Dagblaðið Vísir - DV - 17.11.2015, Blaðsíða 2

Vikublað 17.–19. nóvember 20152 Fréttir
Rjúpnaskyttur
hættar að týnast
n Snjallsímarnir leysa björgunarsveitir undan útköllum n 5.000 gengu á fjöll
T
il undantekninga heyrir nú-
orðið ef ræsa þarf út við-
bragðsaðila vegna týndra
rjúpnaskytta. Björgunarsveit-
um bárust aðeins tvö minni-
háttar útköll vegna rjúpnaveiða þetta
veiðitímabil, en talið er að tæplega
5.000 veiðimenn hafi haldið til fjalla –
margir oftar en einu sinni. Í öðru út-
kallinu þurftu björgunarmenn að að-
stoða skyttur í bíl þeirra við Lyklafell
en í hinu tilvikinu var um að ræða
mann sem ofreyndi sig við Vestdals-
vatn, fyrir austan.
Aldrei þurfti að ráðast í leit vegna
týndra rjúpnaskytta. Landsbjörg og
Neyðarlínunni ber saman um að
snjallsímum og öðrum nútímatækj-
um beri að þakka þetta, sem og bættri
þekkingu veiðimanna. Formaður
Skotvís, Dúi Landmark, segir að ver-
tíðin hafi á heildina litið verið ágæt,
þó að veður hafi sums staðar hamlað
veiðum.
Flestir veitt í matinn
Síðasti dagur rjúpnaveiða þessa árs
var á sunnudaginn. Snjóleysi haml-
aði sums staðar veiðum á Norður-
landi síðustu helgina auk þess sem
sums staðar var erfitt að ganga til
fjalla vegna veðurs. Tíðin var þó á
heildina litið betri en í fyrra, þegar
hver lægðin rak aðra á þeim dögum
sem veiða mátti. Í ár mátti veiða fjór-
ar helgar, þrjá daga í senn; 12 daga
alls. „Mín tilfinning er að flestir hafi
náð að veiða í matinn. Það eru samt
alltaf einhverjir sem ná því ekki,
þannig er veiðin,“ segir Dúi í sam-
tali við DV. Hann segir að menn hafi
verið misheppnir með veður en veð-
urskilyrði leika stórt hlutverk í því
hvort veiðimenn finna rjúpu eða
geta veitt. „Það er yfirleitt þannig að
flestir eru sáttir nema þeir sem eru
óheppnir með veðrið.“ Hann segir
að tíðin vestanlands hafi verið erfið
á köflum en á Austurlandi hafi geng-
ið betur. Á vinsælum veiðihópi fyrir
skotveiðimenn á Facebook má þó sjá
allnokkra veiðimenn sem bera sig
illa og segja að lítið hafi sést af fugli.
Næstum allir með GPS
Áður gerðist það reglulega að rjúpna-
veiðimenn, sem flykkjast þúsund-
um saman til fjalla, skiluði sér ekki
allir til byggða af sjálfsdáðum. Nú er
öldin önnur. DV hafði samband við
Slysavarnafélagið Landsbjörg til að
spyrja um útköll vegna rjúpnaskytta.
Þar fengust þau svör að útköllin hafi
nánast engin verið.
Ólöf Snæhólm Baldursdóttir
upplýsingafulltrúi segir að tvennt
komi til. GPS-tæki séu nánast orðin
almenningseign, með tilkomu
snjallsíma, auk þess sem veiðimenn
kunni betur á tækin en áður. Margir
hafi setið námskeið til að læra á GPS
eða áttavita og þá megi ekki gleyma
að fjarskiptasamband sé víða orðið
betra en áður. Nánast einu skiptin
sem hafa þarf afskipti af veiðimönn-
um sé þegar þeir veikjast. Á slíku geti
þeir ekki haft stjórn.
Menn kunna betur á tækin
Undir þetta tekur Tómas Gíslason,
aðstoðarframkvæmdastjóri Neyðar-
línunnar. „Veiðimenn eru almennt
orðnir vel tækjum búnir.“ Hann segir
að menn tali sín á milli um að vertíð-
in hafi verið „stórfurðuleg“. Ekki hafi
þurft að leita að neinum. Það sé auð-
vitað frábært. „Tækjavæðing veiði-
manna er orðin svo miklu betri
og menn eru farnir að kunna
að nota tækin. Fólk er farið að
nota þetta þegar það hleypur
eða stundar aðra hreyfingu
– og er orðið vant því að hafa
staðsetninguna á hreinu.“
Eins og barbarar
Vísir sagði frá því fyrir helgi að
á Öxarfjarðarheiði hafi landeig-
andinn Gunnar Björnsson,
bóndi í Sandfellshaga,
lent í stappi við veiði-
menn sem veiddu
í óleyfi. Menn
sem hafi hvorki
virt eignarlönd
né rjúpnadaga.
Lögreglan hafi ekki sagst hafa fjár-
magn til að koma, þegar hann kall-
aði eftir aðstoð hennar. „Bændur
þurfa að verða sér úti um sína veiði-
gæslu sjálfir,“ var haft eftir varðstjóra
á Húsavík sem sagði að veiðimenn á
Öxarfjarðarheiði höguðu sér eins og
barbarar. Menn keyrðu upp í hvert
gilið á fætur öðru til að leita rjúpna og
að gangandi veiðimenn gæfust upp
þegar ekið væri fram úr þeim.
Dúi Landmark segist aðeins hafa
heyrt af einu öðru dæmi þar sem til
ágreinings kom á milli veiðimanna
og landeiganda. Það hafi verið á
Vestfjörðum. Heilt yfir telur hann að
veiðimenn fari að lögum. Þeim beri
að virða rétt landeigenda, rétt eins
og að landeigendur verði að hafa
sönnunargögn þegar þeir væna menn
um að veiða í óleyfi. „Hins vegar erum
við ekki sáttir við að menn eigni sér
land eins og í Húnaþingi vestra,“ en
sveitarstjórn Húnaþings vestra hefur
meinað rjúpnaskyttum að veiða í
almenningum og afréttum innan
marka sveitarfélagsins, nema þeir
greiði 9.000 krónur í veiðileyfi. „Við
erum að undirbúa fyrirspurn til yfir-
valda vegna þessa.“
Dúi vonast til þess að veiðidögum
verði fjölgað á næsta ári. Ótækt sé að
veiðimenn þurfi að fara til fjalla þegar
veður eru válynd. Lengra tímabil væri
til þess fallið að auka öryggi manna
og bæta gæði veiðinnar.
Hann bindur vonir við
að stofnaður verði
samráðsvettvangur
stjórnvalda og Skot-
vís, eins og um hafi
verið rætt. n
Baldur Guðmundsson
baldur@dv.is
Fallin rjúpa Veiðar gengu þokka-
lega þetta árið, að sögn formanns
Skotvís. MyNd Baldur GuðMuNdSSoN
dúi landmark
Formaður Skotvís
vill fleiri veiðidaga.
MyNd SiGtryGGur ari
„Nánast einu skipt-
in sem hafa þarf
afskipti af veiðimönnum
sé þegar þeir veikjast.
Með smygl
í jeppanum
Lögreglan á Suðurlandi fann
talsvert magn af áfengi og tóbaki
sem hafði verið smyglað hing-
að til lands þegar hún stöðvaði
öku mann Mitsubishi Pajero-
jeppa við Vík í Mýrdal fyrir viku.
Tveir menn voru í bílnum en
við nánari skoðun kom í ljós að í
honum voru 300 áfengisflöskur,
2.000 neftóbaksdósir og um
150 sígarettupakkar. Mennirn-
ir tveir voru færðir til yfirheyrslu
og viðurkenndu þeir að hafa
smyglað áfenginu og tóbakinu í
land á Reyðarfirði. Annar maður
sem talinn var tengjast málinu
var síðan handtekinn á höfuð-
borgarsvæðinu. Samkvæmt Face-
book-færslu lögregluembættisins
er nú verið að ganga frá málinu
til afgreiðslu til ákærusviðs lög-
reglustjórans á Suðurlandi.
Maðurinn enn í
öndunarvél
Karlmaður sem slasaðist í bíl-
veltu í Hrútafirði síðasta fimmtu-
dagskvöld liggur enn á gjörgæslu-
deild Landspítalans í Fossvogi.
Maðurinn er alvarlega slasaður
og í öndunarvél. Bifreið manns-
ins hafnaði um tíu til tólf metrum
utan vegar eftir að hafa farið tvær
til þrjár veltur. Maðurinn, sem
var einn í bílnum, var í kjölfar-
ið fluttur með þyrlu Landhelgis-
gæslunnar á spítalann. Hann
hlaut meðal annars alvarlega
höfuðáverka.