Dagblaðið Vísir - DV - 30.06.2015, Síða 18
Vikublað 30. júní –2. júlí 20152 Sumarsport - Kynningarblað
Verð í Vatnamótin
óbreytt frá hruni
Veitt á allt nema aðflutt hrogn – Enginn kvóti – Fimm stangir og veiðihús
E
itt mest spennandi veiði-
svæði á Íslandi eru
Vatnamótin skammt frá
Kirkjubæjarklaustri. Veiði-
svæðið stendur undir nafni,
en þar mætast mikil vatnsföll og
eru Vatnamótin í raun krossgötur
fyrir allan fisk sem gengur upp í
Skaftá, Breiðbalakvísl, Geirlandsá,
Stjórn, Hörgsá og Fossála. Óhætt er
að fullyrða að hvergi standa veiði-
menn frammi fyrir eins mikilli fisk-
gengd á einu svæði, hvað varðar
sjóbirting.
Kjöraðstæður í sumar
Svæðið er víðfeðmt og breytir sér
gjarnan frá ári til árs. Undanfarin
ár hefur megnið af vatninu legið
vestan vert á svæðinu og hentar það
verr til veiði. Nú er hætt að gæta
áhrifa af brúarframkvæmdum við
Klaustur sem lýstu sér í miklum
sandburði. Hefur vatnið á nýjan
leik fundið farveg sinn og rennur
meira að austanverðu. Við það er
auðveldara að komast að þeim
stöðum sem mest af fiskinum fer
um. Veiðisvæðin eru tvö. Annars
vegar er það efra svæðið – Vatna-
mót – og eru þar seldar fimm
stangir í tveggja daga hollum. Veiði-
hús fylgir með, en fyrir fjölmennari
hópa er best að leigja líka aukahús,
sem stendur við hlið veiðihússins,
þannig að gistirými sé nægjanlegt.
Hins vegar er það Hólmasvæðið
og Mávabótaálar. Neðra svæðið er
frekar á færi kunnugra en í Vatna-
mótunum sjálfum er aðgengi mun
betra. Sérstakt hús er nú risið fyrir
neðra svæðið og fylgir það með í
leyfinu. Á svæðinu eru 6–7 stangir.
Þá selur Hörgsland einnig leyfi í
neðsta hluta Fossálanna. Þar eru
tvær stangir.
„Besta að hringja bara“
Ragnar Jóhansen á Hörgslandi ann-
ast sölu veiðileyfa. Hann er með
gamla lagið á þessu. „Best er að
menn hringi bara í mig eða komi
við.“ Hann segir töluvert laust af
veiðileyfum, þar sem margir veiði-
menn gáfust upp þegar megnið af
vatninu rann vestan megin. Nú er
hins vegar allt önnur staða á veiði-
svæðinu. Upp úr 10. júlí er orðin
góð von í fisk á neðra svæðinu og þá
er hefðbundin opnun. Veitt er á öll
veiðarfæri, nema aðflutt hrogn. Þó
svo að margir veiði bara með flugu
er skynsamlegt að hafa með sér
kaststöngina, sérstaklega ef hvasst
er og mikil gára. Vatnamótin eru
orðin vænlegur kostur síðari hluta
júlímánaðar og er oft orðin góð
veiði um verslunarmannahelgi. „Við
erum ekki með kvóta á stöng. Menn
mega hirða það sem þeir veiða,
nema á vorin. Í vorveiðinni gerum
við kröfu um að öllum niðurgöngu-
fiski sé sleppt. Og á vorin er ein-
göngu veitt á flugu,“ segir Ragnar.
Óbreytt verð frá því fyrir hrun
Verðinu er stillt í hóf, og er það
óbreytt frá því fyrir hrun, þó svo að
það sé aðeins breytilegt á veiðitím-
anum. Áður en sala á hollum hefst
er að hægt að kaupa stakar stangir
og leita á vit ævintýra. Þegar aðal-
veiðitíminn hefst þá kostar stöngin í
Vatnamótunum 26 þúsund krónur á
dag. Að langstærstum hluta veiðist
sjóbirtingur í Vatnamótunum, en
auðvitað slæðast stöku laxar með og
einnig er von á bleikju. Þegar Ragn-
ar er spurður um veiðina segir hann:
„Hún er auðvitað misjöfn, en við
kippum okkur ekkert upp við tveggja
stafa tölur. Hvorki í magni eða á
stærð fiska. Það er mikið af stórum
sjóbirtingi hér og það er náttúrulega
það sem heillar veiðimenn.“
Fyrir áhugasama er rétt að benda
á heimasíðuna horgsland.is og einnig
síðuna vatnamot.is. Hægt er að senda
Ragnari póst á netfangið postur@
horgsland.is eða hringja, sem er líkast
til einfaldast og skilvirkast. Ragnar
er með símanúmerið 894-9249. n
Fjölbreytt
ferðaþjónusta
Að Hörgslandi hefur verið byggð upp
skemmtileg og fjölbreytt ferðaþjónusta.
Þar er hótel sem býður upp á huggulega
gistingu í fjórtán herbergjum. Þrettán
sumarhús eru leigð út til ferðamanna.
Veitingastaður stendur við þjóðveginn
og er þar hægt að kaupa mat og flest
það sem ferðamenn kunna að girnast.
Gott tjaldsvæði er að Hörgslandi. Hvort
sem er í tengslum við veiði eða ekki er
hægt að njóta næsta nágrennis með
margvíslegum hætti. Stutt er í margar
náttúruperlur frá Hörgslandi. Skaftafell,
Jökulsárlón, Kirkjubæjarklaustur, svo
eitthvað sé nefnt. Þá er virkilega áhuga-
vert að keyra svokallaðan Lakahring
sem liggur um Lakagíga. Fjaðurárgljúfur
er stórmerkilegt náttúrufyrirfæri og
margt annað er skemmtilegt að skoða
þegar haldið er til á Hörgslandi.