Morgunblaðið - 06.09.2016, Blaðsíða 17

FRÉTTIR 17Erlent
MORGUNBLAÐIÐ ÞRIÐJUDAGUR 6. SEPTEMBER 2016
Bindi og pökkunarlausnir
Hafðu samband og kynntu þér
vöruúrvalið og þjónustuna
fyrir allan iðnað
STÁLBORÐAR Ísfell er með margar gerðir bindivéla fyrir stál- og plastborða.
Handbindivélar, hálfsjálvirkar og alsjálfvirkar
einnig brettavafningsvélar fyrir plastfilmur.
HÁLFSJÁLFVIRK
BINDIVÉL
SJÁLFVIRK
BINDIVÉL
HANDBINDIVÉLAR
BRETTAVAFNINGSVÉLAR
POLYESTER OG
PLAST BORÐAR
Bogi Þór Arason
bogi@mbl.is
Pandabjörninn, eða risapandan, er
ekki lengur talinn í útrýmingarhættu
en austurgórillur hafa bæst á „rauðan
lista“ alþjóðlegu náttúruverndar-
samtakanna IUCN yfir tegundir í
bráðri útrýmingarhættu.
Tilkynnt var á ráðstefnu samtak-
anna á Havaíeyjum um helgina að
pandabjörninn væri ekki lengur í út-
rýmingurhættu og hefði verið færður
á lista yfir tegundir sem eru taldar
standa veikt. Aðgerðir yfirvalda í
Kína á síðustu áratugum til að bjarga
pandabjörnunum hafa orðið til þess
að þeim hefur fjölgað. Talið er að þeir
séu núna alls 2.060 í heiminum.
Á ráðstefnunni var hins vegar
greint frá því að austurgórillur hefðu
verið færðar á lista yfir dýr í bráðri
útrýmingarhættu. Górillum er skipt í
tvær tegundir, vesturgórillur (gorilla
gorilla) og austurgórillur (gorilla ber-
ingei). Vesturgórillur höfðu áður ver-
ið settar á listann yfir dýr í bráðri
útrýmingarhættu, auk Borneó-
órangútana og Súmötru-órangútana.
Rakið til veiða og ágangs
Fjórar af sex tegundum mannapa,
eða stórapa, eru því á listanum yfir
dýr í bráðri útrýmingarhættu. Hinar
tegundirnar tvær, simpansar og bon-
obo-apar, eru einnig taldar í útrým-
ingarhættu en ekki bráðri.
Alþjóðlegu náttúrverndarsamtökin
segja að austurgórillum hafi fækkað
um rúm 70% á síðustu tveimur ára-
tugum.
Austurgórillur greinast í tvær deili-
tegundir, austur-sléttugórillur og
fjallagórillur. Sléttugórillunum hefur
stórfækkað á síðustu tveimur áratug-
um, úr 16.900 árið 1994 í 3.800 á síð-
asta ári. Ólöglegar veiðar eru helsta
ástæða fækkunarinnar, að sögn sam-
takanna. Fjallagórillur eru einnig í
bráðri hættu þótt þeim hafi fjölgað
lítilsháttar á síðustu árum. Talið er að
þær séu núna um 880.
Auk ólöglegu veiðanna hefur
austurgórillum stafað hætta af eyði-
leggingu heimkynna og átökum á síð-
ustu áratugum í Austur-Kongó og
Rúanda. Hópmorðin í Rúanda árið
1994 höfðu alvarlegar afleiðingar fyr-
ir górillurnar í A-Kongó, að sögn
fremdardýrafræðingsins Johns Rob-
inson. Hann segir að manndrápin hafi
orðið til þess að margir Rúandabúar
hafi flúið á svæði í Kongó sem höfðu
áður verið strjálbýl. Ágangur manna
á heimkynni górillanna hafi aukist
vegna flóttafólksins og námuvinnslu.
200 km 300 km
Fjórir af sex mannöpum eru á Rauðum lista yfir tegundir semmikil hætta er talin á að deyi út
Vesturgórilla
Borneó-órangútan
Austurgórilla
Fjöldi: < 5.000
14.613
Nokkur hundruð
þúsund Súmötru-órangútan
104.700
Heimild: Rauður listi IUCN
Fjórar mannapategundir í bráðri útrýmingarhættu
Pongo abelii
Pongo pygmaeus
Gorilla beringei
Veiðiþjófnaður,
eyðilegging heim-
kynna og stríð
Gorilla gorilla
Eyðing skóga
Eyðing skóga,
veiðiþjófnaður
Veiðiþjófnaður,
sjúkdómar og
eyðing heimkynna
GABON
V-KONGÓMIÐBAUGS-GÍNEA
KAMERÚN
AUSTUR-
KONGÓ RÚANDA
ÚGANDA
MALASÍA
INDÓNESÍA
Fjórir af sex mannöpum
eru taldir í bráðri hættu
AFP
Hólpinn? Pandabjörninn Mei Xiang
í dýragarði í Washingtonborg.
 Pandabjörninn ekki lengur talinn í útrýmingarhættu
Forystumenn
systurflokks
Kristilegra
demókrata í Bæj-
aralandi, CSU,
hvöttu í gær An-
gelu Merkel,
kanslara Þýska-
lands, til að
breyta stefnunni
í málefnum
flóttamanna eftir ósigur flokks
kanslarans í sambandslandinu
MecklenburgVorpommern á sunnu-
dag.
Sósíaldemókratar (SPD) fengu þá
30,6% atkvæðanna og flokkurinn
Annar kostur fyrir Þýskaland, eða
Alternativ für Deutschland (AfD),
kom næstur með 20,8% fylgi eftir
að hafa lagt áherslu á andstöðu við
stefnu Merkel í málefnum flótta-
manna. Kristilegir demókratar urðu
í þriðja sæti með 19% atkvæða og
er það minnsta fylgi sem flokkurinn
hefur nokkru sinni fengið í kosn-
ingum til þings sambandslandsins.
Þýskir fjölmiðlar sögðu úrslitin
áfall fyrir Merkel og veikja stöðu
hennar fyrir þingkosningarnar í
Þýskalandi á næsta ári. Vefútgáfa
Spiegel sagði að kosningarnar
hefðu í raun verið atkvæðagreiðsla
um stefnu Merkel og úrslitin væru
hnekkir fyrir hana í ljósi þess að
kjördæmi hennar er í Mecklenburg-
Vorpommern. Spiegel telur þó ekki
að úrslitin geti kostað hana
kanslaraembættið.
Þótt fylgi Merkel hafi minnkað
segjast um 45% þýskra kjósenda
styðja hana og enginn annar stjórn-
málaleiðtogi virðist vera nógu öfl-
ugur til að geta velt henni úr sessi.
Merkel varði í gær þá ákvörðun
sína í fyrra að opna Þýskaland fyrir
flóttafólki frá Sýrlandi en viður-
kenndi að úrslitin á sunnudag
sýndu að hún þyrfti að „endur-
heimta traust kjósenda“.
bogi@mbl.is
Úrslitin
veikja
Merkel
 Kanslarinn ver
flóttamannastefnuna
Angela Merkel
Mótmæli borgarbúa, bænda og
flutningabílstjóra gegn flóttamanna-
búðum í Calais trufluðu umferð á
vegum við borgina í gær. Mótmæl-
endurnir kröfðust þess að flótta-
mannabúðir, sem hafa verið kallaðar
Frumskógurinn, yrðu rifnar vegna
þess að þær græfu undan atvinnulíf-
inu í borginni og trufluðu umferð
flutningabíla um höfnina.
Um 7.000 manns dvelja í flótta-
mannabúðunum við ömurlegar að-
stæður og margir þeirra hafa reynt
að stökkva í flutningabíla í von um
komast í gegnum Ermarsundsgöng-
in til Bretlands. Á meðal flóttafólks-
ins eru um 400 börn sem komu til
Frakklands án foreldra sinna.
Um 70 flutningabílar tóku þátt í
mótmælunum. Natacha Bouchart,
borgarstjóri Calais, slóst í hóp mót-
mælendanna og sagði að flóttamönn-
unum í búðunum gæti fjölgað í
15.000 innan nokkurra mánaða ef
yfirvöld rifu ekki búðirnar.
Eigendur veitingahúsa og fleiri
fyrirtækja í Calais hafa krafist þess
að franska ríkið greiði þeim skaða-
bætur vegna tekjutaps sem þeir hafi
orðið fyrir vegna flóttamannabúð-
anna. Milljónir breskra ferðamanna
koma til borgarinnar á ári hverju.
AFP
Vilja „Frumskóginn“ burt Calais-búar mótmæla flóttamannabúðunum. Á
borðanum stendur: „Höfnin mín er fögur, borgin mín er fögur.“
Flóttamannabúðum
mótmælt í Calais
Að minnsta kosti
48 manns létu líf-
ið í fjórum
sprengjuárásum
sem gerðar voru í
Sýrlandi á tæpri
klukkstund í gær,
flestar þeirra á
yfirráðasvæðum
einræðisstjórnar
landsins. Ríki ísl-
ams, samtök ísl-
amista, lýsti árásunum á hendur sér.
Að minnsta kosti 35 manns biðu
bana í mannskæðustu árásinni sem
var gerð í hafnarborginni Tartus
þar sem rússneski sjóherinn er með
bækistöð. Að minnsta kosti átta
manns létu lífið í sprengjutilræði
sem beindist að herliði Kúrda í borg-
inni Hasakeh í norðausturhluta
landsins. Mestur hluti Hasakeh er á
valdi Kúrda en einræðisstjórnin er
einnig með herlið í borginni.
SÝRLAND
Tugir manna féllu
í sprengjuárásum
Ríkis íslams
Brak úr bílum eftir
árás í Tartus.
Evrópska geim-
farið Rosetta
hefur fundið
lendingarfarið
Philae sem lenti
á halastjörnunni
67P í nóvember
2014 eftir tíu ára
og 6,5 milljarða
kílómetra langa
ferð með geim-
farinu. Á nýjum
myndum frá Rosetta sést lend-
ingarfarið í skugga undir kletta-
snös sem slútir yfir það.
Philae gat starfað í um sextíu
klukkustundir og sent gögn til jarð-
ar þar til aðalrafhlöður hennar
tæmdust. Þar sem lendingarfarið
staðnæmdist í skugga undir klett-
inum virkuðu ekki sólarrafhlöður
sem áttu að gera því kleift að starfa
áfram eftir að aðalrafhlöðurnar
tæmdust. Vísindamenn evrópsku
geimvísindastofnunarinnar ESA
voru orðnir næstum úrkula vonar
um að Philae myndi finnast.
GEIMFARIÐ ROSETTA
Fann Philae í skugga
kletts á halastjörnu
Tölvumynd af
Philae.