Morgunblaðið - 06.09.2016, Blaðsíða 10
10 FRÉTTIRInnlent
MORGUNBLAÐIÐ ÞRIÐJUDAGUR 6. SEPTEMBER 2016
Bryggjan í Flatey sem Breiðafjarð-
arferjan Baldur legst að liggur undir
skemmdum. Gamli hluti bryggj-
unnar er orðinn lúinn og þolir illa
aukið álag sem fylgir nýrri ferju.
Vegagerðin mun senda menn á
næstunni til að gera úttekt á mann-
virkinu.
Nýi Baldur er stærri en sá gamli
og ekki eins vel búinn stjórntækjum
og getur ekki lagst að að bryggju
nema með því að keyra í springinn.
Landfestar eru settar á polla og not-
aður sem mótstaða á meðan ferjan
er keyrð að bryggjunni. Átökin eru
það mikil að allt leikur á reiðiskjálfi,
bæði nýja bryggjan sem fest er í og
áföst gömul bryggja. Ingibjörg
Birna Erlingsdóttir, sveitarstjóri
Reykhólahrepps, segir að bryggjan
þoli þessar aðfarir ekki, sérstaklega
í slæmum veðrum þegar átökin eru
enn meiri en venjulega.
Bryggjan er í tveimur hlutum. Ný
bryggja fyrir ferjuna var byggð
framan við þá gömlu fyrir all-
mörgum árum. Gamli hlutinn er orð-
inn lúinn og átökin bitna einnig á
honum því bryggjurnar eru sam-
tengdar.
Enginn vill eiga mannvirkið
Vandamálin voru ekki eins áber-
andi þegar eldri Baldur var notaður.
Það var styttra skip og léttara og
hafði meiri stjórnhæfni en nýja skip-
ið.
Ríkið hefur rekið höfnina í Flatey
sem ferjuhöfn í áratugi og kostaði
framkvæmdirnar þegar bryggjan
var stækkuð. Ingibjörg segir að
reynt hafi verið að koma rekstrinum
yfir á sveitarfélagið fyrir þremur ár-
um en Reykhólahreppur hafi ekki
viljað taka við honum. „Við viljum
ekki taka við bryggjunni í þessu
slæma ásigkomulagi. Við viljum að
þetta sé áfram ferjubryggja og ríkið
reki hana,“ segir sveitarstjórinn.
Sigurður Áss Grétarsson, fram-
kvæmdastjóri siglingasviðs Vega-
gerðarinnar, segir að borist hafi
fréttir af því að bryggjan sé farin að
láta á sjá. Segir hann ákveðið að fara
í úttekt á bryggjunni, til að kanna
ástand hennar.
helgi@mbl.is
Bryggjan þolir ekki að
ferjan keyri í springinn
Ferjubryggjan í Flatey skemmd Skoðuð af sérfræðingum
Morgunblaðið/Guðlaugur Albertsson
Flatey Bryggjan leikur á reiðiskjálfi þegar ferjan keyrir í springinn til að leggja að bryggju.
Guðni Einarsson
gudni@mbl.is
Launþegar í einkennandi atvinnu-
greinum sem tengjast ferðaþjón-
ustu voru um 26.200 talsins í júlí
síðastliðnum. Hafði þeim fjölgað um
3.400 frá sama mánuði í fyrra.
Aukningin er 15% á einu ári. Þetta
kemur fram í frétt frá Hagstofu Ís-
lands. Tekið er fram að aðeins voru
taldir launþegar, en ekki þeir sem
starfa sem verktakar í ferðaþjón-
ustu.
Launþegunum fjölgaði hlutfalls-
lega mest hjá ferðaskipuleggjend-
um, ferðaskrifstofum og bókunar-
þjónustum eða um 33%.
Launþegarnir á því sviði voru um
2.700 í júlí 2015 en 3.600 í júlí síð-
astliðnum. Næst mest var aukning-
in (22%) milli júlí 2015 og júlí 2016 í
því sem kallað er aðrar atvinnu-
greinar tengdar ferðaþjónustu.
Undir það falla m.a. aðrir farþega-
flutningar á landi, millilanda- og
strandsiglingar með farþega, far-
þegaflutningar á skipgengum
vatnaleiðum, leiga á vélknúnum
ökutækjum og leiga á tómstunda-
og íþróttavörum. Þriðja mesta fjölg-
un launþega (21%) milli fyrr-
greindra mánaða tengdist farþega-
flutningum með flugi.
Hagstofan reiknaði einnig með-
altal mánaðanna ágúst-júlí. Á ár-
unum 2014-2015 voru launþegar í
ferðaþjónustu alls 18.200 en 2015-
2016 voru þeir 21.300 sem var 17%
aukning.
Veitingarekstur er mannfrekasti
geirinn í ferðaþjónustunni, sam-
kvæmt frétt Hagstofunnar. Í júlí
síðastliðnum unnu við hann um
8.800 manns og hafði fjölgað um 600
(7%) frá sama mánuði í fyrra. Næst
hvað mannafla varðar kom rekstur
gististaða og störfuðu um 7.500
manns við hann í júlí sl. og hafði
fjölgað um 12% frá júlí 2015.
Auk launþega er eitthvað um að
fólk starfi við ferðaþjónustu sem
verktakar. Fólk sem þekkir til
ferðageirans sagði að líklega sé
verktaka helst að finna á meðal leið-
sögumanna og ökuleiðsögumanna.
Verktakarnir hafi annað aðalstarf
en stundi leiðsögn sem íhlaupa-
vinnu. Þeir myndu falla undir at-
vinnugrein 79 það er „ferðaskipu-
leggjendur, ferðaskrifstofur og
bókunarþjónustu“. Fram kom í
vinnumarkaðskönnun í fyrra að þá
störfuðu um 2.300 í þeirri grein, það
er flokk 79, en launþegar voru
2.075. Ætla má að mismunurinn,
225, hafi verið verktakar. Gróft
áætlað gætu þá um 10% þeirra sem
störfuðu í þessum geira ferðaþjón-
ustunnar 2015 hafa verið verktakar.
Fleiri vinna við ferðaþjónustu
3.400 fleiri launþegar í ferðaþjónustu í júlí 2016 en í júlí 2015 Flestir vinna við veitingarekstur
Morgunblaðið/Ómar Óskarsson
Ferðamannastraumurinn Mörg störf hafa skapast í ferðaþjónustunni. Í júlí
2016 voru um 26.200 launþegar í atvinnugreinum tengdum ferðaþjónustu.
Alls hyggjast fjórtán flugfélög
halda uppi vetraráætlun milli Ís-
lands og samtals 57 áfangastaða
austan hafs og vestan á tíma-
bilinu frá lokum október til loka
mars í vetur. Að sögn talsmanns
ISAVIA hafa svo mörg flugfélög
aldrei flogið til jafnmargra áfanga-
staða frá Keflavíkurflugvelli og
næsta vetur. Sætaframboð í vetr-
aráætluninni mun aukast um
58,3%. Gert er t.d. ráð fyrir 63%
fjölgun farþega í janúar en í þeim
mánuði hefur flug verið í lág-
marki.
Síðastliðinn vetur, 2015/2016,
voru tæplega tvær milljónir sæta í
boði en næsta vetur fer framboðið
yfir þrjár milljónir sæta. Sæta-
framboðið næsta vetur verður
meira en það var í allri sumaráætl-
uninni árið 2013 og meira en
heildar-sætaframboð árið 2011.
Þetta varð ljóst þegar frestur flug-
félaga til að staðfesta afgreiðslu-
tíma í vetraráætlun rann út.
Guðni Sigurðsson, upplýsinga-
fulltrúi ISAVIA, segir að ný flug-
félög taki upp vetraráætlun og
eins bætast við nýir áfangastaðir.
Auk þess munu flugfélög fjölga
áætlunarferðum til áfangastaða
sem fyrir eru.
Flugfélögin sem ætla að bjóða
upp á ferðir í vetur milli Íslands og
útlanda eru Air Berlin, Flugfélag
Íslands, Atlantic Airways, British
Airways, Delta, easyJet, Ice-
landair, Norwegian, Primera, SAS,
Thomson, Vueling, Wizz Air og
WOW air.
Félög sem ætla að fljúga hingað
í vetur eru m.a. Air Berlin sem
flýgur til Þýskalands, Flugfélag Ís-
lands sem flýgur til Aberdeen,
Delta sem flýgur til New York,
Thomson sem flýgur til Englands,
Norwegian flýgur til Noregs,
Spánar og Englands, Vueling flýg-
ur til Spánar og Wizz Air flýgur til
Litháens og Póllands. Icelandair
verður með flesta áfangastaði og
WOW air bætir New York við sem
áfangastað.
Viðamesta vetraráætlun flug-
félaga til og frá Íslandi
SÆTAFRAMBOÐ Í MILLILANDAFLUGI EYKST UM 58,3% Í VETUR
Morgunblaðið/RAX
Keflavíkurflugvöllur Það stefnir í
mikla aukningu ferðaframboðs í vetur.
Viðar Guðjónsson
vidar@mbl.is
Ríflega helmingi færri kusu í próf-
kjöri Sjálfstæðisflokksins í Reykjavík
nú en árið 2012. Prófkjörið fór fram
síðastliðinn laugardag og mættu 3.430
manns til að velja á lista flokksins í
Reykjavík. Til samanburðar kusu
7.546 í prófkjöri flokksins fyrir al-
þingiskosningar árið 2012.
Spurður um skýringar á minni
þátttöku í prófkjörinu þá segir Þórð-
ur Þórarinsson, framkvæmdastjóri
Sjálfstæðisflokksins, að mögulega
kunni minni barátta um efsta sæti í
prófkjörinu nú en áður að skýra hana.
„Það dregur alltaf úr áhuga og þátt-
töku á prófkjörum þegar ekki er bar-
átta um efsta sætið,“ segir Þórður.
Ólöf Nordal sóttist ein eftir fyrsta
sæti á listanum og fékk 2.944 atkvæði.
Til samanburðar var hart barist um
efsta sætið í prófkjöri árið 2012. Voru
þá á 6 þúsund atkvæði á bakvið
Hönnu Birnu Kristjánsdóttur sem
leiddi listann.
Þá bendir Þórður á að skammur
tími hafi verið frá því að framboðs-
fresti lauk, eða þremur vikum fyrir
prófkjör. „Þá virðast frambjóðendur
hafa verið heldur hógværari í fjárút-
látum en oft áður,“ segir Þórður.
Hann segir það umhugsunarvert hve
kosningaþátttaka almennt sé að
minnka. Til að mynda hafi einungis
rúm 60% kosið í síðustu borgarstjórn-
arkosningum. „Maður veltir því fyrir
sér af hverju kosningaþátttakan er að
minnka og ég nefni borgarstjórnar-
kosningarnar sérstaklega því þar var
kosningaþátttaka hjá ungu fólki, eða
yngstu aldurshópunum, rétt í kringum
50%. Kosningaþátttaka hefur minnk-
að á Vesturlöndum síðustu áratugi og
nú er þessa þróun að sjá hér,“ segir
Þórður. Að sögn hans hafa tölur úr
prófkjörinu ekki verið aldursgreindar.
Lítil barátta
kunni að skýra
minni þátttöku
Rúmlega helmingi færri kusu í próf-
kjöri Sjálfstæðisflokks en árið 2012
3430
Kusu í prófkjöri Sjálfstæðisflokks-
ins síðastliðinn laugardag
7546
Kusu í prófkjöri Sjálfstæðisflokks-
ins árið 2012
7492
Kusu í prófkjöri sjálfstæðismanna
í Reykjavík árið 2009
PRÓFKJÖR
»