Morgunblaðið - 06.09.2016, Blaðsíða 26
26 ÍSLENDINGAR
MORGUNBLAÐIÐ ÞRIÐJUDAGUR 6. SEPTEMBER 2016
Það er bara alltí blómahérna á
Akureyri eins og
alltaf og maður sér
ekki annað á bæjar-
búum en að þeim
líði ágætlega. Það
eru allir brosandi út
að eyrum,“ segir Ei-
ríkur Björn Björg-
vinsson, bæjarstjóri
á Akureyri, spurður
út í bæjarlífið.
„Sumarið hefur
verið ágætt og
haustið byrjar vel.
Þegar ég horfi út
um gluggann á
skrifstofunni minni
núna þá sé að ég eitt
skemmtiferðaskip
liggur við höfnina.
Það er alltaf gaman
að fá þau hingað og
það lífgar upp á bæjarbraginn. Það hefur verið heilmikið aukning á
erlendum ferðamönnum og svo erum við búin að byggja upp svo
sterka innviði hérna að það er ferðamannastraumur allan ársins
hring. Svo koma líka margir innlendir ferðamenn í heimsókn til
Akureyrar. Reksturinn hjá bæjarfélögunum er samt alltaf í járnum
og í mörg horn að líta. Það er má hvergi slá slöku við.“
Eiríkur á stórafmæli í dag og ætlar að vera með fjölskyldunni.
„Eins og sagt er þegar maður er kominn á þennan aldur: ég verð að
heiman. Þetta er annars búið að vera skemmtilegt ár hvort sem það
var vegna þessara tímamóta eða ekki. Ég er búinn að ferðast mikið
bæði erlendis og innanlands. Ég fór á EM í sumar og það var m.a. af-
mælisgjöf frá foreldrum mínum og fjölskyldunni þannig að það má
segja að sú ferð hafi verið hluti af afmælinu.
Utan vinnu þá reyni ég að halda mér í góðu líkamlegu formi og svo
legg ég upp úr því að vera mikið með fjölskyldunni og að við eigum
okkar gæðastundir.“
Eiginkona Eiríks er Alma Jóhanna Árnadóttir, grafískur hönnuður
og hönnunarstjóri hjá Ásprent/Stíl. Synir þeirra eru Árni Björn, 19
ára, Birnir Eiðar, 8 ára, og Hákon Bjarnar sem verður 7 ára á
gamlársdag.
Bæjarstjórinn Eiríkur Björn Björgvinsson.
Allir brosandi út að
eyrum á Akureyri
Eiríkur Björn Björgvinsson er fimmtugur
M
agnús fæddist í
Reykjavík 6.9. 1946
og ólst upp í gamla
Vesturbænum, á
Öldugötu 40, ásamt
systrum sínum tveimur, Línu og
Kristínu. Þau fluttu svo þegar hann
var 14 ára út á Seltjarnarnes, þar
sem foreldrar hans bjuggu eftir það.
Magnús gekk í Melaskólann og
Hagaskólann, lauk stúdentsprófi frá
VÍ 1967, cand. oecon.-prófi frá HÍ
1971, sótti námskeið í International
Shipping við Háskólann í Ósló 1970
og hjá Airline Management við MIT í
Boston 1980.
Magnús fór átta ára í sveit að
Bræðratungu í Biskupstungum hjá
feðgunum Skúla Gunnlaugssyni og
Sveini Skúlasyni og konum þeirra
Valgerði Pálsdóttur og Sigríði Stef-
ánsdóttur: „Ég var fimm sumur í
Bræðratungu og tel það hafa verið
mikla gæfu fyrir mig að fá að eyða
mótunarárunum hjá því góða fólki.
Síðan fór ég fjórtán ára til sjós og
vann á flutningaskipum öll mín Versl-
unarskólaár. Ég ætlaði alltaf að gera
sjómennsku að ævistarfi en veiktist í
augum og það kom í veg fyrir fram-
hald á þeim vettvangi.“
Magnús var framkvæmdastjóri
BHM 1971-72, skrifstofustjóri SÍF
1972-73, framkvæmdastjóri Hafskipa
1973-74, rekstrarráðgjafi og kennari
við VÍ 1974-76, framkvæmdastjóri
Arnarflugs 1976-81, aðstoðar-
framkvæmdastjóri Olíufélagsins hf.
1981-83, framkvæmdastjóri Vinnu-
veitendasambands Íslands, 1983-86
og SÍF frá 1986-1993.
Magnús var stjórnarformaður
Nord Morue í Frakklandi 1991-94,
Haraldar Böðvarssonar hf. á Akra-
nesi 1991-95 og Útflutningsráðs Ís-
lands 1986-94. Hann var varafor-
maður Fjárfestingabanka atvinnu-
lífsins, FBA 1997-2000 og formaður
stjórnar FBA 2000 þar til bankinn
sameinaðist Íslandsbanka. Hann sat í
háskólaráði Háskólans á Akureyri
1999-2001, var formaður bankaráðs
Búnaðarbanka Íslands 2001-2003,
formaður stjórnar Eimskipafélags
Íslands, Brims ehf., Burðaráss ehf.
og Eimskips ehf. frá október 2003 og
fram í mars 2004, hefur auk þess set-
ið í stjórnum ýmissa fyrirtækja,
nefnda og ráða, stofnaði ráðgjafa-
fyrirtækið Capital ehf. 1994 og rak
það til 2010, stofnaði Íslenska Flug-
miðlun (Icelandic Aircraft Manage-
ment IAM) 1998 og var stjórnar-
formaður þess til 2012, stjórnar-
formaður Þróunarsjóðs Sjávar-
útvegsins 1994-2006 og situr í stjórn
Fjallatinda, Marinvest, TT Invest og
varastjórn Fossa Markaðir.
Magnús var formaður Málfunda-
félags Verslunarskóla Íslands, for-
maður kjördæmasambands ungra
sjálfstæðismanna í Reykjaneskjör-
Magnús Gunnarsson, fyrrv. framvæmdastjóri SÍF – 70 ára
Fjölskyldan Magnús og Gunnhildur með börnunum, Aðalheiði og Gunnari Kristni, tengdabörnum og barnabörnum.
Ætlaði til sjós en
endaði í viðskiptalífinu
Reykjavík Fannar Óli Axels-
son fæddist 6. september
2015 kl. 22.10. Hann vó 1.348
g og var 40 cm langur. For-
eldrar hans eru Linda Björk
Ómarsdóttir og Axel Fannar
Sigursteinsson.
Nýir borgarar
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
Unnið í samvinnu við viðmælendur.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinnimbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.
Hólshraun 3, 220 Hafnarjörður · Símar 555 1810, 565 1810 · veislulist@veislulist.is · www.veislulist.is
SKÚTAN
AF ÖLLUM STÆRÐUM, HVORT SEM ER Í VEISLUSAL
OKKAR, Í AÐRA SALI EÐA Í HEIMAHÚSI
Veitingar af öllum
stærðum, hvort sem er í
veislusal okkar, í aðra sali
eða í heimahúsi.
Nánar á veislulist.is
Erfidrykkja
Veislusalur okkar er bjartur og fallegur salur
á jarðhæð, gott aðgengi.
Öll þjónusta, kaffi og gos eru innifalin
í verði þegar erfidrykkja er í sal.