Dagblaðið Vísir - DV - 17.11.2015, Blaðsíða 19

Umræða 15Vikublað 17.–19. nóvember 2015
Myndin Dælt úr Perlunni Unnið var að því að dæla sjó úr sanddæluskipinu Perlu sem liggur sokkið í Reykjavíkurhöfn. Verkið var komið á rekspöl um fjögurleytið á mánu-
dagseftirmiðdag þegar ljósmyndara bar að garði. Brú skipsins var þá tekin að rísa úr sjó. Verkinu var ekki lokið þegar blaðið fór í prentun. mynD Sigtryggur Ari
Maður veit aldrei sína
ævi fyrr en öll er
tómas Andrés tómasson, eigandi Hamborgarabúllunnar. – DV
Ég er eins
manns kona
Svanhildur Jakobsdóttir um samband sitt við Ólaf Gauk heitinn. – DV
Það þorði enginn
að fara út
gísli Pétur Hinriksson gisti á hóteli skammt frá einum árásarstað í París. – dv.is
Heilsugæsla boðin út
Þ
essa dagana er verið að leggja
loka hönd á undirbúning fyr­
ir einkarekstur heilsugæsl­
unnar á höfuðborgarsvæðinu.
Innan tíðar verður undirbún­
ingi fyrir útboð lokið og hafist verð­
ur handa við að hrinda í framkvæmd
stefnumáli Sjálfstæðisflokksins um
aukinn einkarekstur og einkavæðingu
opinberrar þjónustu. Í þessum efnum
gera frjálshyggjumenn engan greinar­
mun á rekstri heilbrigðisþjónustu eða
fjármálastofnana svo dæmi séu tekin.
Heilbrigðisráðherra hefur fengið frið
í þessum undirbúningi frá Fram­
sóknarflokknum sem virðist leggja
blessun sína yfir athæfið. Allar kann­
anir hafa sýnt svo ekki verður um villst
að almenningur í landinu vill að ríki
eða sveitarfélög reki heilbrigðisþjón­
ustuna. Nú verður almenningur, ekki
síður en þeir þingmenn sem eru á móti
slíkum markaðsáherslum í velferðar­
kerfinu, að rísa upp og mótmæla. Bar­
áttan snýst um heilbrigðiskerfið okkar,
sem við eigum öll saman og höfum
byggt upp á löngum tíma.
Skortur á umræðu
En hvers vegna fer þessi undirbúning­
ur á útvistun heilsugæslunnar á höfuð­
borgarsvæðinu til einkaaðila svona
leynt? Hvar er opinbera umræðan um
þetta stóra skref í átt að einkavæðingu
heilbrigðiskerfisins? Í læknasamn­
ingunum síðustu var gert samkomu­
lag um að starfshópur skoðaði fleiri
rekstrarform í heilbrigðisþjónust­
unni. Hugmyndum um gróða, mark­
að, kostnað og gjöld var þá þröngvað
inn í umræðuna um viðkvæma stöðu
heilbrigðisstofnana. Þeir sem vilja selja
ríkinu þjónustuna og græða á henni
um leið, virðast fá frítt spil til að skil­
greina þarfirnar og útfærsluna.
Klappað og klárt
Á fundi fjárlaganefndar á dögunum
kom fram að allt væri að verða klappað
og klárt til að láta til skarar skríða. Lög
um sjúkratryggingar leyfa að ráðherra
geri samning um rekstur í heilbrigðis­
kerfinu án atbeina Alþingis. Það er því
mögulegt að setja stóran hluta heil­
brigðiskerfisins í einkarekstur án þess
að kjörnir fulltrúar fólksins í landinu
fái að koma að þeirri ákvörðun og án
þess að almenningur hafi nokkuð um
það að segja. Þetta getur heilbrigðis­
ráðherra Sjálfstæðisflokksins gert en
þó ekki án stuðnings Framsóknar­
flokksins. Þessir gamalkunnu helm­
ingaskiptaflokkar hafa því samið sín
á milli um að setja heilsugæslustöðv­
arnar í einkarekstur þrátt fyrir skýran
vilja almennings um að reksturinn eigi
að vera hjá ríki eða sveitar félögum.
traustur rekstur
Lausn vandans í heilbrigðiskerfinu
felst fyrst og fremst í því að ríkið styrki
raunverulega rekstur sjúkrahúsa
og heilbrigðisstofnana, geri þeim
kleift að halda góðum mannauði
og mæta þörfum sjúklinga um land
allt. Það á að vera forgangsverkefni.
Heilsugæslustöðvar og heilbrigð­
isstofnanir tilheyra grunnstoðum
velferðarkerfisins og að þeim eiga
allir að hafa jafnan aðgang án tillits
til efnahags. Að þessu þurfum við
að gæta nú þegar hugmyndir um
aukinn einkarekstur í heilbrigðis­
kerfinu vaða uppi. Það hafa verið
gerðir þjónustusamningar um
einstök verk innan heilbrigðiskerf­
isins í gegnum tíðina en nú á sýni­
lega að ganga enn lengra. Einka­
rekstur getur ekki komið í staðinn
fyrir trausta opinbera heilbrigðis­
þjónustu sem rekin er af myndar­
brag. Aldrei má vafi leika á því hvort
hagsmunir sjúklinga eða rekstrar­
aðila heilbrigðis stofnana vegi
þyngra. Þess vegna vill þjóðin reka
sína heilbrigðisþjónustu sjálf. n
Oddný g. Harðardóttir
alþingismaður
Kjallari
Mest lesið
á DV.is
1 Magnús Scheving vann dómsmálið
Héraðsdómur Reykjavíkur komst á
föstudag að þeirri niðurstöðu að skipta
eigi búi Magnúsar Scheving, stofnanda
Latabæjar, og Ragnheiðar Pétursdóttir
Melsted, fyrrverandi eiginkonu hans, til
helminga. Ragnheiður hafði farið fram á
að fá 80% af eignum búsins en Magnús
helming þess og samþykkti héraðsdóm-
ur það. Verðmæti eignanna sem um
ræðir nemur hundruðum milljóna króna.
Lesið: 52.273
2 Blóðbaðið í Bataclan: Myndband og ljósmyndir
innan úr höllinni
Myndefni frá árásunum í París á
föstudag hefur birst í fjölmiðlum og
samfélagsmiðlum um helgina ásamt
öðrum nýjum upplýsingum um árásina.
Þar á meðal er myndband sem tekið er
upp við upphaf árásarinnar í Bataclan-
tónleikahöllinni.
Lesið: 34.232
3 Íris: Særandi að sjá við-brögð sumra í kringum
sig í kjölfar áfallsins
„Fólk er mjög gjarnt á að vera með
fordóma og fyrirfram ákveðnar
skoðanir. Ég segi til að mynda ekkert
að fyrra bragði að ég hafi tekið þessa
ákvörðun og gengið í gegnum þetta,“
segir Íris Helga Jónatansdóttir sem
gekk í gegnum erfiða lífsreynslu fyrir
rúmum tveimur árum þegar í ljós kom að
drengurinn sem hún gekk með þjáðist
af afar sjaldgæfu heilkenni. Hún og
maðurinn hennar ákváðu að binda endi
á meðgönguna.
Lesið: 29.379
4 Fjögur ungmenni mynd-uð í kynlífsathöfnum
Leikmaður í Pepsi-deild karla, sem sagð-
ur er grunaður um dreifingu barnakláms,
birti mynd á Twitter-aðgangi sínum eftir
að hann fékk Snapchat-skilaboð þar sem
nokkrir einstaklingar sáust í kynferðis-
legri athöfn, þar á meðal ungmenni undir
lögaldri.
Lesið: 27.783
5 Átakanlegt myndskeið frá árásunum í París
Franski fjölmið-
illinn Le Monde
hefur birt átakan-
legt myndskeið
frá árásunum í
París í gær. Þar
má sjá fjölda fólks
hlaupa skelfingu
lostið út úr
byggingu á meðan
byssuhvellir óma.
Myndbandið er tekið upp á farsíma og
heyrist sá sem sem tók það segja: „Hvað
er að gerast?“
Lesið: 26.764
Verslun Tunguhálsi 10 - Sími 415 4000
www.kemi.is - kemi@kemi.is
• Almennur handhreinsir
sem byggir á náttúru-
legum efnum.
• Virkar jafnt með vatni
og án.
• Engin jarðolíuefni eru
notuð.
• Inniheldur aloa vera,
jojoba olíu og lanolin
til að mýkja húðina.
• Virkar vel á olíu, feiti,
blek, jarðveg, epoxy
og lím.
• Inniheldur fín malaðan
sand til að hreinsa
betur.
Gengur illa að þrífa
smurolíuna af höndunum?
Eru lófarnir þurrir og rispaðir?