Fréttatíminn - 04.12.2015, Page 18

Á
Á kjörtímabilinu verður tryggingagjald
lækkað. Svo sagði í stefnuyfirlýsingu ríkis-
stjórnarinnar vorið 2013. Það hefur þó að-
eins gerst í mýflugumynd hvað þetta gjald
varðar sem launagreiðendum ber að greiða
af heildarlaunum launamanna og er ætlað að
mæta greiðslum til atvinnulausra. Þorsteinn
Víglundsson, framkvæmdastjóri Samtaka
atvinnulífsins, bendir á það í leiðara á síðu
samtakanna að engin áform séu um að lækka
tryggingagjaldið árið 2016
þrátt fyrir að atvinnuleysi sé
hverfandi og fari minnkandi.
Árlegt gjald sem fyrirtækin
greiða sé því 20-25 milljörð-
um króna hærra en það ætti
að vera miðað við stöðuna á
vinnumarkaði. Skattlagning á
launagreiðslur hefur því hækk-
að verulega. Framkvæmdastjór-
inn minnir á það í pistli sínum
að samstaða hafi verið meðal
stjórnmálaflokkanna fyrir síð-
ustu þingkosningar að lækka tryggingagjald-
ið og þessi þverpólitíska samstaða hafi verið
ítrekuð á fundi um fjárlögin í nýliðnum nóvem-
ber. Samt eru engin merki þess, segir fram-
kvæmdastjórinn, að staðið verði við þessi orð.
Hann minnir á að tryggingagjaldið komi
harðast niður á litlum og meðalstórum fyrir-
tækjum þar sem flest ný störf verða til. Hátt
tryggingagjald minnkar því getu fyrirtækja til
að ráða fleiri í vinnu eða hækka laun.
Bjarni Már Gylfason, hagfræðingur Sam-
taka iðnaðarins, talaði á svipuðum nótum í
september síðastliðnum, þegar fyrir lá að ekki
var gert ráð fyrir lækkun tryggingagjalds í
fjárlagafrumvarpinu umfram smávægilega
lækkun sem lögfest var fyrir tveimur árum.
Hagfræðingurinn sagði tryggingagjald þung-
an skatt sem legðist á öll laun en væri þó í raun
falinn. Skatturinn er greiddur af fyrirtækj-
um en ólíkt tekjuskattinum sést hann ekki á
launaseðli. Fyrir launamenn í landinu, bætti
hagfræðingurinn við, er það jafn mikið hags-
munamál að tryggingagjald lækki eins og aðr-
ir skattar. Það hefur bein áhrif á kjör lands-
manna og getu fyrirtækja til að greiða laun
og ráða fólk í vinnu. Tryggingagjaldið kemur
því sérstaklega illa við lítil fyrirtæki þar sem
sérhver ráðning í starf vegur þungt. Ennfrem-
ur finna mannauðsfrek fyrirtæki óþyrmilega
fyrir gjaldinu þar sem launahlutfall er hátt og
veldur því að fyrirtækin vaxa hægar en ella og
verðmætasköpun verður minni.
Lækki tryggingagjaldið ekki á næsta ári
segir Þorsteinn Víglundsson að kjarasamning-
ar fyrir tímabilið 2016-2018 séu í uppnámi, en
þeir koma til endurskoðunar í febrúar. Samn-
ingarnir voru atvinnulífinu dýrir, en var ætlað
að skapa frið á vinnumarkaði til ársloka 2018.
Gerðardómur í málum BHM og hjúkrunar-
fræðinga bjó hins vegar til nýja launastefnu
með þeim afleiðingum að forsendur samn-
inga á almennum markaði brustu. Ramma-
samkomulaginu frá því í okóberlok er ætlað
að taka á þeirri stöðu. Til að koma til móts
við fyrirsjáanlegan kostnaðarauka kallar Þor-
steinn meðal annars eftir því að ríkið komi til
móts við atvinnulífið með lækkun trygginga-
gjaldsins.
Nauðsyn þessarar lækkunar er ítrekuð í
máli hagfræðings Samtaka iðnaðarins, enda
standi fyrirtækin frammi fyrir meiri kjara-
samningsbundnum launahækkunum en
efnahagslífið standi undir sér sé horft til lít-
ils framleiðnivaxtar. Kjarasamningarnir ein-
ir hækki gjaldstofn tryggingagjaldsins um
næstum 10% og þar með skatttekjur ríkisins
um 5-6 milljarða króna, bara vegna samning-
anna. Það er því sanngjörn krafa, segir hann,
að gjaldið lækki á móti um að minnsta kosti 1
prósentustig. Slíkt sé allra hagur.
Gjaldið stendur undir greiðslu atvinnuleys-
isbóta en atvinnuleysi nú er lítið, sem betur
fer. Gjaldið var hækkað í kjölfar hrunsins,
þegar atvinnuleysi fór í hæstu hæðir, og var
eðlileg ákvörðun eins og á stóð þá, eins og Ás-
dís Kristjánsdóttir, forstöðumaður efnahags-
sviðs Samtaka atvinnulífsins, benti á nýverið.
Staðan er hins vegar önnur nú, eins og fram
kom hjá henni. Tryggingagjaldið var um 5,5%
þegar atvinnuleysi var á svipuðum slóðum og
það er í dag, en hefur ekki lækkað í samræmi
við það. Tryggingagjaldið er nú 7,49%.
Fyrirtækin eru því að greiða í meira mæli
til ríkissjóðs til annarra útgjalda en greiðslu
atvinnuleysisbóta.
Óhóflegt tryggingagjald
Hærri skattlagning á launatekjur
Jónas Haraldsson
jonas@frettatiminn.is
LóABORATORíUM LóA hjÁLMTýsdóTTiR
Skeifunni 17, 108 Reykjavík. Sími: 531 3300. ritstjórn@frettatiminn.is Ritstjóri: Jónas Haraldsson jonas@frettatiminn.is Fréttastjóri: Hösk-
uldur Daði Magnússon hdm@frettatiminn.is. Auglýsingastjóri og stjórnarformaður: Valdimar Birgisson valdimar@frettatiminn.is. Framkvæmdastjóri: Teitur Jónasson
teitur@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Með kærleik og virðingu
Útfarar- og lögfræðiþjónusta
Vesturhlíð 2 Fossvogi | Sími 551 1266 | útför.is
Hugrún Jónsdóttir
Við erum til staðar
þegar þú þarft á
okkur að halda
Við önnumst alla þætti undir-
búnings og framkvæmd útfarar
ásamt vinnu við dánarbússkiptin.
Við þjónum með virðingu
og umhyggju að leiðarljósi
og af faglegum metnaði.
Jólatilboðsverð kr. 159.615,-
Með fylgir Vitamix sleif, drykkjarmál
og svunta
Fullt verð kr. 199.518,-
Vitamix Pro 750 á sér
engann jafningja.
Nýtt útlit og nýir
valmöguleikar.
5 prógrömm og
hraðastillir sjá til þess
að blandan verður
ávallt fullkomin og
fersk!
Galdurinn við
ferskt hráefni
Rauðagerði 25 108 Rvk Sími 440-1800 www.kaelitaekni.is
18 viðhorf Helgin 4.-6. desember 2015