Morgunblaðið - 11.06.2016, Blaðsíða 21

FRÉTTIR 21Erlent
MORGUNBLAÐIÐ LAUGARDAGUR 11. JÚNÍ 2016
Bogi Þór Arason
bogi@mbl.is
Stjórnvöld í Frakklandi hétu því í gær að gera
allt sem í valdi þeirra stæði til að koma í veg
fyrir að verkföll, götumótmæli og hryðjuverk
spilltu Evrópumóti karla í fótbolta sem hófst í
gærkvöldi með leik Frakklands og Rúmeníu á
þjóðarleikvanginum Stade de France í Saint
Denis, skammt frá París.
Lestarstjórar höfðu boðað nýtt verkfall,
meðal annars á tveimur leiðum að leikvang-
inum, en Francois Hollande, forseti Frakk-
lands, sagði að stjórn sín myndi grípa til „allra
nauðsynlegra aðgerða“ til að tryggja að vinnu-
stöðvanir röskuðu ekki opnunarleiknum og
Evrópumótinu. „Ég fylgist mjög grannt með
þessu,“ sagði Hollande. „Almannaþjónusta
verður tryggð… Augu Evrópu verða á Frakk-
landi.“
Alain Vidalies, samgönguráðherra landsins,
sagði í útvarpsviðtali að stjórnin kynni að
fyrirskipa lestarstjórum að hefja störf að nýju
ef verkfall þeirra raskaði mótinu. „Stjórnin
ætlar að beita öllum tiltækum ráðum til að
tryggja að áhorfendur komist á leikvangana,“
sagði hann. „Ef við þurfum að gefa út fyrir-
mæli til verkfallsmanna gerum við það.“
Neitar að hætta við umdeild lög
Hollande sagði að það væri skylda allra
Frakka, meðal annars verkfallsmanna og
stéttarfélaga sem skipuleggja verkföll, að
leggja sitt af mörkum til að tryggja að Evrópu-
mótið gæti farið fram snurðulaust.
Lestarstjórinn Berenger Cernon, einn for-
ingja verkfallsmannanna í París, sagði að þeir
bæru ekki ábyrgð á Evrópumótinu, heldur
ríkisstjórn Sósíalistaflokksins og Róttæka
vinstriflokksins, sem hefði valdið mikilli ólgu í
samfélaginu með umdeildum lögum um breyt-
ingar á vinnulöggjöfinni. „Við ákváðum ekki að
EM í fótbolta færi fram á þessum tíma, núna
þegar breytingunum á vinnumarkaðnum er
haldið áfram og lögin eru knúin fram,“ sagði
hann. „Þannig að þetta raskar augljóslega EM
og við höldum áfram verkfallinu.“
Hollande neitaði að verða við kröfu verka-
lýðssamtaka um að hætta við breytingarnar á
vinnulöggjöfinni og sagði þær nauðsynlegar til
að minnka atvinnuleysið í landinu.
3.000 tonn af sorpi á gangstéttum
Yfirvöld í París segja að um 3.000 tonn af
sorpi hafi safnast upp á gangstéttum borgar-
innar vegna verkfalls sorphirðumanna. Svipað
ástand er í nokkrum öðrum borgum þar sem
leikir EM fara fram og margir hafa kvartað yf-
ir sorphaugunum á götunum og ólyktinni frá
þeim. „Þegar gestirnir horfa út um gluggann
sjá þeir sorpið, þannig að þeir missa auðvitað
matarlystina,“ hefur fréttaveitan AFP eftir
þjóni í veitingahúsi í Latínuhverfinu í París.
Anne Hidalgo, borgarstjóri Parísar, sagðií
gær að byrjað væri að hirða sorpið en viður-
kenndi að það tæki nokkra daga. Um 50 bílar
voru notaðir við sorphirðuna í fyrrinótt og um
30 til viðbótar í gær, að sögn fréttavefjar
breska ríkisútvarpsins.
Hugo Lloris, fyrirliði og markvörður
franska landsliðsins, hvatti verkfallsmenn til
að raska ekki Evrópumótinu. „Ég er áhorfandi
líka og ég vona að þetta spilli ekki gleðinni
vegna þess að þegar slíkt stórmót er haldið hér
í Frakklandi þurfum við að sjá til þess að
ímynd landsins verði góð,“ hafði AFP eftir
fyrirliðanum. Aðalskipuleggjandi mótsins,
Jacques Lambert, sagði aftur á móti að verk-
föllin hefðu þegar „spillt stemningunni“. „Þau
gefa ekki þá mynd af landinu sem við viljum.“
Óttast er að fyrirhugað verkfall flugmanna
Air France valdi einnig vandræðum á næstu
dögum þegar áhorfendur streyma til landsins.
Verkfallið á að hefjast í dag og standa í fjóra
daga. Að sögn franskra fjölmiðla slitnaði upp
úr viðræðunum í fyrradag en forstjóri Air
France, Frederic Gagery, sagði að gert væri
ráð fyrir því að um 70-80% flugferðanna yrðu
samkvæmt áætlun í dag, þrátt fyrir verkfallið.
Evrópumótið er einnig haldið í skugga
hryðjuverkanna í París í nóvember, þegar 130
manns létu lífið, og hættunnar á að hryðju-
verkamenn, m.a. liðsmenn íslömsku samtak-
anna Ríkis íslams, láti aftur til skarar skríða á
íþróttaleikvöngum eða öðrum mannmörgum
stöðum í Frakklandi þegar mótið er haldið.
Allt að 90.000 lögreglumenn og öryggisverðir
sjá um að vernda leikmennina og áhorfendur
leikjanna sem fara fram í tíu borgum. Talið er
að um sjö milljónir manna heimsæki borgirnar
vegna Evrópumótsins.
Öryggisgæslan stóðst fyrsta prófið í fyrra-
kvöld þegar um 80.000 manns söfnuðust sam-
an til að fylgjast með ókeypis tónleikum sem
franski plötusnúðurinn David Guetta hélt við
Eiffel-turninn í París á svæði sem er ætlað fyr-
ir stuðningsmenn fótboltaliðanna sem keppa á
mótinu.
Lofa að hindra að
verkföllin raski
EM í Frakklandi
ÞÝSKAL.
Verkföll hafin Fleiri verkföll
Fyrsti leikurinn í gær:
Leiðir þar sem verk-
fallið hefur mest áhrif
TGV-hraðlestirnar
20% færri ferðir
Leigubílstjórar hafa
verið hvattir til að leggja
niður vinnu
20 - 30%
af flugferðum Air France
í dag aflýst
Flugmenn í verkfalli
14. júní
11.-14. júní
Verkfall var boðað á
tveimur lestaleiðum til
leikvangsins í Saint Denis
Í gær
Olíuhreinsunarstöðvar
í verkfalli
Mótmæli (í gær og
fyrradag)
Fjöldamótmæli boðuð
í París
Verkföll og mótmæli í Frakklandi þegar EM hefst
Borgir þar sem
EM fer fram
Sorphirða stöðvaðist
vegna verkfalls
Járnbraut
til Spánar
Helsta járn-
brautin milli
Parísar og
suðurhlutans
Til
Ítalíu
BELGÍA
LÚX.
Marseille
Bordeaux
Toulouse
Nice
Lyon
Lille
Lens
SPÁNN
Saint
Etienne ÍTALÍA
SVISS
PARÍS
Frakkland-Rúmenía
Sorp hefur hlaðist
upp í kringum
yfirfullar ruslatunnur
við götur Parísar
í Saint Denis
100 km
 Frönsk stjórnvöld í vanda vegna verkfalla
lestarstjóra, sorphirðumanna og flugmanna
AFP
París í rusli Vel til höfð kona gengur framhjá sorphaugi á gangstétt í höfuðborg Frakklands.
Mikilvægast að styðja liðið sitt
» Harðir stuðningsmenn liðanna á EM í
fótbolta segjast ekki ætla að láta verkföll
eða hryðjuverkaógnina í Frakklandi spilla
mótinu fyrir sér.
» „Við lifum í hættulegum heimi. Ég veit
að þetta er hættulegt en mikilvægast af
öllu er að styðja Rúmeníu,“ hafði AFP
eftir einum stuðningsmanna liðs Rúmen-
íu sem lék gegn Frökkum í gær. „Fyrir ut-
an allt sorpið er mótið mjög vel skipu-
lagt,“ sagði annar Rúmeni.
Tugir þúsunda manna söfnuðust
saman á götum Louisville í Kent-
ucky til að kveðja Muhammad Ali
þegar líki hans var ekið um göt-
urnar í gær áður en hann var bor-
inn til grafar. Um 15.500 manns
voru síðan viðstödd minning-
arathöfn um hnefaleikakappann á
íþróttaleikvangi í borginni. Meðal
ræðumanna var Bill Clinton, fyrr-
verandi forseti Bandaríkjanna, en
Barack Obama gat ekki mætt
vegna þess að dóttir hans var að út-
skrifast frá menntaskóla. Forsetinn
vottaði minningu Alis virðingu sína
á myndskeiði sem birt var í gær.
Recep Tayyip Erdogan, forseti
Tyrklands, var ekki við útförina
eins og gert hafði verið ráð fyrir.
Hann flýtti heimferð sinni vegna
deilu við skipuleggjendur útfarar-
innar, að sögn fjölmiðla í Tyrk-
landi. Áður hafði verið skýrt frá því
að Erdogan hefði óskað eftir því að
fá að flytja ræðu við minningar-
athöfnina.
Tugir þúsunda kvöddu hnefaleikakappann
Ali borinn til grafar
AFP
BÆJARLIND 16 I 201 KÓPAVOGUR I SÍMI 553 7100 I LINAN.IS
OPIÐ MÁN TIL FÖSTUDAGA 11 - 18 I LAUGARDAGA 11 - 16
SVEFNSÓFAR