Morgunblaðið - 09.11.2016, Qupperneq 6

6 FRÉTTIRInnlent
MORGUNBLAÐIÐ MIÐVIKUDAGUR 9. NÓVEMBER 2016
Vesturhrauni 3, 210 Garðabæ | Sími 480 0000 | sala@aflvelar.is | aflvelar.is
Vagnar og
kerrur frá
OPIÐ mánudaga til föstudags 8:00-17:00
Hafið samband í síma 480 0000
Sigtryggur Sigtryggsson
sisi@mbl.is
Í samvinnu við sveitarfélögin á
höfuðborgarsvæðinu er Vega-
gerðin á þessu ári að láta vinna
sérstaka greiningu á umferðinni á
helstu stofnvegum. Að sögn
Hreins Haralds-
sonar vega-
málastjóra er
stefnt að því að
þessari vinnu
ljúki í mars á
næsta ári.
Fram kom í
frétt í Morgun-
blaðinu í gær að
umferð á höfuð-
borgarsvæðinu
hefur aukist verulega undanfarin
misseri. Hefur umferðarþunginn
m.a. valdið því að meðalferðatími
milli heimilis og vinnu hefur
lengst.
Að sögn Hreins er greiningin
m.a. gerð í framhaldi af vinnu við
endurskoðun svæðisskipulags höf-
uðborgarsvæðisins og verður hún
höfð til hliðsjónar við mat á því
hvernig almenningssamgöngu-
kerfið verður þróað áfram. Hluti
greiningarinnar sé mat á ferða-
tíma einstakra leiða og hvernig
tíminn muni breytast með aukinni
umferð verði ekkert að gert. Met-
ið verði hvaða aðgerðir á gatna-
kerfinu eru fyrirsjáanlegar til að
ferðatími og tafir verði innan
ásættanlegra marka.
Að sögn Hreins fær Vegagerðin
árlega 200 milljóna króna fjár-
veitingu sem ætluð er til að
greiða kostnað við ýmis smærri
verk. Þeim er ætlað að útrýma
flöskuhálsum á einstaka stöðum á
vegakerfi höfuðborgarsvæðisins
og bæta þar með umferðarflæðið,
efla umferðaröryggi og bæta al-
menningssamgöngur með gerð
sérreina fyrir strætisvagna o.fl.
Reynt að auka öryggið
„Þetta er það sem við erum að
gera í dag til að reyna að auka ör-
yggi og stytta ferðatíma eða
a.m.k. að draga úr lengingu hans,
meðan ekki er farið í stærri fram-
kvæmdir eins og byggingu mis-
lægra gatnamóta til að auka af-
köst og stytta ferðatíma. Rétt er
að bæta því við að ef verulegar
breytingar verða á ferðavenjum
og mikil aukning í notkun al-
menningssamgangna, hjóla- og
göngustíga, léttir það á gatna-
kerfinu á móti, sem getur þá
dregið úr ferðatíma og úr þörf á
byggingu margra mislægra
gatnamóta,“ segir Hreinn.
Vegagerðin hefur um árabil
verið með fasta umferðarteljara á
nokkrum stöðum á stofnvega-
kerfinu. Á stofnvegum á höfuð-
borgarsvæðinu eru teljarar á
þremur stöðum.
Vegagerðin grein-
ir umferðina á höf-
uðborgarsvæðinu
 Fær árlega 200 milljónir króna til að
greiða kostnað við ýmis smærri verk
Hreinn
Haraldsson
Áfengis- og tóbaksverslun ríkisins
(ÁTVR) hefur birt sölutölur fyrir
október síðastliðinn, en samkvæmt
þeim hefur t.a.m. sala á lagerbjór,
rauðvíni, hvítvíni og öli dregist sam-
ana samanborið við sölutölur frá því í
september. Þá dróst sala á vindling-
um og neftóbaki einnig saman þegar
litið er á sölutölur fyrir ágúst og sept-
ember, en gögnin má nálgast á
heimasíðu ÁTVR.
Þegar horft er til áfengissölu eftir
vöruflokkum má sjá að lagerbjór er
þar langsöluhæstur, en alls seldust
1.158.988 lítrar af lagerbjór í versl-
unum ÁTVR í október. Er það nokk-
uð minna en í september þegar alls
seldust 1.289.509 lítrar.
Í öðru sæti listans yfir söluhæstu
vörurnar er rauðvín og seldust í sein-
asta mánuði 137.535 lítrar saman
borið við 146.552 lítra í september.
Hvítvín er í þriðja sæti með 81.473
selda lítra í október, en þeir voru
91.213 lítrar í september. Ölið er svo
fjórða söluhæsta vara vínbúðanna og
seldust 37.510 lítrar í seinasta mán-
uði, en seldir lítrar í september sl.
voru 41.939. Ef bornar eru saman
sölutölur fyrir október 2015 og sama
mánuð 2016 má m.a. sjá að meira
seldist af lagerbjór, eða alls 1.160.142
lítrar, árið 2015 og einnig af rauðvíni,
eða 145.283 lítrar og hvítvíni, eða alls
84.844 lítrar. Minna seldist hins veg-
ar af öli árið 2015, eða 33.322 lítrar.
Minna keypt af tóbaki
ÁTVR seldi í ágúst sl. 3.518 kíló af
neftóbaki en í september var sú tala
komin niður í 3.230 kíló. Svipaða sögu
er einnig að segja af vindlingum, en í
ágúst seldust 90.832 karton sam-
anborið við 79.900 mánuði síðar.
Þá eru þrjár söluhæstu vínbúðir
ÁTVR staðsettar, eftir sölutölum, við
Dalveg, í Skeifunni og við Helluhraun
í Hafnarfirði.
Landinn drakk minna af áfengi í október
Morgunblaðið/Þórður
Vínbúð Nálgast má sölutölur tóbaks og áfengis á heimasíðu ÁTVR.
 Sala á söluhæstu vörum vínbúðanna dróst saman á milli mánaða  Söluhæsta búðin er við Dalveg
FRÉTTASKÝRING
Agnes Bragadóttir
agnes@mbl.is
Síðdegis í gær höfðu línur lítið
skýrst, hvað varðar stjórnarmynd-
unarviðræður. Samkvæmt upplýs-
ingum Morgunblaðsins liggur fyrir
að Bjarni Benediktsson, formaður
Sjálfstæðisflokksins, sem í dag hefur
haft umboð til stjórnarmyndunar í
eina viku, gerir sér fulla grein fyrir
því að hann hefur ekki marga daga til
stefnu til þess að bjóða til formlegra
viðræðna. Þessar upplýsingar hefur
blaðamaður úr herbúðum formanns-
ins og jafnframt það að enn sé hvergi
nærri ljóst hvort Bjarni muni bjóða
formönnum Viðreisnar og Bjartrar
framtíðar fyrst upp í dans.
Viðmælendur bentu í gær á, eins
og þeir hafa áður gert, að einfaldara
væri að mynda ríkisstjórn þriggja
flokka en fjögurra.
En slíkt þurfi alls ekki að vera auð-
velt, þar sem í ljósi sögunnar séu
fimm af sjö þingmönnum Viðreisnar
fyrrverandi flokksbundnir Sjálf-
stæðismenn, sem vegna afstöðu
flokksins hafi sagt sig úr Sjálfstæð-
isflokknum og loks stofnað nýjan
flokk, Viðreisn, í sumar, um baráttu-
mál sín að ganga í Evrópusambandið
og taka hér upp evru, þótt þau mál
hafi verið vandlega falin í stefnuyfir-
lýsingu frá stofnfundi.
Vantraust í garð Viðreisnar
Augljóslega sé mikið vantraust í
garð Viðreisnar og síður en svo hægt
að halda því fram að þær litlu við-
ræður sem hafi farið fram á milli for-
manna Sjálfstæðisflokks, Viðreisnar
og Bjartrar framtíðar, hafi enduróm-
að samhljóm og samstarfsvilja. Auk
þess beri himin og haf á milli Sjálf-
stæðisflokks og Viðreisnar í ESB-
málum og gjaldmiðilsmálum, að nú
ekki sé talað um hvernig haga beri
stjórnun fiskveiða, þar sem Viðreisn
hefur lýst þeirri skoðun sinni að fara
beri uppboðsleið, en Sjálfstæðis-
menn hafa talað fyrir óbreyttu fisk-
veiðistjórnunarkerfi, en jafnframt
lýst yfir vilja sínum til þess að hækka
veiðileyfagjöld frá því sem verið hef-
ur í tíð núverandi ríkisstjórnar.
Auk þess er bent á að sá naumi
þingmeirihluti slíkrar ríkisstjórnar,
þ.e. 32 þingmenn, gæti boðið heim
hættunni á að stjórnin gæti mjög
fljótlega fallið, því það þyrfti ekki
nema einn þingmann til þess að
hlaupa út undan sér.
Því er haldið fram að jafn líklegt sé
að Bjarni bjóði forystumönnum VG
og Framsóknarflokks til stjórnar-
myndunarviðræðna, en slík stjórn, ef
af yrði, hefði 38 eða 39 þingmenn á
bak við sig, allt eftir því hvort fyrr-
verandi formaður Framsóknar-
flokksins, Sigmundur Davíð Gunn-
laugsson, væri talinn með í liðinu, en
um það eru skiptar skoðanir.
Misvísandi skilaboð VG
Þingmenn Sjálfstæðisflokksins
sem rætt var við í gær, benda á að
þingmenn VG hafa sent frá sér mjög
misvísandi skilaboð og skýra það
með því að skoðanir innan VG um
hugsanlegt stjórnarsamstarf við
Sjálfstæðisflokk og Framsóknar-
flokk séu mjög skiptar.
Viðmælendur sem rætt var við
héldu því fram í samtölum í gær að
Katrín Jakobsdóttir, formaður VG,
væri ekki stóra vandamálið, hvað
hugsanlegt samstarf við sjálfstæðis-
flokkinn varðaði og ekki heldur þau
Svandís Svavarsdóttir og Steingrím-
ur J. Sigfússon, heldur þau úr gras-
rót flokksins og ákveðinn hluti þing-
flokksins, sem væru að senda
formanni sínum mjög eindregin
skilaboð um andstöðu sína við mögu-
legt samstarf við Sjálfstæðisflokk-
inn.
Hverjum verður boðið fyrst?
Samkvæmt upplýsingum Morgun-
blaðsins liggur nánast fyrir nú að
þessi vika mun ekki líða án þess að
Bjarni Benediktsson bjóði til form-
legra stjórnarmyndunarviðræðna.
Slíkar viðræður verði ekki hægt að
draga lengur en fram á helgi. Að lík-
indum skýrist það á morgun, jafnvel
seinnipartinn í dag eða kvöld, hverj-
um Bjarni býður fyrst að borðinu.
En það er jafnljóst að sá kostur sem
hefði hugsanlega verið augljósastur
að byrja á, viðræður við Viðreisn og
Framsóknarflokkinn, sem hefði þýtt
34 eða 35 manna stjórnarmeirihluta,
er ekki í myndinni, þar sem formað-
ur Viðreisnar, Benedikt Jóhannes-
son, hefur útilokað slíkt stjórnar-
samstarf – það gerði hann fyrir
kosningar og það gerði hann eftir
kosningar.
Verði niðurstaða formanns Sjálf-
stæðisflokksins sú að bjóða VG og
Framsókn fyrst að borðinu, er aug-
ljóst að slíkar stjórnarmyndunarvið-
ræður yrðu með allt öðrum hætti en
við Viðreisn og Bjarta framtíð.
Þar yrðu væntanlega í forgrunni
samningar um félagslegan jöfnuð,
aukin útgjöld til heilbrigðis- og vel-
ferðarmála, umhverfisvernd, upp-
byggingu innviða og eflingu mennta-
mála. Allt mun þetta væntanlega
skýrast á allra næstu dögum.
Bjarni sagður hafa
frest fram að helgi
 Byrjar á Viðreisn og Bjartri framtíð eða VG og Framsókn
Morgunblaðið/Eggert
Valþröng Bjarni Benediktsson, formaður Sjálfstæðisflokksins, stendur frammi fyrir ákveðinni valþröng, það er að
segja hvort býður hann fyrst Viðreisn og Bartri framtíð til viðræðna, eða VG og Framsóknarflokknum.