Ægir - 01.12.2016, Page 28

28
seinkun sem hefur orðið á
smíðinni skipanna. Ein ástæðan
sé að mannskapur hafi ekki ver-
ið nægur, líkt og áður segir. En
fleira komi til.
„Önnur skýring á seinkun-
inni er líka sú að hér er talsvert
annað viðhorf til fiskiskipa en
við eigum að venjast. Við Ís-
lendingar gerum miklar kröfur
og viljum vanda til smíði okkar
skipa, langt umfram það sem
ég sé að hér er gert til fiski-
skipa. Því má kannski segja að
það hafi í byrjun tekið svolítinn
tíma fyrir Kínverjana að átta sig
á þeim kröfum sem við gerum.
En í dag skynja ég að stöðin
leggur mikið upp úr að þessi
tvö skip verði henni til sóma og
geti hjálpað stöðinni að ná inn
á fiskiskipamarkað á Íslandi og í
Evrópu. Og ég er líka sannfærð-
ur um að þetta verða mjög fín
skip,“ segir Finnur.
Skipin tvö eru hönnuð af
verkfræðistofunni Skipasýn.
Þau hafa algjöra sérstöðu með-
al þeirra nýju íslensku togara
sem eru í smíðum um þessar
mundir vegna þess hversu
djúpur kjölurinn er og sér í lagi
vegna hinnar stóru skrúfu sem
á skipunum er. Hún er 4,8 metr-
ar í þvermál, með snúnings-
hraða 48 sn/mín og er mark-
miðið með þessari nýstárlegu
hönnun ná fram meiri hag-
kvæmni í orkunýtingu.
Grillaðar fiðrildapúpur
og kínverskt vatn
Finnur segir það mikla upplifun
að kynnast menningu Kínverja
og raunar Asíubúa því þau hjón
hafa ferðast nokkuð síðan þau
fóru utan.
„Þetta er auðvitað á allan
hátt öðruvísi daglegt líf en við
eigum að venjast. Sérstaklega
finnst mér erfitt að venjast
matnum. Hér er mikið fiski-
svæði, mikil eldi á skel- og
krabbadýrum meðfram allri
Togarinn Páll Pálsson í Huanghai skipasmíðastöðinni. Skipin taka hratt á sig mynd þessa dagana en hápunkturinn nú um jólin verður líkast til gang-
setning aðalvéla skipanna í fyrsta sinn.
Finnur og eiginkona hans Guðbjörg Ólafsdóttir hafa notað tækifærið og ferðast um Asíu í frítíma hans frá
smíðaverkefninu í Shidao. Hér eru þau við Kínamúrinn.