, sem byrj-
aði að vinna í búðinni hjá föður sínum
1963 og tók við rekstrinum 1990. Stór
gámur er á lóðinni og þar verður
verslunin, þangað til nýja húsnæðið
verður tekið í notkun. „Ég reyni að
vera með eins mikið framboð og ég
get,“ segir Sigurður. Bætir við að sal-
an hafi tekið kipp við breytingarnar.
„Það er eins og fólki finnist sport í því
að kaupa í gámnum og þar sem pláss-
ið er lítið þarf ég stöðugt að fylla á af
útiblómum.“
Elsta blómabúðin
í nýtt húsnæði
Morgunblaðið/RAX
Blómatorgið Sigurður Þórir Sigurðsson og Hildur Bruun á sölutorginu.
EM áskriftartilboð
að Morgunblaðinu
10. júní – 10. júlí
25%
afsláttur
Upplýsingar í síma 569 1100
eða askrift@mbl.is
Tilboðsverð
4.210 kr.
Skráning á:
http://www.mbl.is/em-tilbod