Morgunblaðið - 26.10.2016, Side 21

21
MORGUNBLAÐIÐ MIÐVIKUDAGUR 26. OKTÓBER 2016
Tungná Sjónarspil náttúrunnar blasti við í allri sinni dýrð þegar flogið var yfir Tungná í haust. Fjölbreytt litbrigðin og línurnar sem vatnið ristir í landið gleðja augað.
RAX
Kjósendur geta
fagnað því að kost-
irnir sem þeir
standa frammi fyrir
næstkomandi laug-
ardag eru óvenju-
skýrir. Annars veg-
ar er það
vinstristjórn að
frumkvæði Pírata
með fjórum eða lík-
lega fimm flokkum,
eða ríkisstjórn undir
forystu Sjálfstæðisflokksins. Kjós-
endur þekkja báða kostina.
Draumur vinstrimanna er að yf-
irfæra Reykjavíkurmódelið yfir á
landstjórnina – og borgarbúar vita
hvað það þýðir. Ár hinna glötuðu
tækifæra – 2009 til 2013 – á að end-
urtaka, enn skal tilraun gerð til að
kollvarpa allri stjórnskipan, leggja til
atlögu við grunnatvinnugreinar,
skattleggja allt sem hreyfist og þá
ekki síst ferðaþjónustu og endurtaka
ESB-skollaleikinn.
Nái vinstriflokkarnir meirihluta
næstkomandi laugardag verður gefin
út samstarfsyfirlýsing og þar verður
sótt í kistur vinstristjórnar Samfylk-
ingar og Vinstri grænna. Því verður
lofað að leiða til öndvegis „ný gildi
jöfnuðar, félagslegs réttlætis, sam-
hjálpar, sjálfbærrar þróunar, kven-
frelsis, siðbótar og lýðræðis“. Fyr-
irheit verða gefin um að ríkisstjórnin
beiti sér fyrir „opinni stjórnsýslu,
auknu gagnsæi og lýðræð-
isumbótum“.
Kjósendur muna hvern-
ig til tókst að standa við
stóru loforðin í síðustu rík-
isstjórn vinstriflokkanna.
Þá voru stór mál afgreidd
með baktjaldamakki sam-
kvæmt lýsingum þeirra
sem sátu við ríkisstjórn-
arborðið. Stjórnar-
frumvarpi sem kollvarpa
átti stjórnkerfi fiskveiða
var líkt við bílslys af ráð-
herrum. Einstaklingur
sem sótti rétt sinn fyrir
dómstólum var gagnrýndur op-
inberlega af forsætisráðherra. Um-
hverfisráðherra vildi breyta lögum
þar sem dómstólar komust að nið-
urstöðum sem voru honum ekki
þóknanlegar. Ákveðið var að fara í
kringum ógildingu Hæstaréttar á
kosningu.
Ný gildi jöfnuðar og félagslegs
réttlætis réðu ferðinni þegar nið-
urskurðarhnífnum var beitt af alefli
gagnvart heilbrigðiskerfinu en
æðstu stjórn ríkisins var hlíft og gott
betur. Bætur almannatrygginga
voru skertar á sama tíma og unnið
var að því að þjóðnýta skuldir einka-
banka. Aukið gagnsæi og lýðræð-
isumbætur birtust í því að koma í
veg fyrir þjóðaratkvæðagreiðslu um
aðildarumsókn að ESB og tilraunum
til að koma í veg fyrir almenningur
hefði nokkuð um það að segja að Ice-
save-klyfjar væru lagðar á hans
herðar.
Aukadekkið
Viðreisn hefur gert hosur sínar
grænar fyrir Pírötum milli þess sem
flokksmenn hafa rifist við talsmenn
Bjartrar framtíðar um hvor flokk-
urinn hafi fengið „að láni“ slagorð
hins. Líkt og sannur vinstriflokkur
gefur Viðreisn fyrirheit um að feta
inn á þekktar brautir sósíalismans
og koma á fót millifærslusjóðum sem
líkt og í gamla daga verður stjórnað
af kommisörum. Kannski er fyrir-
myndin sótt til Brussel.
Margt bendir til að Viðreisn verði
aukadekkið sem vinstristjórn þarf á
að halda að loknum kosningum enda
samið um að leiða Ísland inn í Evr-
ópusambandið. Fyrirstaðan verður
engin líkt og Hjörleifur Guttorms-
son, einn stofnandi Vinstri grænna,
benti á hér í Morgunblaðinu í gær,
þriðjudag:
„Fráhvarf forystu Vinstri grænna
frá upphaflegri andstöðu við ESB-
aðild er annað og djúpstæðara en al-
menningur gerir sér grein fyrir. Eft-
ir að einarðir ESB-andstæðingar
höfðu einn af öðrum hraktist úr
þingflokki VG hljóðnuðu andstöðu-
raddir forystumanna, sem eftir sátu,
við ESB-aðild. Eftir að Ísland lagði
inn aðildarumsókn að ESB sumarið
2009 minnist ég þess ekki að Stein-
grímur J. sem formaður eða arftak-
inn Katrín Jakobsdóttir hafi í blaða-
greinum eða á öðrum vettvangi
rökstutt og útskýrt þá formlegu af-
stöðu flokksins að vera á móti aðild.
Klisjunni virðist eingöngu hafa verið
viðhaldið til að villa á sér heimildir
og til að missa sem fæsta eindregna
andstæðinga ESB-aðildar út úr röð-
unum. Öðruvísi verður ekki útskýrð
þögn þessa fólks í örlagaríkasta máli
Íslendinga um langt skeið. – Það
sama er uppi á teningnum nú í að-
draganda kosninga. Í kosninga-
áherslum VG eins og þær birtast á
heimasíðu flokksins er ekki að finna
stakt orð um Evrópusambandið, af
eða á. Þurfum við frekar vitnanna
við?“
Déjá vu
Komist vinstriflokkarnir til valda
verður bjöllunum aftur hringt í
Brussel. Og eftir nokkrar vikur mun
fjármálaráðherra (Steingrímur J?)
standa upp og kynna umbyltingu
skattkerfisins – í anda „you-ain’t-
seen-nothing-yet“. Milliþrep í tekju-
skatti verður ekki fellt niður líkt og
lög kveða á um. Í sælulandi vinstri-
manna er tekjuskatturinn marg-
þrepa og alltaf er sótt sérstaklega að
millistéttinni. Tollar verða ekki af-
numdir, þeir verða hækkaðir og
settir á að nýju. Eignarskattar –
auðlegðarskattar – verða kynntir til
sögunnar að nýju og eldri borgarar
verða fórnarlömbin. Enn einu sinni
verður gerð atlaga að sjávarútvegi
og grafið undan ferðaþjónustu með
auknum álögum.
Afleiðingarnar eru fyrirsjáan-
legar. Atvinnulífið heldur að sér
höndum. Það dregur úr fjárfest-
ingum, laun lækka og störfum fækk-
ar. Góðæri breytist í stöðnun, svo
samdrátt og lakari lífskjör. Öll fögru
200-milljarða kosningaloforðin fjúka
út um gluggann. Ríkissjóður verður
rekinn með vaxandi halla, verðbólga
eykst og skuldir hækka. Gamla vít-
isvélin fer aftur í gang.
Sjálfstæðisflokkurinn er eina mót-
staðan við vinstristjórn. Á grunni
stöðugleika vilja Sjálfstæðismenn
sækja fram, bæta lífskjörin og halda
endurreisn heilbrigðiskerfisins
áfram. Með öflugu atvinnulífi er
hægt að efla menntakerfið og ráðast
í nauðsynlega innviðafjárfestingu.
Sjálfstæðismenn skilja að þegar ýtt
er undir millistéttina með hófsemd í
álögum, fær ríkissjóður aukinn
styrk og þar með getum við staðið
sameiginlega með myndarlegum
hætti að velferðarkerfinu.
Kjósendur ráða niðurstöðunni
þegar þeir ganga að kjörborði á
laugardaginn. Kostirnir eru skýrir –
óvenjuskýrir.
Eftir Óla Björn
Kárason » Afleiðingarnar eru
fyrirsjáanlegar. Það
dregur úr fjárfest-
ingum, laun lækka og
störfum fækkar. Góðæri
breytist í stöðnun, sam-
drátt og lakari lífskjör.
Óli Björn
Kárason
Höfundur er varaþingmaður
Sjálfstæðisflokksins.
Eina mótstaðan við vinstristjórn