Dagblaðið Vísir - DV - 09.10.2015, Side 8

8 Fréttir Helgarblað 9.–12. október 2015
Seðlabankinn
eignaSt bílSkúr
H
ilda ehf., dótturfélag
Eignasafns Seðlabanka Ís­
lands, hefur eignast 26 fer­
metra bílskúr við fjölbýlis­
hús í miðju íbúðahverfi
við Ljósulind í Kópavogi. Það kom
íbúum fjölbýlishússins að Ljósu­
lind 2–4 í opna skjöldu þegar þeim
barst tilkynning bréfleiðis í síðasta
mánuði um að þeir ættu forkaups­
rétt að bílskúrnum. En þegar bréf­
ið barst og þeim var gefinn kostur á
að kaupa skúrinn á 4,1 milljón króna
áður en hann yrði seldur Hildu ehf.,
hafði félagið þegar leyst hann til sín
nokkrum vikum áður.
Boðið að kaupa á 4,1 milljón
Íbúum við Ljósulind 2–4 í Kópavogi
barst skriflegt kaupboð frá lögmanni,
sem dagsett er 13. september síðast­
liðinn, þar sem þeim er gefinn kostur
á að kaupa bílskúrinn sem staðsettur
er í bílskúraröð gegnt fjölbýlishúsinu.
Var Byggingarfélagið Gustur ehf. sagt
eiga skúrinn. Í bréfinu, sem DV hef­
ur undir höndum, eru íbúar upplýstir
um að kaupverð skúrsins sé 4,1 millj­
ón króna ef þeir vilji nýta forkaups­
rétt sinn. Ef ekki þá „hyggst Hilda ehf.
eignafélag Seðlabankans kaupa bíl­
skúrinn.“
Tilkynningin vakti undrun íbúa
sem spurðu sig víst að því hvað félag
tengt Seðlabankanum væri að vilja
með fremur íburðarlausan bílskúr við
heimili þeirra.
Verðið þótti hátt
„Verktaki segir mér að verðið á bíl­
skúrnum sé töluvert hátt og því ekki
líklegt að nokkur íbúi hér hafi viljað
ganga inn í þetta tilboð,“ segir íbúi
sem DV ræddi við sem benti á að
síðast liðinn mánudag hafi verið
unnið að því að rýma bílskúrinn.
Miðað við kaupverð bílskúrsins er
fermetraverðið rúmlega 157 þúsund
krónur. Blaðamaður fór á vettvang á
miðvikudag og virtist lítið að sjá inn
um skyggðar rúður skúrsins annað en
skítugar tuskur á gluggasyllunni.
Í bréfi lögmannsins, sem barst
húsfélagi Ljósulindar 2–4, segir að
kaupboðinu skuli svarað skriflega
innan 14 daga frá móttöku bréfs­
ins ella teldist því hafnað. Væri þá
Byggingarfélaginu Gusti heimilt „að
selja bílskúrinn til utanaðkomandi
aðila.“
Skúrinn seldur í júlí
Við eftirgrennslan DV kom í ljós að svo
virðist sem Byggingarfélagið Gust­
ur hafi ekki verið skráð eigandi bíl­
skúrsins þegar bréfið var sent íbúum.
F­fasteignafélag, dótturfélag Hildu
ehf., hafði nefnilega eignast hann í
júlíbyrjun samkvæmt fasteignaskrá.
Samkvæmt þinglýstu afsali, þar sem
Gustur afsalar bílskúrnum til F­fast­
eignafélags, var afhendingardagur
eignarinnar 1. júlí síðastliðinn. Í af­
salinu segir: „Þar sem uppgjör hefur
farið fram milli aðila lýsir afsalsgjafi
afsalshafa réttan og löglegan eiganda
framangreindrar eignar.“ Hilda hafði
því í raun eignast bílskúrinn form­
lega í gegnum dótturfélag sitt í byrjun
júlí, rúmum mánuði áður en íbúum
var boðið að kaupa hann ellegar yrði
hann seldur félaginu.
Forkaupsréttur kom í ljós
Í svari við fyrirspurn DV um mál­
ið segir Birgir Birgisson, fram­
kvæmdastjóri Hildu, að hann tjái
sig ekki um einstök mál. „En þess
má geta að í þessu tilfelli kom í ljós
að íbúar í viðkomandi húsi eiga for­
kaupsrétt að umræddum bílskúr og
var verið að uppfylla þann rétt með
tilvitnuðu bréfi.“
Þrátt fyrir orðalagið í kaupboðinu
sem íbúum barst, þar sem tekið er
sérstaklega fram að Hilda ehf. hyggist
kaupa skúrinn, segir Birgir að það sé
ekki svo að Hilda og dótturfélög séu
að kaupa fasteignir.
„Þvert á móti er hlutverk þeirra
að selja eignir sem og leysa úr lána­
málum, tengdum lánasafni Hildu.
Í tengslum við framangreint getur
komið til þess að Hilda eða dóttur­
félög leysi til sín fasteignir í skulda­
uppgjöri eða sem hlutagreiðslu við
sölu á fasteignum, þ.e. við „maka­
skipti“,“ segir Birgir í svari sínu.
Bílskúr sem ekki tókst að selja
Jón Gísli Þorkelsson, trésmiður og
eigandi Byggingarfélagsins Gusts,
staðfestir í samtali við DV að Hilda
ehf. hafi leyst til sín bílskúrinn sem
hluta af skuldauppgjöri fyrirtækisins
við félagið.
En hvernig vildi til að Gustur átti
þennan staka bílskúr?
„Við byggðum þarna á sínum tíma
en svo vildi enginn kaupa þennan
eina skúr, svo við áttum hann bara,“
segir Jón Gísli.
Jón Gísli segir að uppgjörið eigi
rætur að rekja til deilumáls Gusts
við Dróma vegna uppgjörs SPRON,
sem endaði fyrir dómi. Málið sneri
að skuldajöfnun vegna erlendra lána
en kröfur SPRON á hendur Gusti
enduðu hjá Dróma, sem stofnaður
var utan um þrotabú SPRON.
„Við unnum það mál fyrir héraðs­
dómi og svo sneri Hæstiréttur því
við. Það er furðulegt að ég skuld­
aði SPRON og SPRON skuldaði mér,
en síðan hverfur SPRON og verður
Drómi og þá geta þeir bara sagt að
nú sé þetta annað félag og ég þurfi að
borga þeim áfram, en þeir þurfi ekki
að borga mér þá kröfu sem ég átti.
Það sjá allir hvað þetta er vitlaust.“
Áhugi á skúrnum
Krafa Dróma á hendur Gusti end­
aði síðan hjá Hildu ehf. þegar Eigna­
safn Seðlabankans og Hilda tóku yfir
ákveðnar eignir og skuldir Dróma,
þannig að Hilda eignaðist fyrirtækja­
lán og fullnustueignir Dróma. Það
varð síðar til þess að Hilda leysti til
sín bílskúrinn í tengslum við skulda­
uppgjör Gusts.
Jón Gísli segir að hann hafi verið
búinn að finna kaupanda sem hafði
áhuga á að skoða bílskúrinn fyrir
þrjár milljónir króna en hann hafi
ekki mátt selja hann. „Þeir fundu ein­
hvern verðmiða upp á 4,1 milljón
sem ég skildi aldrei.“
Mistök að þinglýsa
Hann telur að það hafi hins vegar
verið mistök hjá sýslumanni að þing­
lýsa eigendaskiptunum á bílskúrnum.
„Því þeir áttuðu sig á að það þyrfti að
bjóða íbúunum þetta. Svo kemur verð
upp á 4,1 milljón sem enginn vill taka
og þá mega þeir taka hann af okkur
því það nýtir sér enginn forkaups­
réttinn. En það var búið að ganga frá
þessu öllu áður en fólkinu var boðið
að kaupa. Svo ætla þeir örugglega að
selja þetta á einhverja upphæð, enda
get ég ekki ímyndað mér að Seðla­
bankinn ætli að eiga bílskúr.“ n
n Hilda ehf. á nú skúr við fjölbýlishús í kópavogi n íbúar áttu forkaupsrétt
Sigurður Mikael Jónsson
mikael@dv.is
Búið að rýma Að sögn nágranna virtist sem unnið hafi verið að því að rýma skúrinn á mánudag. Lítið var að sjá annað en skítuga tusku í
gluggasyllunni þegar blaðamaður leit við. Mynd Sigtryggur Ari
Bílskúrinn Hér má sjá bílskúrana sem fylgja
fjölbýlishúsinu Ljósulind 2–4 í Kópavogi. Skúrinn
sem Hilda ehf., dótturfélag Eignasafns Seðla-
bankans, hefur nú eignast er sá fjórði talið frá
vinstri á þessari mynd. Mynd Sigtryggur Ari
Hvað er Hilda?
Stofnað af Saga Capital
– Yfirtekið af ESÍ
Hilda ehf. er félag sem Saga Capital hf.
stofnaði árið 2009 vegna fjárhagslegrar
endurskipulagningar. Við þá endur-
skipulagningu voru eignir færðar frá
Saga Capital til Hildu ásamt kröfum
ríkissjóðs á Saga Capital sem upphaf-
lega voru tilkomnar vegna veðlána
Seðlabankans og verðbréfalána Lána-
sýslunnar til Saga Capital.
Eignasafn Seðlabanka Íslands (ESÍ)
eignaðist þessar kröfur í ársbyrjun 2010.
Á miðju ári 2011 var ljóst að eignir Hildu
dygðu ekki fyrir skuldum við ESÍ og var
allt hlutafé Hildu fært niður að fullu
og aukið aftur með þeim hætti að ESÍ
breytti hluta af skuldum Hildu í hlutafé
og tók félagið yfir.
„Verktaki
segir mér
að verðið á
bílskúrnum sé
töluvert hátt
ESÍ
Hilda ehf