Dagblaðið Vísir - DV - 17.11.2015, Blaðsíða 30

26 Fólk Vikublað 17.–19. nóvember 2015
Mjög fyndið að vera
„heimsfræg“ á Íslandi
n Katrín Edda er einn vinsælasti „snappari“ Íslands n Ókunnugir senda súkkulaði
H
ún treður í sig tveim-
ur stykkjum af Nóa Síríus
súkkulaði með piparköku-
bitum, einu Toblerone og
bætir svo við heilli plötu af
Pipp súkkulaði með karamellufyll-
ingu. Og fyrst hún er byrjuð á ann-
að borð ákveður hún að gleypa líka
í sig eitt Kinder súkkulaði.
Hér er að sjálfsögðu um
að ræða Katrínu Eddu
Þorsteinsdóttur, sem
á síðustu mánuðum
hefur orðið einn vin-
sælasti „snappari“ Ís-
lands og er með um
7.000 fylgjendur, en
það þykir ansi mikið á
íslenskan mælikvarða.
Fyrir þá sem ekki vita er
„snappari“ sá sem nýtir sér
smáforritið Snapchat til að senda
frá sér myndbönd í gegnum netið til
fylgjenda sinna.
Katrín sendir mjög reglulega frá
sér myndir af súkkulaðiáti, enda
þykir henni súkkulaði gott. Sér-
staklega súkkulaði frá Nóa Síríus.
Súkkulaðiátið á einmitt sinn þátt í
vinsældum hennar og upptalningin
hér að framan er lýsing á raunveru-
legu „snappi“.
Fylgjendur senda súkkulaði
Katrín Edda, sem er orku- og véla-
verkfræðingur og býr og starfar í
Þýskalandi, er mjög dugleg við að
senda frá sér efni og það má eigin-
lega segja að hún sé með sinn eigin
raunveruleikaþátt. Hún ræður því
auðvitað alfarið hvenær hún sendir
frá sér efni og hvað hún sýnir. „Þetta
er mjög þægilegt fyrirkomulag því
ef ég nenni ekki að setja efni inn,
þá sleppi ég því bara. En þá fæ ég
reyndar skilaboð frá áhyggjufullum
stúlkum sem spyrja hvað sé í gangi
og hvort ég sé nokkuð dáin,“ segir
Katrín hlæjandi, en flestir fylgjend-
ur hennar eru ungar stúlkur. Hún
reynir að vera þeim góð fyrirmynd
í flestum tilfellum en stundum er
hún bara að gantast og það getur
haft afleiðingar í för með sér.
Um daginn birti hún til dæmis í
gríni heimilisfangið sitt og sagði að
fylgjendur mættu endilega senda
henni íslenskt súkkulaði, svona
í ljósi þess að hún byggi í Þýska-
landi og ætti erfitt með að nálgast
það. „Svo allt í einu byrjaði ég að
fá pakka og ég er búin að fá nokkra
pakka fulla af súkkulaði. Þar að auki
er ég oft á dag spurð út í heimilis-
fangið og hvaða súkkulaði ég vilji,
en ég svara því aldrei. Mér finnst
alveg óþarfi að ungar stelpur á Ís-
landi, sem ég þekki ekki neitt, séu
að eyða aleigu sinni í súkkulaði
handa mér. Ég vil ekki notfæra mér
góðvild þeirra en þær eru algjörar
dúllur.“
Fær mörg súkkulaði„snöpp“
Katrín Edda hlær innilega og seg-
ist alveg eins búast við því að hún
verði tekin fyrir á foreldrafundum í
grunnskólum á næstunni fyrir þetta
uppátæki sitt. Hún virðist hafa mik-
il áhrif á stúlkurnar og umræður
hafa skapast um myndbönd hennar
inni í hópnum Beauty tips á samfé-
lagsmiðlinum Facebook. Stúlkurn-
ar ræða til að mynda mikið um allt
súkkulaðið sem hún borðar, hvern-
ig súkkulaði hún borði helst, hvar
það fáist og fleira í þeim dúr. „Ég
mun örugglega verða þess valdandi
að þær fá sykursýki 2, tannpínu eða
eitthvað álíka. Ég veit ekki hvað ég
fæ mörg „snöpp“ á dag af stelpum
að borða súkkulaði. Svo fæ ég líka
„snöpp“ úr búðum þar sem er búið
að tæma allar Milka- og Nóa Síríus-
hillurnar. Allt mjög eðlilegt.“
Katrín Edda má þakka fyrir að
búa í Þýskalandi því annars yrði
hún örugglega fyrir áreiti á götum
úti. Hún fann allavega fyrir tölu-
verðri athygli þegar hún kom heim í
ágúst síðastliðnum. „Ég fór til dæm-
is í Nammiland og keypti þrjú kíló
af súkkulaði og þegar ég kom út úr
Hagkaup þá fékk ég skilaboð frá
stelpunni á kassanum sem var að
gera grín að mér fyrir að hafa keypt
svona mikið súkkulaði.“
Sixpack og súkkulaðiát
En Katrín Edda birtir ekki bara mynd-
bönd af sjálfri sér að borða súkkulaði,
hún ræðir allt milli himins og jarðar
og leyfir fólki að fylgjast með dag-
legu lífi sínu. Þá á hún tvær kisur
sem skipa stóran sess í lífi hennar og
þær fá líka að vera með. Katrín hefur
fengið hrós fyrir að koma til dyranna
eins og hún er klædd og að fegra ekki
líf sitt með óeðlilegum hætti.
Katrín Edda, sem er fyrrverandi
fitness-keppandi, er oft spurð að
því hvernig hún fari að því að borða
svona mikið súkkulaði en samt vera
í jafn góðu formi og hún er. Þá hef-
ur verið ýjað að því að hún hljóti að
vera með einhvers konar átröskunar-
sjúkdóm. „Ég borða auðvitað ekki
100 kíló af súkkulaði alla daga. Ég fer
í ræktina á hverjum degi og hef ver-
ið að keppa í fitness. Dagana sem
ég borða mikið súkkulaði þá þyngist
ég frekar hratt, sem er yfirleitt bara
vökvasöfnun vegna mikils magns
einfaldra kolvetna í einu, en um leið
og ég fer í mína venjulegu rútínu
virku dagana, borða hollan mat og
er dugleg að fara í ræktina þá renn-
ur það fljótt af mér. En það er eins
og fólk muni bara eftir mér að borða
súkkulaði og með sixpack, en raun-
in er sú að dagsdaglega er ég í mun
venjulegra formi en ég hef verið fyrir
myndatökur og keppnir.“
Reynir að vera góð fyrirmynd
Um daginn birti hún svo langt
myndband þar sem hún ræddi
um átröskun sem hún glímdi við
þegar hún var yngri. Það vakti
mikla athygli og viðbrögðin voru
gríðarleg. Hún fékk yfir 500 skila-
boð, bæði frá ungum stúlkum og
eldri konum. Sumar voru jafnvel í
sömu sporum en aðrar vildu bara
einfaldleg hrósa henni. „Ég fékk
að heyra að fyrst hefði ég bara ver-
ið fyndinn „snappari“ en nú væri ég
fyrirmynd fyrir margar. Og mér var
þakkað fyrir að koma hreint fram.
Áhrifin komu mér á óvart og ég var
hrærð yfir mörgum skilaboðunum.
Ég reyni því að vera góð fyrirmynd
þó að ég sé kannski ekki alltaf til
fyrirmyndar hvað sykurinn varðar.
Ég fæ oft skilaboð frá stelpum sem
eru í basli með sjálfstraust og ann-
að og ef ég sendi þeim persónuleg
„snapp“-skilaboð til baka þá finnst
þeim það æðislegt og ég finn ég fyr-
ir miklu þakklæti og jafnvel furðu
yfir að ég skyldi yfirhöfuð svara.
Það er mjög fyndið að vera svona
„heimsfræg“ á Íslandi“, segir Katrín
Edda hlæjandi að lokum. Áhuga-
samir geta fylgst með Katrínu Eddu
á Snapchat þar sem hún er undir
nafninu katrinedda1. n
Sólrún Lilja Ragnarsdóttir
solrun@dv.is
Ýmsar gerðir Katrín Edda
verður alltaf mjög glöð
þegar hún fær sendingar af
íslensku súkkulaði.
Bregður á leik Katrín Edda er dugleg að
birta myndir af sér borðandi súkkulaði á
Snapchat.
Fyllt á Þegar Katrín Edda fer til Íslands
reynir hún að birgja sig upp af nammi sem
ekki fæst í Þýskalandi.
„Ég mun örugglega
verða þess valdandi
að þær fá sykursýki 2, tann-
pínu eða eitthvað álíka