Morgunblaðið - Sunnudagur - 02.10.2016, Blaðsíða 8

ANNA WINTOUR hefur verið ritstjóri bandaríska Vogue frá 1988, tímarits
sem oftar en ekki er kallað „tískubiblían“. Hún hefur jafnframt verið listrænn
stjórnandi útgáfunnar Condé Nast frá árinu 2013. Hún byrjaði ferilinn í tísku-
heiminum í heimalandinu Bretlandi. „Ég held að faðir minn hafi í raun ákveðið
fyrir mig að ég ætti að vinna í tískuheiminum,“ sagði hún í heimildarmyndinni
The September Issue. Hann útvegaði henni starf í hinni áhrifamiklu búð Biba í
London þegar hún var 15 ára. Árið eftir hætti hún í skóla og fór í þjálfun hjá
Harrods-stórversluninni. Foreldrar hennar hvöttu hana til að sækja námskeið
tengd tísku en hún hætti námi og sagði að annaðhvort vissi maður hvað tíska
væri eða ekki. Eftir það vann hún hjá tímaritinu Oz og síðar Harper’s &
Queen þar sem henni tókst að skapa sér nafn. Hún flutti til New York
með þáverandi kærasta sínum, John Bradshaw. Hún varð aðstoðar-
tískuritstjóri hjá Harper’s Bazaar árið 1975 en vann síðan hjá fleiri
tímaritum í borginni þangað til hún hóf vinnu hjá Vogue árið 1983.
Fyrsta ritstjórastarfið hennar var hjá breska Vogue árið 1985. Þegar
hún tók við sagði hún upp fjölmörgu starfsfólki og breytti stefnu þess
talsvert, svo það minnti meira á bandarísku blöðin. Hún þykir gall-
harður stjórnandi og er sögð vera köld í framkomu. Sagt er að Lauren
Weisberger, fyrrverandi aðstoðarkona Wintour, hafi byggt persónu
sína, ritstjórann Miröndu Priestly í The Devil Wears Prada, á henni, en
hún var afar krefjandi karakter. Árið 1987 sneri hún síðan aftur til New
York til að taka við House & Garden áður en hún fór að stýra Vogue ári
síðar.
Með Wintour komu nýir straumar og stefnur. Forsíðurnar höfðu ein-
kennst af vel þekktum fyrirsætum og nærmyndum í tíð fyrirrennara
hennar. Hún ákvað að sýna stærri hluta líkamans og forsíðumyndirnar
voru gjarnan teknar úti, rétt eins og einn frægasti ritstjóri tímaritsins,
Diana Vreeland, hafði gert mörgum árum áður.
Wintour notaði minna þekktar fyrirsætur og blandaði hátísku við
ódýrari föt. Fyrstu forsíðu hennar má sjá hér til hliðar, nóvember 1988.
Peter Lindbergh tók þessa mynd af hinni 19 ára gömlu Michaelu Bercu
í gallabuxum við rándýran skreyttan jakka sem var hönnun Christian
Lacroix. Þetta var jafnframt í fyrsta sinn sem gallabuxur komust á for-
síðuna. Síðar hefur ritstjórinn sagt aðspurð að þetta sé uppáhalds for-
síðan hennar. Hún hefur verið óhrædd við breytingar og til að mynda
fengið frægar leikkonur til að sitja fyrir á forsíðu í stað fyrirsæta.
ingarun@mbl.is
Í PRÓFÍL
8 MORGUNBLAÐIÐ SUNNUDAGUR 2.10. 2016
ÆSKAN Anna Wintour fæddist í London árið 1949.
Foreldrar hennar eru Charles Wintour, ritstjóri dag-
blaðsins Evening Standard, og Eleanor „Nonie“
Trego Baker en Nonie var bandarísk og dóttir
lagaprófessors við Harvard. Þau eru bæði látin. Hún
á fjögur systkini; James, Noru, Gerald og Patrick en
sá síðastnefndi er blaðamaður á breska dagblaðinu
The Guardian þar sem hann stýrir pólitískri umfjöll-
un.
Hún gekk í einkaskólann North London Collegiate
School. Þar mótmælti hún reglum um klæðaburð
með því að stytta skólapilsin sín. Þegar hún var 14
ára gömul fékk hún sér stuttu og beinu klippinguna
sem hún er enn með í dag.
Hún fékk áhuga á tísku meðal annars í gegnum
unglingatímaritið Seventeen, sem amma hennar
sendi henni frá Bandaríkjunum. Hún hefur líka sagt
að stemningin í London á sjöunda áratugi síðustu ald-
ar hafi haft mikið að gera með það en þá var London
miðpunktur unglingatískunnar. Faðir Wintour var ritstjóri Evening Standard.
AFP
Úr blaðamanna-
fjölskyldu
ÍÞRÓTTIR Anna Wintour er einlægur
aðdáandi tennisíþróttarinnar. Hún fylgist
ekki aðeins vel með mótum heldur spilar
hún líka sjálf. Hún er sögð vakna klukkan
sex á morgnana, gera æfingar og spila tenn-
is. Eftir það fer hún í greiðslu og síðan bíður
hennar bíll sem keyrir hana klukkan átta í
vinnuna.
Á þjóðhátíðardegi Bandaríkjamanna í
sumar var hún ekki í partýi vestra heldur
mætt á Wimbledon til að fylgjast með
þessu sterka tennismóti. Hún mætti á sjö-
unda keppnisdegi og fylgdist þá með góðvini
sínum Roger Federer vinna Steve Johnson.
Sagt er að Karl Lagerfeld hafi látið byggja
tennisvöll við hús sitt í Biarritz í Frakklandi
til að fá Wintour til að koma í heimsókn.
Spilar tennis á
morgana
AFP
STJÓRNMÁL Wintour styður Hillary Clin-
ton í baráttunni við Donald Trump um að
verða næsti Bandaríkjaforseti. Vogue hvetur
ungt fólk til pólitískrar þátttöku og notar
tímaritið samfélagsmiðla sína til þess að
hvetja fólk til þess að skrá sig á kjörskrá.
Í byrjun þessa mánaðar hélt hún síðan fjár-
öflunartískusýningu og veislu fyrir Clinton.
Hún fór fram undir nafninu „Made for Hi-
story“ og var haldin á Manhattan í New
York. Þar var til sölu ýmiss konar varningur
sem var sérstaklega gerður af þessu tilefni.
Til dæmis höfuðklútur eftir Thakoon á 2.900
krónur og stuttermabolur, sem er hönnun
Marc Jacobs, á 6.900. Allur ágóði af sölu
rennur beint í kosningasjóð Clinton.
Þess má geta að Hillary Clinton varð
fyrsta forsetafrúin til að prýða forsíðu
Vogue í desember 1998.
AFP
Styður Hillary
Hillary Clinton nýtur
góðs af stuðningi
Önnu Wintour.
Áhrifamesta
kona tísku-
heimsins
AFP
Wintour ásamt dóttur sinni, Bee
Shaffer, og feðgunum David og
Brooklyn Beckham á sýningu
Victoriu Beckham.
’Wintour hætti í skólasextán ára gömul og fór íþjálfun hjá Harrods-stór-versluninni.
Fyrsta forsíða Önnu Wintour
hjá Vogue í nóvember 1988.
Wintour á fremsta bekk með einni tennisstjörnu, Caroline Wozniacki,
til að fylgjast með fatalínu annarrar tennisstjörnu, Serenu Williams.
Íslensk hönnun
innblásin af
náttúru Íslands
púðaver, slæður,
fatnaður,
sendum frítt
um allt land.
Nánari upplýsingar
á blacksand.is
Pantanasími
896 8771
info@blacksand.is