Morgunblaðið - 20.09.2016, Blaðsíða 33

MENNING 33
MORGUNBLAÐIÐ ÞRIÐJUDAGUR 20. SEPTEMBER 2016
Þátturinn Game of Thrones komst í
sögubækurnar á Emmy-verðlauna-
hátíðinni á sunnudagskvöld þegar
hann varð sá leikni þáttur sem hlotið
hefur flest verðlaun frá því að hátíðin
hóf göngu sína fyrir nærri 70 árum.
Þáttaröðin, sem HBO-framleiðir,
hreppti 12 verðlaun í ár, níu verðlaun
í tækniflokkum og þrenn topp-
verðlaun en þátturinn var valin besti
dramaþátturinn auk þess að vera
verðlaunaður fyrir skrif og leikstjórn.
Þar með hefur þessi fantasíuþáttur
fengið 38 Emmy-styttur, sem er einni
fleiri en langlífi gamanþátturinn
Frasier.
„Við elskum Frasier og sá þáttur
gekk lengi og við erum viss um að
einhver mun slá þetta met. Við bara
vonum að það gerist ekki fyrr en við
erum öll dauð,“ sagði David Benioff,
einn framleiðanda og höfunda Game
of Thrones.
Þáttaröðin missti þó af leikara-
verðlaunum í þetta sinn. Þrjár stjörn-
ur úr þáttunum, Lena Headey,
Emilia Clarke og Maisie Williams,
voru taldar líklegar til að vinna verð-
laun sem besta aukaleikkonan en
styttan hafnaði í traustum höndum
Maggie Smith úr Downton Abbey.
Peter Dinklage var heldur ekki
verðlaunaður frekar en Jon Snow,
sem talinn var sigurstranglegastur
en verðlaun fyrir besta leikara í auka-
hlutverki fóru til Bens Mendelsohn
fyrir hlutverk sitt í Netflix-
fjölskyldudramanu Bloodline.
FX-þáttaröðin The People v. O.J.
Simpson: American Crime Story kom
líka, sá og sigraði með níu verðlaun
en fyrir fram var búist við góðu gengi
þáttarins og gekk það eftir.
„Ef þátturinn þinn er ekki með
dreka eða hvítum Bronco í, farðu
bara heim strax,“ grínaðist kynnirinn
Jimmy Kimmel og vísaði þá til hins
ævintýralega Game of Thrones og
bílsins sem Simpson keyrði um í Los
Angeles í ævintýralegum bílaeltinga-
leik áður en hann var handtekinn.
Sarah Paulson og Courtney B. Vance
voru verðlaunuð fyrir leik sinn sem
lögfræðingar O.J. Simpson, Marcia
Clark og Johnnie Cochran. Sterling
K. Brown fékk líka verðlaun sem
aukaleikari fyrir hlutverk í þáttunum
og D.V. DeVincentis hreppti styttu
fyrir handritaskrif.
Verðlaunaðasti þátturinn í sögu há-
tíðarinnar er þó sketsaþátturinn Sat-
urday Night Live en Kate McKinnon
tók á móti 45. styttu þáttarins á
sunnudagskvöld sem besta leikkona í
aukahlutverki. McKinnon þakkaði
Ellen DeGeneres og Hillary Clinton,
sem hún skopstælir í þáttunum en
líka föður sínum heitnum sem lét
hana byrja að horfa á SNL þegar hún
var 12 ára.
Stórt kvöld hjá Louis-Dreyfus
Julia Louis-Dreyfus fékk fimmtu
verðlaunin í röð sem besta leikkona í
aðalhlutverki í HBO-þættinum Veep.
„Mig langar að tileinka þessi verð-
laun föður mínum sem lést á föstu-
daginn og ég er svo glöð með að hann
var ánægður með Veep því skoðun
hans er sú eina sem raunverulega
skiptir máli,“ sagði hún í innilegri
þakkarræðu. Veep fékk jafnframt
verðlaun sem besti gamanþátturinn.
Margir höfðu búist við því að Robin
Wright úr House of Cards myndi
vinna verðlaun sem besta aðalleikona
í dramaþætti en Tatiana Maslany úr
vísindaskáldskaparþættinum Orphan
Black hreppti verðlaunin. Kevin
Spacey úr House of Cards hefur
fengið tvenn Óskarsverðlaun en eng-
in Emmy-verðlaun og breyttist það
ekki þetta kvöld en Rami Malek úr
spennuþáttunum Mr. Robot var verð-
launaður sem besti leikari í drama-
þætti. Þetta þótti ein óvæntasta nið-
urstaða kvöldsins en fyrir utan
Spacey voru tilnefndir í þessum
flokki Kyle Chandler, Bob Odenkirk,
Matthew Rhys og Liev Schreiber.
Þetta var í fyrsta sinn sem Malek var
tilnefndur.
Himinlifandi Framleiðendur og leikarar Game of Thrones fögnuðu mjög. Lögfræðidrama John Travolta og Sterling K. Brown með verðlaun sín.
Krúnuleikarnir krýndir
 Game of Thrones sigursælasta leikna þáttaröðin á Emmy-verðlaunahátíðinni
AFP
Tvenna Julia Louis-Dreyfus gleðst með tvenn verðlaun fyrir Veep.
Sigurvegari Tatiana Maslany.
 Dramaþáttur: Game of Thrones
 Gamanþáttur: Veep
 Aðalleikari í dramaþætti: Rami
Malek, Mr. Robot.
 Aðalleikona í dramaþætti:
Tatiana Maslany, Orphan Black.
 Aðalleikari í grínþætti: Jeffrey
Tambor, Transparent.
 Aðalleikkona í gamanþætti:
Julia Louis-Dreyfus, Veep.
 Aukaleikari í dramaþætti: Ben
Mendelsohn, Bloodline.
 Aukaleikkona í dramaþætti:
Maggie Smith, Downton Abbey.
 Aukaleikari í gamanþætti: Louie
Anderson, Baskets.
 Aukaleikari í grínþætti: Kate
McKinnon, Saturday Night Live.
 Þáttaröð sem nær yfir takmark
aðan tíma („limited“): The
People v. O.J. Simpson: Ameri-
can Crime Story.
 Leikari í slíkri þáttaröð eða
mynd: Courtney B. Vance, The
People v. O.J. Simpson: Americ
an Crime Story.
 Leikkona í slíkri þáttaröð eða
mynd: Sarah Paulson, The
People v. O.J. Simpson: Ameri-
can Crime Story.
 Sjónvarps-
mynd: Sher
lock: The
Abominable Bride.
 Veruleikakeppnis-
þáttur: The
Voice.
 Spjallþáttur:
Last Week Tonight
with John Oliver.
Helstu verðlaunahafar
68. EMMY-VERÐLAUNAHÁTÍÐIN
Kringlunni • Sími 568 7777 • heyra.is HEYRNARSTÖ‹IN
Enn snjallara heyrnartæki
Beltone Legend
Nýja Beltone Legend™ heyrnartækið tengist þráðlaust beint í iPhone, iPad og iPod touch.
Komdu í ókeypis heyrnarmælingu og fáðu heyrnartæki lánað til reynslu.
Beltone Legend gengur með iPhone 6s og eldri gerðum, iPad Air, iPad (4. kynslóð), iPad mini með Retina, iPad mini og iPod touch (5. kynslóð) með iOS eða nýrra stýrikerfi.
Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
™
Ókeypis
heyrnarmælingsíðan 2004
EIÐURINN 5:40, 8, 10:20
BLAIR WITCH 8, 10
KUBO 2D ÍSL.TAL 6
LAUGARÁSBÍÓ Sýningartímar
Miðasala og nánari upplýsingar
ÞRIÐJUDAGSTILBOÐ
ÞRIÐJUDAGSTILBOÐ