Dagblaðið Vísir - DV - 17.11.2015, Blaðsíða 12

Vikublað 17.–19. nóvember 201512 Fréttir Erlent
Fyrirtæki og verslanir:
Heildar-
lausnir í
umbúðum
Talið að 400–500 flugumenn iSiS Séu í evrópu
n „Frakkland er í stríði,“ segir Hollande n Óttast fleiri árásir n Hversu langt á að ganga til að tryggja öryggi almennings?
„Lífið er að færast smám saman í eðlilegt
horft, eins og hægt er. Maður verður hins
vegar var við hversu alvarlegir borgar­
búar eru og það er sláandi að sjá ekki
hræðu við Eiffelturninn,“ segir Berglind
Ásgeirsdóttir, sendiherra Íslands í París.
„Fólk var til að byrja með hvatt til þess
að halda sig innan dyra og því voru mjög
fáir á ferli. Það var aftur á móti mikil bíla­
umferð og greinilegt var að borgarbúar
forðuðust að nota neðanjarðarlestakerf­
ið,“ segir Berglind. Allar stofnanir séu þó
opnar í dag, skólar og fyrirtæki.
Hún segist ekki verða vör við reiði
en að sársauki borgarbúa sé allt að
því áþreifanlegur. „Parísarbúar átta
sig á því að tilviljun ein réð hverjir urðu
fórnarlömb árásanna. Hver sem er hefði
getað verið staddur á tónleikum eða á
veitingastað og lent í hringiðunni. Þetta
er því árás á daglegt líf borgarbúa og
öryggi þeirra er ógnað,“ segir Berglind.
Frönsk yfirvöld tilkynntu um það á
mánudagsmorgni að lögreglan hefði
komið í veg fyrir að minnsta kosti sex
hryðjuverkatilræði sem voru í bígerð
undanfarin misseri. „Fólk vill helst ekki
vita af því, það er svo skelfilegt. En það
er huggun harmi gegn að þetta er til
vitnis um öflugt öryggiskerfi landsins,“
segir Berglind.
Hún segir að umræðan í landinu snúist
að miklu leyti um rannsókn yfirvalda á
hverjir hafi skipulagt ódæðið og hvaða
afleiðingar árásirnar muni hafa á daglegt
líf landsmanna. „Það eru neyðarlög í
gildi, sem gefa yfirvöldum aukin völd, í
óákveðin tíma og vegabréfaeftirlit alls
staðar. Frakkar velta því fyrir sér hvort
um tímabundið ástand sé að ræða eða
hvort varanleg breyting verði á lífi fólks,“
segir Berglind. Hún segir að stóra spurn­
ingin sem brenni á vörum allra sé hversu
langt yfirvöld geti réttlætt að ganga
til þess að tryggja öryggi enda geti það
vegið að persónufrelsi einstaklinga.
F
rakkland er í stríði,“ voru orð
Francois Hollande Frakk­
landsforseta þegar hann
ávarpaði vígreifur þing
landsins í Versölum í gær­
morgun, mánudag. Hann fór mik­
inn í að úthúða „hugleysingjunum“
sem stóðu að baki árásunum. Fram
kom að lagt yrði fyrir þingið laga­
frumvarp sem framlengir neyðar­
ástand í landinu í þrjá mánuði í við­
bót auk þess sem forsetinn boðaði
breytingar á stjórnarskrá landsins.
Hollande sagði að heimild yrði að
vera til staðar til þess að svipta fólk
ríkisborgararétti og vísa því úr landi
teljist það tengjast hryðjuverka­
starfsemi. „Villimenn munu ekki
hindra okkur í því að lifa eins og við
viljum lifa. Að lifa til fulls,“ sagði for­
setinn að lokum og hvatti Banda­
ríkjamenn og Rússa til þess að
sameinast um að útrýma ISIS í eitt
skipti fyrir öll. Frakkar létu sprengj­
um rigna yfir Raqqa, höfuðvígi ISIS,
á sunnudag og eyðilögðu meðal
annars þjálfunarbúðir samtakanna.
Hóta árásum í Evrópu og
Bandaríkjunum
Manu el Valls, for sæt is ráðherra
Frakk lands, varaði við því í morg­
un að bú ast mætti við frek ari
hryðju verka árás um á næstu dög­
um eða vik um í Frakklandi eða
ann ars staðar í Evr ópu. Í kjölfarið
birtu ISIS­liðar myndband þar sem
voðaverkunum í París var fagnað
og fleiri árásum í Evrópu og Banda­
ríkjunum hótað. Meðal annars
kom fram að Washington D.C.,
höfuð borg Bandaríkjanna, væri
skotmark samtakanna. Einnig hafa
borist tilkynningar um að sænsk­
um stjórnvöldum hafi verið hótað
en ómögulegt að er að segja hvort
um raunverulega ógn sé að ræða.
Sænsk stjórnvöld líta hótanirnar
alvarlegum augum.
Um 400–500
flugmenn ISIS í Evrópu
Árásir á borð við þær sem áttu sér
stað í París föstudagskvöldið 13.
nóvember er atburðarás sem yfir­
völd hafa óttast, varað við og barist
gegn í mörg ár. Reglulega hafa fréttir
skotið upp kollinum um að lögreglu­
yfirvöld í álfunni hafi komið í veg
fyrir slíkar árásir eða stöðvað þær
í fæðingu. Hryðjuverkamennirnir
þurfa hins vegar aðeins að hafa
heppnina með sér einu sinni en lög­
reglan undantekningarlaust. Upp­
gangur ISIS í kjölfar borgarastyrj­
aldarinnar í Sýrlandi hefur aukið
verulega á hryðjuverkaógn í Evrópu
enda eru samtökin mun aðgengi­
legri og sýnilegri en al­Kaída. Öfga­
fullir einstaklingar sem aðhyllast
málstað samtakanna geta á einfald­
an hátt flogið til Tyrklands og ferð­
ast landleiðina til Raqqa, höfuðvíg­
is ISIS. Þar fá þessir aðilar þjálfun
og í kjölfarið reyna margir að snúa
til baka til Evrópu, með illt í huga.
Leiðin tilbaka er hins vegar mun
erfiðari enda er eftirlit evrópskra
yfir valda mjög umfangsmikið og
skilvirkt. Samkvæmt frétt Economist
er þó talið er að um 400–500 slíkir
flugumenn samtakanna, sem kom­
ist hafa í gegnum nálarauga lög­
reglu, séu í Frakklandi og Bretlandi.
Erfiðast að stöðva þá sem
starfa einir
Í sömu frétt kemur fram að önnur
ógn við öryggi Evrópu séu einstak­
lingar sem aðhyllist þessar öfga­
fullu skoðanir og séu í sambandi við
talsmenn ISIS­samtakanna í gegn­
um samfélagsmiðla. Þessir einstak­
lingar eru taldir alvarleg ógn því að
mögulegar árásir þeirra eru algjör­
lega tilviljunarkenndar og afar erfitt
er fyrir yfirvöld að hafa eftirlit með
þessum einstaklingum. Dæmi um
slíkt er hinn 25 ára gamli Ayoub El
Khazzan en farþegar um borð í lest
á leið til Parísar stöðvuðu hann með
árásariffil í fórum sínum áður en
hann gat látið til skarar skríða. El
Khazzan hafðist við á götum Brussel
en hafði ferðast víða um Evrópu og
hafði tengsl við öfgafulla einstak­
linga. Hann var hins vegar einn að
verki í farþegalestinni og tilviljun ein
réð því að hann var stöðvaður.
Björn Þorfinnsson
bjornth@dv.is Vegabréfaeftirlit Neyðarlög verða
framlengd í Frakklandi í þrjá mánuði og
landamæraeftirlit hert verulega
„Sláandi að sjá ekki
hræðu við Eiffelturninn“
Lífið að færast í eðlilegt horf í París
„Villimenn munu
ekki hindra okk-
ur í því að lifa eins og við
viljum lifa. Að lifa til fulls.