Fréttatíminn - 04.12.2015, Page 40

H
æ, ég er að koma,“ kallar
kona út um bílglugga á
Laugaveginum þar sem
ég stend og reyni að átta
mig á því í hvaða húsi
Sigríður Elva búi. Bíllinn stansar og út
staulast fótbrotin kona á hækjum, biður
mig að halda á þeim og hoppar aftur
á bak á rassinum upp stigana upp á
þriðju hæð. Hún er að koma af flugvell-
inum þar sem hún situr dagana langa
við flugvélavængjasmíð á meðan hún
bíður eftir að fótbrotið grói. Hvernig í
ósköpunum lenti hún þangað?
„Vinur minn á litla listflugvél, sem
honum fannst ekki nógu spræk svo
hann er að smíða á hana nýja vængi
og ég er að hjálpa honum við það. Ég
hef alltaf haft mikinn áhuga á flugi,
enda nánast alin upp í svona lítilli rellu.
Pabbi var hobbíflugmaður og hann
leyfði okkur snemma að taka í vélina,
þótt það sé víst ekki vinsælt að segja
frá því. Ég hef lengi ætlað mér að læra
að fljúga, er búin með bóklega partinn
af náminu, en til þess að geta klárað
verklega hlutann þyrfti ég sennilega að
byrja á því að ræna banka.“
Sigríði var á dögunum sagt upp á
Stöð 2 svo hún segist sjá fram á það
að hafa „allan tíma í heimi“ til að
sinna áhugamálum sínum á næst-
unni. Hvernig stóð á því að henni var
sagt upp? „Það er bara þessi klassíski
niðurskurður. Enn ein hópuppsögnin,
ég man ekki einu sinni hvað þær eru
orðnar margar þessi tíu ár sem ég hef
unnið þarna. Ég mun samt vinna upp-
sagnarfrestinn og hugsanlega taka ein-
hver frílansverkefni eftir það, ég bara
veit það ekki á þessu stigi. Það kemur
í ljós.“
Eins og fjölvarp í höfðinu
Sigríður var einn þátttakenda í þáttum
Stöðvar 2 um ADHD-greinda einstak-
linga á fullorðinsaldri og hún segist
hafa fengið skilaboð frá fólki sem haldi
að henni hafi verið sagt upp vegna
greiningarinnar. „Ég held að sumir
hafi haldið það í alvöru, eins og Stöð
2 hafi haft mig í þessum þáttum til að
sýna þjóðinni ástæðu þess að ég var
rekin. Það er nú alls ekki málið, en
brottreksturinn kom á frekar óheppi-
legum tíma upp á það að gera. Ég fékk
fullt af kommentum frá fólki sem tjáði
sig um það hversu illa gert væri að
segja upp svona veikri manneskju. Það
var mjög fyndið.“
ADHD-greininguna fékk Sigríður
ekki fyrr en fyrir ári síðan og hefur
síðan verið á lyfinu concerta, sem
hún segir hjálpa heilmikið. En hvers
vegna kom greiningin svona seint, datt
engum ofvirkni í hug þegar hún var
krakki?
„Nei, mér gekk alltaf vel í skólanum,
fékk góðar einkunnir og ég held að
enginn hafi verið að pæla í þessu á
þeim tíma, ég var bara uppreisnargjörn
og óþekk. Mamma er reyndar sálfræði-
menntuð og það var hún sem byrjaði
að tala um að kannski væri ég ofvirk
fyrir nokkrum árum. Í október í fyrra
fór ég svo loksins í rannsókn og fékk
þessa fínu greiningu – eða þannig. Ég
var ekkert hrifin af því að fara á lyf en
ég sé það að ég er skárri á þeim. Þau
breyta manni samt ekki á þann hátt
að ég fari skyndilega að verða einhver
Martha Stewart, eldandi og þrífandi
alla daga, en þau hjálpa manni að ein-
beita sér að einu í einu.“
Upplifun ADHD-einstaklinga hefur
verið líkt við að hafa fjölda sjónvarps-
skjáa með mismunandi efni í gangi
inni í höfðinu alla daga og Sigríður seg-
ir það einmitt vera þannig. „Ég hef oft
sagt að ég sé með fjölvarpið í hausnum
og fjarstýringin sé föst á því að skipta
á milli stöðva á nokkurra sekúndna
fresti. Concertað stoppar það. Áður
þurfti ég alltaf að vera með minnisbók
við hendina og skrá niður allt sem mér
datt í hug og þurfti að gera, annars
bara gleymdi ég því og fór að hugsa
um eitthvað allt annað. Þannig að lyfin
eru búin að slökkva á fjölvarpinu og
nú er ég bara með RÚV í hausnum.
Ég saknaði ákveðinna hluta af þessu
ástandi eftir að ég fór á lyfin, mér þykir
til dæmis vænt um hvatvísina mína, en
það mátti alveg slökkva á fjölvarpinu
mín vegna.“
Frá Britney Spears í fjármála-
fréttir
Sigríður hefur unnið hjá 365 miðlum
í tíu ár og komið víða við. „Ég byrjaði
baksviðs, var skrifta, langaði að verða
fréttapródúsent en náði aldrei alveg
þangað var að skjóta og klippa fyrir
Bítið um tíma, vann svo á Vísi, en ég
var alveg gasalega feimin við að vera
fyrir framan myndavélarnar og hafði
engan áhuga á því. Ég var reyndar
sett í bleiku fréttirnar á Vísi, sem mér
fannst algjörlega skelfilegt og alls ekki
nógu virðulegt, en ég lét mig nú engu
að síður hafa það að skrifa fréttir af
Britney Spears og vinkonum í nokkra
mánuði. Var meira að segja undir lokin
farin að hafa bara gaman af því að
skrifa steiktar slúðurfréttir af fræga
fólkinu, sökkti mér niður í Eurovision
og varð um tíma rosalegur Eurovision-
nörd, sem var kannski ekki mjög líkt
mér. Loksins komst ég svo í „alvar-
legri“ fréttir og þá varð eitt stykki
hrun. Eftir að hafa talað endalaust við
hagfræðinga og pólítíkusa í einhvern
tíma varð ég bara pínulítið fegin þegar
mér var boðið að fara yfir í Ísland í
dag. Þegar maður er á kafi í fjármála-
fréttum allan daginn, lesandi allt sem
maður nær í sem tengist fjármálaerfið-
leikum þá fær maður dálítið skekkta
mynd af því hvernig ástandið er í raun
og veru. Ég hélt að við myndum bara
breytast í Argentínu og hér yrðu vopn-
aðir verðir við allar búðir en ég komst
að því þegar ég hætti í fréttunum að
ástandið var ekki nærri eins slæmt og
Alltaf verið
svolítill gaur
Sigríður Elva Vilhjálmsdóttir vakti mikla athygli í þáttum Stöðvar 2 um fullorðna einstaklinga með ADHD. Ekki
það að hún hafi verið óþekkt fyrir, en fáir vissu að hún væri með þessa greiningu. Stuttu eftir að þættirnir fóru
í loftið var henni sagt upp starfi sínu hjá Stöð 2 og til að kóróna allt saman fótbrotnaði hún í eldhúsinu heima
hjá sér nokkrum dögum seinna. Hún er þó voðalega lítið að stressa sig á þessu öllu saman, ver dögunum úti á
Reykjavíkurflugvelli við að smíða vængi á flugvél og prjónar til að fækka sjónvarpsstöðvunum í höfðinu.
ég hafði haldið. Út frá Íslandi í dag lá
leiðin svo í fjölbreyttari dagskrárgerð
og í því hef ég verið síðan.“
Langar í skriðdreka
Einn af þeim þáttum sem Sigríður
hefur séð um hjá Stöð 2 er bíla- og
tryllitækjaþátturinn Á fullu gasi, hefur
hún alltaf verið með bíladellu?
„Alls ekki og var ekki með hana
þegar ég var beðin að vera með þátt-
inn, mér fannst alveg gaman að bílum
sem keyrðu hratt, sérstaklega ef þeir
voru fallegir, en það var ekkert sér-
stakt áhugasvið. Ég var bara búin að
vera heima í fæðingarorlofi í fjóra mán-
uði og hefði með gleði farið að stjórna
ruslabíl til að losna út af heimilinu, ég
var bókstaflega að tryllast úr leiðind-
um. Ég get ekki ímyndað mér að það
sé til neitt leiðinlegra en fæðingarorlof.
Ég er búin að vera með flugvéladellu
síðan ég var pínulítil og með tíð og
tíma þróaðist þátturinn út í það að vera
meira um alls kyns flugtæki heldur en
bíla, en ég náði samt að þróa með mér
áhuga á bílum sem eru mjög stórir og
geta keyrt yfir allt, vinnuvélar og svo-
leiðis dót. Mig langar svolítið í skrið-
dreka þegar ég verð stór. Verst hvað
það yrði mikið vesen að leggja honum
hérna í miðbænum.“
Spurð hvort hún hafi lært eitthvað í
sambandi við sjónvarpsþáttagerð segir
Sigríður fyrst nei, en man svo eftir að
hún hafi tekið eina önn í Kvikmynda-
skólanum í gamla daga. Það er reyndar
ekki skrítið þótt hún muni ekki hvað
hún hefur lært því að námsefnin hafa
verið æði fjölbreytt í gegnum tíðina.
„Ég hef reyndar ekki klárað neitt. Á
held ég fjórar einingar eftir í stúdents-
próf. Var eitt ár í Verzló og síðan í fjar-
námi í öllum þeim skólum sem buðu
upp á það á þeim tíma. Svo fluttum við
til Sri Lanka í smá tíma þar sem Teitur,
maðurinn minn, var að vinna á vegum
friðargæsluliðsins þar og þá fékk ég
dellu fyrir því, tók nokkra kúrsa hjá
Sameinuðu þjóðunum sem bjóða upp
á nám í friðargæslu. Í millitíðinni fór
ég reyndar í nám í kerfisfræði, var svo
mikill tölvunörd, en komst að því að
það var ekki skemmtilegt nám. Eftir að
Ég var ekk-
ert hrifin af
því að fara
á lyf en ég
sé það að
ég er skárri
á þeim.
Þau breyta
manni samt
ekki á þann
hátt að ég
fari skyndi-
lega að
verða ein-
hver Martha
Stewart,
eldandi og
þrífandi alla
daga, en
þau hjálpa
manni að
einbeita sér
að einu í
einu.
Framhald á næstu opnu
„Ég held að sumir hafi haldið það í alvöru, eins og Stöð 2 hafi haft mig í þessum þáttum til að
sýna þjóðinni ástæðu þess að ég var rekin.” Ljósmyndir/Hari
40 viðtal Helgin 4.-6. desember 2015