Dagblaðið Vísir - DV - 17.11.2015, Blaðsíða 10

Dagblaðið Vísir - DV - 17.11.2015, Blaðsíða 10
Vikublað 17.–19. nóvember 201510 Fréttir E vrópumót landsliða í skák stendur nú sem hæst í Laugardalshöll og er mik­ ið um dýrðir. Þegar þessi orð eru skrifuð eru þrjár umferðir búnir en tefldar eru níu umferðir í allt. Veislan er því rétt að hefjast. Rússar og Úkraínumenn eru efstir í opnum flokki og sömuleið­ is eru rússnesku stúlkurnar efstar í kvennaflokki ásamt valkyrjum Georgíu. Þessi lið mætast innbyrðis í fjórðu umferð. Aðstæður á mótsstað eru til fyrir­ myndar. Keppnissalurinn rúm­ góður og bjartur og boðið er upp á skákskýringar fyrir gesti í hliðarsal. Allar 136 skákirnar í hverri umferð eru sendar út í beinni útsendingu á netinu og að auki sér erlent fram­ leiðslufyrirtæki um að senda út skákskýringar á ensku fyrir erlenda skákáhugamenn. Þar heldur enski stórmeistarinn Simon Williams um taumana ásamt Íslandsvininum Fionu Antoni­Steil. Simon er afar vinsæll í skáksamfélaginu enda þykir hann hafa einstakan hæfileika til að blanda saman fróðleik og froðu. Gengi íslensku liðanna hefur verið með ágætum. A­liðið tapaði gegn Armeníu, eins og vænta mátti, en vann frábæran sigur á sterku liði Rúmeníu. Því var svo fylgt eftir með frábæru jafntefli gegn fyrrver­ andi Evrópumeisturum Þjóðverja. Það þýðir að liðið er með 3 stig af 6 mögulegum og er í 15.–24. sæti. Ís­ lensku kempurnar eru eflaust ekki sáttar við sitt gengi. Liðið tapaði gegn afar öflugu liði Hollands og vann svo auðveldan sigur á nýliðum Kosovo. Tap gegn Tyrkjum leit því næst dags­ ins ljós en íslensku liðsmennirnir áttu meira skilið úr þeirri viðureign. Liðið er með 2 stig af 6 og situr í 25.– 31. sæti. Íslenska kvennaliðið berst af ástríðu við ofureflið. Lenka Ptacknikova og Guðlaug Þorsteins­ dóttir hafa dregið vagninn hingað til með góðri frammistöðu en aðrar landsliðskonur hafa ekki enn kom­ ist á blað. Í liðinu eru tvær ungar konur að stíga sín fyrstu skref í svo sterku móti og þær munu eflaust draga mikinn lærdóm af upplifun­ inni. Liðið berst hins vegar frábær­ lega vel og hefur engu að tapa. „Gaurinn í turninum vann þig“ Skákir armenska ofurstórmeistar­ ans, Levons Aronian, hafa vakið mesta athygli hingað til. Hann bar sigurorð af Hannesi Hlífari í fyrstu umferð á afar lærdómsríkan hátt en í annarri umferð laut hann í gras gegn franska snillingnum Maxime Vachier­Lagrave. Skákin var tefld degi eftir atburðina hræðilegu í París og var sérstaklega tilfinningarík þar sem Vachier­Lagrave býr skammt frá tónlistarstaðnum Bataclan þar sem þorri fórnarlambanna lét lífið í voðaverkunum. Í þriðju umferð kom Aronian hins vegar sterkur til baka og vann glæsilegan sigur gegn heimsmeistaranum Magnus Carlsen í skák sem vakti gríðarlega athygli. Armenar komu með góðum fyrir vara til landsins til þess að ná úr sér ferðaþreytunni og kynnast aðstæðum. Íslenski landsliðsmað­ urinn Guðmundur Kjartansson er góðvinur eins samherja Aronians, Hrants Melkumyan, og sem sannur gestgjafi bauðst Guðmundur til þess að kynna glæsilegar sundlaugar okkar fyrir armenska liðiðinu. Laugardalslaugin varð fyrir valinu og sögðu sjónarvottar að augnablik­ ið þegar armensku landsliðsmenn­ ir, fimm af sterkustu skákmönnum heims, fóru saman í halarófu í stóru rennibrautina hafi verið afar fal­ legt. Þeir skríktu víst eins og börn, af gleði. Eftir salíbununa lá Guðmundur síðan í heita pottinum með Aron­ ian og félögum þegar viðureignir meistarans við íslenska skákmenn bar á góma. Taldi armenski snill­ ingurinn sig hafa gott skor á heima­ menn og fór að telja á fingrum sér höfuðleðrin sem hann hafði í fórum sínum. Til þess að lækka réttilega í honum rostann benti Guðmundur upp í turn sundlaugarinnar og sagði: „Gaurinn í turninum vann þig“. Þar átti hann við alþjóðlega meistarann Jón Viktor Gunnarsson, starfsmann Laugardalslaugar, en hann bar sigurorð af Levon Aronian á Evrópumóti einstaklinga í Skopje árið 2001.. Fór ekki frekari orðum af sjálfshóli meistarans eftir þessa blautu tusku. Ófarir heimsmeistarans Eðlilega hefur heimsmeistarinn Magnus Carlsen vakið mesta athygli á mótinu og þá ekki síst fjarvera hans. Hann kaus að tefla ekki í fyrstu tveimur umferðunum og fóru ýms­ ar sögur á kreik um að hann hefði haldið heim til Óslóar í fússi og væri n Ísraelska þingið logar vegna skákmótsins í Laugardalshöll n Ófarir Carlsen halda áfram Björn Þorfinnsson bjornth@dv.is „Gaurinn í turninum vann þiG“ Viðureign mótsins Aronian (í grænu) knésetti heimsmeistarann eftir- minnilega. Myndir Hrafn Jökulsson V A R M A D Æ L U R

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

Aðgerðir: