Morgunblaðið - 11.06.2016, Blaðsíða 30

30 MINNINGAR
MORGUNBLAÐIÐ LAUGARDAGUR 11. JÚNÍ 2016
✝ Kristvin Guð-mundsson fædd-
ist í Litlaskarði,
Stafholtstungum,
Mýrasýslu, 27. jan-
úar 1927. Hann lést í
Brákarhlíð, Borga-
nesi, 8. júní 2016.
Foreldrar hans
voru Kristín Helga-
dóttir, f. 1907 og
Guðmundur Gísla-
son, f. 1889. Systkini
Kristvins sammæðra: Ólöf Björg
Ágústdóttir, f. 1930, d. 2015,
Elsabet Jónsdóttir f. 1933, d.
2014, Helgi Jónsson, f. 1942, d.
1957, Þórir Jónsson, f. 1950.
Samfeðra: Ragnheiður Guð-
mundsdóttir, f. 1924, d. 1977,
Guðlaugur Bjarni Guðmundsson,
f. 1925, f. 2011, Guð-
björg Guðmunds-
dóttir, f. 1927.
Í sambúð með
Helgu Þórnýju Guð-
mundsdóttur, f.
26.12. 1942. Börn
þeirra 1) Guðbjörn
Kristvinsson, f. 1963,
sambýliskona Svana
Lára Hauksdóttir, f.
1968. 2) Þorsteinn
Helgi Kristvinsson,
f.1967, maki Sóley Stefánsdóttir,
f.1967, a) Hlynur Logi, f. 1993, b)
Helgi Sævar f. 1997, c) Birkir
Örn, f. 2001. 3) Kristín Þórkatla
Kristvinsdóttir f. 1969, maki Dag-
bjartur Ragnar Jónsson, f. 1957,
a) Garðar Kári Garðarsson, f.
1986, í sambúð og á tvö börn, b)
Ragnheiður Helga Garðarsdóttir,
f. 1988 í sambúð og á eitt barn, c)
Guðrún Þórdís Edvardsdóttir, f.
1991, d) Pétur Kristvin Ragnars-
son, f. 2000, e) Guðjón Ingi Stein-
ar Ragnarsson, f. 2002. 4) Björn
Ingi Kristvinsson, f. 1973, sam-
býliskona Isabel Miranda Planc-
arte, f. 1977. Börn hans og Mar-
grétar Helgu Jóhannsdóttur, f.
1977, a) Daníel Ágúst, f. 2000, b)
Sindri Snær, f. 2003.
Kristvin bjó alla ævi í Borgar-
firðinum, lengst af í Stafholts-
tungunum. Sem ungur maður
vann hann við ýmis störf í sveit-
inni. Árið 1961 hóf hann störf hjá
Ræktunarsambandi Þverárþings,
á jarðýtum við jarðvegsvinnu,
vegagerð snjómokstur og fleira
sem til féll. Síðustu starfsár sín
vann hann við járnsmíðar og við-
gerðir, eftirlit með slökkvitækj-
um og ýmsa vinnu sem til féll í
sveitinni.
Kristvin verður jarðsunginn
frá Reykholtskirkju í dag, 11.
júní 2016, klukkan 14.
Ein af æskuminningunum er að
það var jarðýta að vinna úti í flagi,
það var verið að herfa og kýfa svo
úr yrði nýtilegt tún. Þarna var
kominn Kristvin Guðmundsson,
jarðýtustjóri Ræktunarsambands
Þverárþings til rúmlega 30 ára.
Vorið 1960 var Kristvin búinn
að ráða sig til Ræktunarsam-
bandsins en Ólafur á Kaðalstöðum
fékk hann lausan til að vinna við
byggingu Þverárréttar. Vorið
1961 byrjaði Kristvin að vinna á
jarðýtum hjá Ræktunarsambandi
Þverárþings. Það var mikið happ
fyrir Ræktunarsambandið að fá
Kristvin.
Þar eins og annars staðar sem
hann kom að verki naut sýn verk-
lagni, þekking á vélum og natni í
allri umgengni og umhirðu. Á
þessum árum var vor í sveitum
landsins. Bændur kepptust við að
rækta og byggja. Ýtukallarnir
voru hetjur sem fóru um héruð og
breyttu þýfðum móa í vel kýfð tún.
Farið var bæ frá bæ með herfi og
olíutank. Fyrst á vorin voru teknir
húsgrunnar. Svo tók ræktunar-
vinnan við og ýmis önnur verk
sem þurftu öflug tæki. Á þessum
árum voru jarðýturnar öflugustu
tæki sem völ var á. Kristvin vann
töluvert að vegagerð. Einnig vann
hann við hafnargerð á Hvamms-
tanga, hitaveitulögn að Laugar-
bakka, stíflugerð við Langavatn,
vegalagningu að Langjökli og
línuveg yfir Skarðsheiði, bygg-
ingu Borgarfjarðarbrúarinnar og
fjölmörg önnur verk þar sem
þurfti jarðýtu.
Á veturna var svo snjómokstur
á Holtavörðuheiði og á bæjum.
Þegar ekki var vetrarvinna var
viðhaldsvinnu sinnt á Kaðalstöð-
um. Kristvin leit á Kaðalstaði sem
sitt annað heimili. Þarna fór fram
allt viðhald á vélunum. Oft voru
tveir menn að vinna við ýturnar.
Þeir Kaðalstaðabræður, Þor-
steinn og Ólafur, ásamt Kristvin
og þeim sem rákust inn glímdu
stundum við ýmsar aflraunir sér
til skemmtunar. Það voru teknir
upp 50 kílóa fóðurblöndupokar
með því að bíta í þá og lyfta þeim
þannig. Þeir beygðu treitommu
nagla með því að leggja hann ofan
á vísifingur og baugfingur og und-
ir löngutöng. Svo var slegið með
hinni hendinni á löngutöng og
naglinn beygður sem mest. Einnig
var smiðjusteðjinn tekinn upp á
nefinu. Kristvin var vel að manni
og einn af þeim sem höfðu tekið
sér í fang bæði Fullsterkan og
Húsafellshelluna. Steini á Kaðal-
stöðum átti steypuhrærivél sem
var notuð við steypuvinnu víða á
bæjum. Kristvin var oft með
Steina í steypuvinnunni. Þegar
þessir tveir menn voru komnir
saman þá var öruggt að verkið
gengi. Á síðari árum var vélin orð-
in mjög slitin og þurfti ákveðið lag
á hana. Slá með slaghamri á rétta
staði svo allt gengi sinn rétta
gang. Um nokkurra ára bil kenndi
Kristvin nemendum í elstu bekkj-
um Varmalandsskóla að raf- og
logsjóða.
Í suðuvinnunni leitaðist hann
við að láta strákana smíða eitthvað
nýtilegt, hillur eða búkka til að
setja undir bíl.
Nú þegar þessi samferðamaður
og nágranni er genginn stendur
eftir minningin um góðan dreng.
Hagur á járn og tré. Eftir standa
verkin, vel kýfð tún og ótal bygg-
ingar sem hann kom að.
Brynjólfur Guðmundsson.
Kristvin
Guðmundsson
✝ Kristjana Jóna-tansdóttir var
fædd 20. apríl 1921
á Nípá í Köldukinn.
Hún lést á dvalar-
heimilinu Hvammi
á Húsavík 5. júní
2016.
Kristjana bjó á
Nípá og hélt heimili
með Friðbirni bróð-
ur sínum. Foreldr-
ar hennar voru
Guðfinna Friðbjarnardóttir og
Jónatan Jónasson. Systkini
hennar voru Karl,
Sigurbjörg, Frið-
björn, Vilborg og
hálfsystir Hansína.
Þau eru öll látin
nema Friðbjörn
sem dvelur á
Hvammi en þar
bjuggu þau Krist-
jana síðustu 12 ár-
in.
Útför Kristjönu
fer fram frá
Þóroddsstaðakirkju í dag, 11.
júní 2016, klukkan 14.
Stjana mín, kallið er komið.
Það verður skrítið að heim-
sækja Bubba einan á Hvamm, en
þið systkinin hafið fylgst að allt
ykkar líf og borið mikla um-
hyggju hvort fyrir öðru.
Á Nípá héldu þið heimili sam-
an á efri hæðinni. Ég minnist
þess hversu oft ég hljóp upp til
ykkar til að athuga á hvorum
staðnum væri betra í matinn og
alltaf var litla frænkan velkomin.
Seinna fengu börnin mín
margan góðan bitann hjá þér
þegar við komum heim í Nípá.
Þau minnast karamellubúðings-
ins sem var hvergi betri en hjá
þér og oft snéru þau upp á klein-
ur.
Þið systkinin voruð mjög gest-
risin og oft bar gesti að garði. Þú
varst mikil húsmóðir og gerðir
góðan mat og bakkelsi og þér féll
sjaldan verk úr hendi.
Þú varst mikil handavinnu-
kona og ófáar lopapeysurnar
varstu búin að prjóna.
Það var erfið ákvörðun þegar
þið Bubbi fluttuð á Dvalarheim-
ilið Hvamm á Húsavík, en heilsan
var farin að versna og þú gerðir
þér grein fyrir að það var ykkur
fyrir bestu. Það glöddust því allir
yfir því hvað þú varst ánægð og
hversu virkan þátt þú tókst í
starfinu þar, t.d. handavinnunni
og spilamennskunni.
Bera allir dúkarnir þínir og
púðarnir vitni um það hversu iðin
þú varst.
Þú fylgdist alltaf vel með bú-
skapnum á Nípá og hugurinn var
í sveitinni. Berjaspretta og kart-
öflurækt var þér alltaf hugleikin.
Stjana mín, það er gott að vita
að þú áttir bjart og fagurt ævi-
kvöld á Hvammi og við færum
starfsfólkinu bestu þakkir fyrir
einstaka hlýju og góða umönnun.
Elsku Stjana, við fjölskyldan
þökkum þér fyrir allt.
Lækkar lífdaga sól.
Löng er orðin mín ferð.
Fauk í faranda skjól,
fegin hvíldinni verð.
Guð minn, gefðu þeim frið,
gleddu og blessaðu þá
sem að lögðu mér lið.
Ljósið kveiktu mér hjá.
(H. Andrésdóttir.)
Hvíl í friði.
Þín frænka
Bryndís.
Kristjana
Jónatansdóttir
Erna Sampsted
vinkona mín er lát-
in en við þá fregn
hlaðast upp minn-
ingar af kynnum mínum við hana.
Edda var mjög glaðsinna og eft-
irminnileg kona.
Fyrstu kynni mín af henni
voru þegar hún, glæsileg og bros-
mild, kom í heimsókn í Stórholtið
á heimili foreldra síns heitt elsk-
aða tilvonandi eiginmanns. Ég
var þarna átta ára ráðvilltur ung-
ur drengur í fóstri hjá móður-
ömmu minni og seinni eiginmanni
hennar, sem þráði athygli og vin-
áttu sem Edda gaf mér ríkulega
frá fyrsta degi sem við hittumst.
Á þessum tíma var hún að
nema hárgreiðslu í Iðnskólanum í
Reykjavík og kom í Stórholtið í
hádegismat. Þá nánast sat ég fyr-
ir henni til að fara yfir heimalær-
dóminn minn, því engum treysti
ég betur til þessa en henni sem
ævinlega varð við bón minni, með
bros á vör, þó önnur samskipti við
hitt heimilisfólkið í stuttum mat-
artíma væru brýn.
Snemma vors 1958 fór ég úr
heimahögum í sveit austur í
Vopnafjörð og að hausti þessa
sama árs er ég kom aftur heim
var Edda flutt inn í Stórholtið.
Hún lét strax til sín taka með
skrúbb og tusku á lofti. Hróflaði
við íhaldssamri uppsetningu á
mublum og bætti inn í herbergin
hornljósum og hafði þau kveikt
meðan fólk hafði fótaferð. Hún
var mikill sólargeisli inn í heim-
ilislífið sem bar vott um gamla
Erna Sampsted
✝ Erna Samp-sted fæddist
16. maí 1940. Hún
andaðist 3. maí
2016. Að ósk hinn-
ar látnu fór útförin
fram í kyrrþey 20.
maí 2016.
sveitamennsku.
Næstu árin bjó
Edda í húsum
tengdaforeldra
sinna ásamt fjöl-
skyldu. Áður en
heimdraganum var
hleypt og flutt í
Fossvoginn voru
börnin orðin þrjú.
Eftirminnilegt er
hversu mikið Edda
lagði á sig við íbúða-
kaupin í Dalalandinu. Hún vann á
hárgreiðslustofunni allan daginn
og tók síðan konur heim í greiðslu
á kvöldin og um helgar, einbeitt í
að komast í eigin híbýli. Þrengsl-
in í Stórholtinu eru mér í minni,
tvær fjölskyldur í frekar lítilli
íbúð sem segir sig sjálft að mikið
umburðarlyndi og útsjónarsemi
hefur þurft til að komast af, af
hvoru tveggja hafði Edda nóg.
Sjálfsagt hefur Eddu einhvern
tíma runnið í skap þær aðstæður
sem henni voru skapaðar og sjálf-
sagt hefur henni þótt við mig á
stundum en ég man aldrei eftir
öðru en ljúfu viðmóti af hennar
hálfu.
Á síðari árum hefur mér ekki
auðnast að vera í góðu sambandi
við Eddu, þar kemur trúlega
margt til. En alltaf haft af henni
spurnir og var meðvitaður um
hennar veikindi. Í dag er ég
þakklátur fyrir að hafa heimsótt
hana á síðustu Þorláksmessu. Því
þrátt fyrir veikindi og vitund um
að hverju stefndi var hlegið og
gantast, skipst á fjölskyldusögum
og rýndar myndir af ættarlauk-
unum.
Naut ég okkar síðustu stundar
saman og faðmlagsins frá konu
sem hafði svo margt að gefa og
kenna.
Samúðarkveðja,
Gunnar V. Andrésson,
Anna K. Ágústsdóttir.
Ástkær faðir okkar, tengdafaðir, fósturfaðir,
afi og langafi,
ÁRNI JÓHANNESSON
mjólkurfræðingur,
Hjallalundi 18, Akureyri,
lést fimmtudaginn 26. maí á
hjúkrunarheimilinu Lögmannshlíð. Útför hans fer fram frá
Akureyrarkirkju þriðjudaginn 14. júní klukkan 13.30.
Þeim sem vilja minnast hans er bent á Sjúkrahúsið á Akureyri.
.
Jóhannes Árnason, Sólveig Þóra Jónsdóttir,
Jónas Ingi Árnason,
Sigurður Kristinsson,
barnabörn og barnabarnabörn.
Okkar ástkæri sonur, faðir, fósturfaðir,
tengdafaðir og afi,
ÞORSTEINN ÍVAR SÆMUNDSSON,
Bragavöllum 4, Reykjanesbæ,
lést mánudaginn 6. júní. Útförin fer fram frá
Hafnarfjarðarkirkju fimmtudaginn 16.
júní klukkan 13.
.
Guðlaug Karlsdóttir,
Sigursteinn Ívar Þorsteinsson,
Helma Þorsteinsdóttir, Erlingur Reyr Klemenzson,
Dagný Gísladóttir,
Stefán Magnús Jónsson, Ester Sigurjónsdóttir,
Hildur Björg Jónsdóttir, Rúnar Eyberg Árnason,
afabörn og systkini hins látna.
Elsku pabbi okkar, tengdapabbi, afi og
langafi,
GUÐMUNDUR ST. JACOBSEN,
ketil- og plötusmiður,
lést á Öldrunarheimilinu Lögmannshlíð
27. maí. Útförin hefur farið fram í kyrrþey.
Sérstakar þakkir fær starfsfólk í Melgerði fyrir góða umönnun.
Þökkum auðsýnda samúð.
.
Karl J. Guðmundsson, Lilja Stefánsdóttir,
María S. Guðmundsdóttir, Njáll Kjartansson,
Brynjar St. Jacobsen, Anna J. Benjamínsdóttir,
Elfa K. Guðmundsdóttir, Steinþór Steinþórsson,
afa og langafabörn.
Ástkær eiginkona mín, móðir okkar,
tengdamóðir, amma og langamma,
ÞÓRUNN JÓNSDÓTTIR,
Brekkugötu 15, Vogum,
lést á Sólvangi 4. júní síðastliðinn.
Útförin fer fram frá Hafnarfjarðarkirkju
15. júní kl. 15.
.
Kolbeinn Sigurjónsson,
Helgi Sævar Sigurðsson, Signý Ólafsdóttir,
Jón Sigurðsson,
Karl Svavar Siguðsson, María Þorsteinsdóttir,
Valgarð Sigurðsson, Hrefna Hlín Karlsdóttir
og fjölskyldur.
Útfarar- og lögfræðiþjónusta
Vesturhlíð 2 Fossvogi | Sími 551 1266 | útför.is
Með kærleik og virðingu
Útfararstofa Kirkjugarðanna
Jón G. Bjarnason
Við erum til staðar
þegar þú þarft á
okkur að halda
Við önnumst alla þætti undir-
búnings og framkvæmd útfarar
ásamt vinnu við dánarbússkiptin.
Við þjónum með virðingu
og umhyggju að leiðarljósi
og af faglegum metnaði.
Ástkær móðir okkar, tengdamóðir og
amma,
INGIBJÖRG F. HJARTAR,
Höfða, Akranesi,
lést 2. júní. Útför hennar verður gerð frá
Akraneskirkju 16. júní kl. 13. Þeim sem vilja
minnast hennar er bent á Höfða,
hjúkrunar- og dvalarheimili.
.
Dagný Þorgilsdóttir, Neal Hermanowicz,
Hörður Þorgilsson, Lilja Stefánsdóttir,
Fríða Þorgilsdóttir
og barnabörn.