Fréttatíminn - 04.12.2015, Page 38

Gylfaflöt 7 112 Reykjavík 587 8700 krumma.is
LEIKFÖNGIN
FÆRÐU Í
KRUMMA
KÍKTU Á VEFVERSLUN
KRUMMA.IS
Fullorðnir
eru oft svo
ferkantaðir
Helga Helgadóttir
gaf nýverið út sýna
fyrstu barnabók, Dóttir
Veðurguðsins, en bókin
er samstarfsverkefni
fjölskyldunnar. Aðalsögu-
hetjan Blær er byggð á
Maríu, dóttur Helgu og
leikararans Þrastar Leós
Gunnarssonar. Ljósmynd/
Hari
É g er alltaf með minnisbók í töskunni minni þar sem ég skrifa niður allar hugmynd-ir,“ segir Helga Helgadóttir
barnabókahöfundur sem gaf nýverið
út sína fyrstu barnabók, Dóttir Veður-
guðsins. Helga skrifar ekki einungis
niður sínar eigin hugmyndir heldur
líka eiginmannsins, leikarans Þrastar
Leó Gunnarssonar, og dóttur þeirra
hjóna, hennar Maríu sem er 10 ára og
er bókin í raun samstarfsverkefni fjöl-
skyldunnar.
Lesblinda er náðargáfa
„Ég skrifa þarna allt sem mér dettur í
hug en líka þeirra hugmyndir því þau er
bæði endalaus uppspretta. Sérstaklega
María sem sér heiminn í öðruvísi ljósi
en flestir. Ég held alveg örugglega að
það tengist lesblindunni,“ segir María
en feðginin eru bæði lesblind. „Ég er
alveg sannfærð um það að lesblinda sé
náðargáfa því lesblindir sjá heiminn allt
öðruvísi en við hin. María er iðulega að
benda mér á hluti sem ég hefði aldrei
tekið eftir sjálf. Þegar við erum til dæm-
is á göngu um hverfið þá bendir hún
mér að hluti sem ég hef ekki tekið eftir
í þau tuttugu ár sem ég hef búið hér.
Þröstur er líka alltaf að koma með alls-
konar hugmyndir, sumar eru alls ekki
góðar en svo koma algjör gullkorn inn
á milli,“ segir Helga og hlær. „Ég held
að þetta sé spurning um það hvernig
við notum heilann, ég er kannski aðeins
meira í excel-skjalinu en þau.“
Fullorðnir oft ferkantaðir
Helga og María ákváðu svo í samein-
ingu að binda saman allar skemmtilegu
sögurnar sem voru komnar blað með
söguhetjunni Blævi, sem að einhverju
leyti er byggð á Maríu. Helga segir
ýmislegt annað byggja á fjölskyldunni
eins og það að foreldrarnir eru í eldra
lagi og að mamman er í háskóla. Hún
segist þó ekki vera tvíkynhneigð eins
og mamman í bókinni. „Nei, það er
ég nú ekki,“ segir Helga og hlær, „þó
það myndi nú ekki skipta neinu máli.
Það var ýmislegt sem mig langaði til
að kæmi fram í bókinni án þess að það
yrði samt aðalatriði. Það eru til allskon-
ar fjölskyldur og það er svo fínt. Mér
finnst barnabækur sem tala niður til
barna svo leiðinlegar. Ég reyndi að vera
einlæg í þessari bók með því að setja
mig í spor Blævar og taka á hlutum eins
og fordómum og pólitík. Við fullorðna
fólkið getum oft verið svo ferköntuð á
meðan börn eru það alls ekki.“
Framhaldið gerist fyrir vestan
Helga segir Dóttur Veðurguðsins vera
ekta bók fyrir börn og foreldra að lesa
saman. „Það hefur verið hefð frá því
að elstu börnin okkar Þrastar voru
yngri að hafa sögustund öll kvöld og
þá er það annaðhvort ég sem les eða
Þröstur sem skáldar einhverja snilld,“
segir Helga en þau hjónin eiga sam-
eiginlega sjö börn. „María er litla
örverpið okkar og það eru okkar mestu
gæðastundir þegar við leggjumst upp
í rúm á kvöldin og lesum saman. Við
höfum það vanalega þannig að María
les fyrst tvær síður og svo les ég svona
fimm en stundum fleiri ef við getum
ekki hætt. Þetta er svo góð leið til að
hafa það notalegt saman og til að virkja
ímyndunaraflið sem er kannski ekki
nógu mikið gert af í gegnum sjónvarp
og tölvuleiki.
Yfir sumum bókum getum við hlegið
á sama stað en samt að sitthvorum
hlutnum, það finnst mér vera góð
barnabók ef það er hægt,“ segir Helga
sem nú þegar er byrjuð á næstu bók.
„Síðasta sumar leigðum við út íbúðina
hér í bænum og komum okkur fyrir á
Bíldudal þar sem við vorum við með
menningarviðburði á Skrímslasetrinu
og elduðum saman mat fyrir gesti og
gangandi. Við keyrðum oft í bæinn og
þá notuðum við tímann til að skrifa sög-
ur í minnisbókina. Svo þegar Þröstur
var að leikstýra Dýrunum í Hálsaskógi
á Bíldudal í haust þá fórum við María
með og ég byrjaði að skrifa næstu bók
um Blæ. Hún gerist líka fyrir vestan
þar sem fjölskyldan býr einmitt eftir að
hafa leigt út íbúðina sína á Holtsgötu,
og Blær er þá orðin 10 ára og þau búa
einmitt líka í húsi í fjöruborðinu,“ segir
Helga og hlær, „svo jú það eru einhver
líkindi þarna.“
Halla Harðardóttir
halla@frettatiminn.is
Sína fyrstu barnabók byggir Helga Helgadóttir á
hugmyndum og sögum sem hún, dóttir hennar
María og eiginmaðurinn Þröstur Leó Gunnarsson,
hafa safnað saman í litlar minnisbækur. Það er svo
söguhetjan Blær, 8 ára Vesturbæingur og dóttir
tvíkynhneigðrar móður og pönkarapabba, sem
tengir saman sögurnar í bókinni Dóttir Veðurguðs-
ins. Helga segir einlægar sögur sem tali ekki niður
til barna og sem foreldrar og börn geti skemmt
sér saman yfir vera bestu barnabækurnar.
Þröstur er
líka alltaf að
koma með
allskonar
hugmyndir,
sumar eru
alls ekki
góðar en
svo koma al-
gjör gullkorn
inn á milli.
38 viðtal Helgin 4.-6. desember 2015