Dagblaðið Vísir - DV - 20.11.2015, Page 14

14 Fréttir Helgarblað 20.–23. nóvember 2015
Þú finnur bílinn á bilo.is Skráðu bílinn á bilo.is
Funahöfði 1 | 110 Reykjavík | Sími 567 4840 | www.bilo.is | bilo@bilo.is
Ríkið með forkaupsrétt til að
forða mögulegri brunaútsölu
n Mun stíga inn í kaupin ef selja á Arion banka á lágu verði n Efast um umboð slitastjórnar
K
omi sú staða upp að til standi
að selja 87% hlut slitabús
Kaupþings í Arion banka til
fjárfesta á verði sem er tals­
vert lægra en bókfært eigið fé
bankans þá er afar líklegt að stjórnvöld
muni stíga inn í söluferlið og nýta sér
ákvæði um forkaupsrétt á hlutnum og
eignast þannig bankann að fullu. Í dag
á ríkið fyrir 13% hlut í Arion banka.
Samkvæmt heimildum DV er að
finna skilmála í þeim stöðugleikaskil­
yrðum sem kröfuhafar Kaupþings
hafa fallist á í tengslum við nauða­
samning slitabúsins sem veita stjórn­
völdum heimild til að ganga inn í
kaup á 87% hlut Kaupþings í Arion
banka í því skyni að verja fjárhagslega
hagsmuni ríkisins við sölu á bankan­
um. Þannig er talið nær útilokað að
stjórnvöld muni sitja aðgerðarlaus
hjá ef Kaupþing hyggst til dæmis selja
hlutinn til lífeyrissjóða og annarra
innlendra fjárfesta á genginu 0,6 til
0,7 miðað við bókfært eigið fé.
Við sölu á slíku gengi – þar sem
87% hlutur Kaupþings í bankan­
um yrði metinn á 91–106 milljarða
– myndu nánast ekki neinir fjár­
munir falla í skaut ríkisins umfram
veðskuldaskuldabréfið að fjárhæð
84 milljarðar sem Kaupþing gef­
ur út til stjórnvalda. Samkvæmt af­
komuskiptasamningi stjórnvalda og
Kaupþings þá fær ríkið þriðjung af
söluandvirðinu ef hluturinn í Arion
banka selst fyrir 100 til 140 milljarða
króna. Hlutdeild ríkisins fer síðan
stighækkandi með hærra söluverði.
Íslensk stjórnvöld eiga því ríkra fjár­
hagslegra hagsmuna að gæta þegar
kemur að sölu á 87% hlut Kaupþings
í Arion banka en sé litið til eiginfjár­
stöðu bankans gæti sá hlutur ver­
ið metinn á um 152 milljarða. Til að
tryggja að ekki verði gengið á hags­
muni ríkisins fá stjórnvöld meðal
annars eftirlitsmann inn í Kaupþing
sem á að fylgjast með söluferlinu.
Óljóst umboð slitastjórnar
Á síðustu vikum hafa borist fregnir af
áhuga innlendra verðbréfafyrirtækja
að setja saman hóp fjárfesta í sam­
starfi við lífeyrissjóði landsins til að
kaupa hlut Kaupþings í Arion banka.
Morgunblaðið greindi hins vegar frá
því síðastliðinn laugardag að stærstu
lífeyrissjóðirnir myndu sjálfir hafa
frumkvæði að því að eiga viðræð­
ur við slitabúið vegna mögulegra
kaupa á bankanum. Arctica Finance
og Virðing höfðu áður falast eftir
því að vera ráðgjafar lífeyrissjóð­
anna en tilboðum þeirra var hafnað.
Síðastliðinn mánudag hittu fram­
kvæmdastjórar þriggja stærstu sjóð­
anna – LSR, LV og Gildis – slitastjórn
Kaupþings á óformlegum fundi þar
sem rætt var um hugsanleg kaup líf­
eyrissjóðanna á Arion banka.
Slitastjórn Kaupþings er hins
vegar í þeirri stöðu að fyrir liggur að
hún mun hætta störfum samhliða
því að slitum búsins lýkur með sam­
þykkt nauðasamnings í byrjun næsta
árs. Þá verður til nýtt eignarhaldsfélag
með fimm manna stjórn sem hefur
það hlutverk að halda utan um óseld­
ar eignir – meðal annars eignarhlut­
inn í Arion banka – og greiða út til
kröfuhafa eftir því sem þeim verður
umbreytt í reiðufé. Samkvæmt heim­
ildum DV er það þess vegna afstaða
sumra af stærstu kröfuhöfum Kaup­
þings að slitastjórnin hafi í reynd ekk­
ert umboð til að eiga í viðræðum við
mögulega kaupendur að bankanum á
þessari stundu – það sé eitthvað sem
eigi að vera á forræði stjórnar hins
nýja eignaumsýslufélags Kaupþings.
Engar líkur eru enda á því að slík sala
á bankanum sé að fara að eiga sér
stað á allra næstu mánuðum.
Gætu fengið 50 milljarða
Þótt vissulega sé of snemmt að segja
fyrir um á hvaða verði eignarhlutur­
inn kunni að vera seldur á þá hafa
verðhugmyndir áhugasamra inn­
lendra aðila gert ráð fyrir því að 87%
hlutur Kaupþings gæti verið keyptur
í kringum gengið 0,7 miðað við bók­
fært eigið fé Arion banka. Heimildir
DV herma að áhrifamestu kröfuhaf­
ar Kaupþings hafi látið þá skoðun
sína í ljós að það sé útilokað að þeir
séu að fara að láta bankann af hendi
fyrir slíkt verð. Sú afstaða ætti ekki að
koma á óvart þegar litið er til þess að
ágóði kröfuhafa yrði hverfandi við
sölu á hlutnum á því verði en sam­
kvæmt afkomuskiptasamningn­
um við stjórnvöld myndu þeir að
óbreyttu þá aðeins fá um ellefu millj­
arða í sinn hlut. Ef þeim tekst hins
vegar að selja bankann á genginu
0,9 til 1 fá kröfuhafar Kaupþings um
40 til 50 milljarða af söluandvirðinu.
Mikilvægt er að hafa í huga að kröfu­
höfum er heimilt að skipta öllum
þeim krónum sem þeir fá við söluna
á Arion banka í erlendan gjaldeyri og
fara með úr landi.
Hagsmunir kröfuhafa – rétt eins
og íslenskra stjórnvalda – á því að
bíða með sölu þangað til ásættan­
legt verð fæst fyrir hlutinn eru því
umtalsverðir en Kaupþing hefur allt
að þrjú ár til að finna kaupanda að
hlutnum í Arion banka. Á meðan
söluferlinu stendur þarf Kaupþing að
greiða 5,5% vexti af veðskuldabréf­
inu til stjórnvalda upp á 84 milljarða,
eða sem nemur um 4,6 milljörðum á
ári. Þá munu hugsanlegar arðgreiðsl­
ur vegna hagnaðar Arion banka að
stærstum hluta renna beint til stjórn­
valda en áður hafði verið gert ráð
fyrir því í samkomulaginu frá því í
júní að slíkar greiðslur myndu drag­
ast frá höfuðstól skuldabréfsins. n
Ekki áhrif
á söluferli
bankans
Sá möguleiki er fyrir hendi að
sala á hlut Kaupþings í Arion
banka muni eiga sér stað á sama
ári og stjórnvöld hefja söluferli
á hlut sínum í Landsbankanum.
Þannig undirbýr Bankasýsla rík­
isins, sem
heldur utan
um hlut
ríkisins í
fjármála­
fyrirtækjum,
um þess­
ar mundir
sölu á allt að
30% hlut í
Landsbank­
anum. Sam­
kvæmt fjárlagafrumvarpi er gert
ráð fyrir að sala á eignarhlutum
ríkisins í bönkum skili ríkissjóði
ríflega 71 milljarði króna á kom­
andi ári.
Það verður þó hægara sagt
en gert að finna fjárfesta á hin­
um litla íslenska markaði til að
kaupa hlut í tveimur fjármála­
fyrirtækjum – þar sem bókfært
virði þeirra er yfir 200 millj­
arðar – á sama tíma. Ef sala á
hlut Kaupþings í Arion banka á
sér stað áður en kemur að sölu­
ferli Landsbankans þá er ljóst
að verðið sem fæst við þá sölu
mun senda sterk skilaboð hvað
ríkið getur fengið fyrir sinn hlut
í Landsbankanum.
Jón Gunnar Jónsson, for­
stjóri Bankasýslunnar, segist
í samtali við DV ekki vilja tjá
sig sérstaklega um hvaða áhrif
það hefði á fyrirhugaða sölu á
hlut ríkisins í Landsbankanum
ef Arion banki yrði seldur á
undan. Hann segist hins vegar
„fagna áhuga fjárfesta á að eign­
ast hlut í íslenskum viðskipta­
bönkum. Það er ráðherra sem
tekur endanlega ákvörðun um
sölu, en þær fréttir sem hafa
verið í fjölmiðlum hafa ekki haft
áhrif á vinnu okkar við gerð til­
lögu um sölumeðferð í sam­
ræmi við þær áherslur sem fram
komu í fjárlagafrumvarpi.”
Mögulegt gengi
við sölu**
Það sem færi til
stjórnvalda
Það sem færi til
kröfuhafa
0,6 84 5
0,7 86 11
0,8 91 30
0,9 96 39
1 104 48
Samkvæmt afkomuskiptasamningi fær ríkið þriðjung af söluandvirði yfir 100 milljarðar. Ef hluturinn selst á meira
en 140 milljarða fær ríkið helming umfram þá upphæð en þrjá fjórðu þess sem er yfir 160 milljarða.
Sala á 87% hlut í Arion banka*
*Miðað
við eigið fé
Arion banka
er sá hlutur
bókfærður á
152 milljarða
**Sölugengi
miðað við
bókfært eigið
fé bankans.
Hvað kosta evrópskir
og bandarískir bankar?
Bretland 0,74
Frakkland 0,8
Spánn 0,87
Ítalía 0,72
Þýskaland 0,49
Svissneskir og austurrískir bankar 1,11
Austurevrópskir bankar 1,4
Stórir bankar á Norðurlöndum 1,4
Tyrkneskir bankar 0,99
Stóri bankar í Bandaríkjunum 1,1
Kanada 1,72
*Verðlagning banka sem hlutfall af bók-
færðu eigin fé. Heimild: BloomBerG
Hörður Ægisson
hordur@dv.is