Fréttatíminn - 04.12.2015, Qupperneq 98
Gefðu íslenska tónlist
í jólagjöf
www.recordrecords.is
Fáanlegar á CD og LP
í öllum betri plötubúðum
Of Monsters and Men
Beneath The Skin
Júníus Meyvant EP
Agent Fresco
Destrier
Renndir leirmunir, handgerð skurðar-
bretti, púðar, dúkar, veggspjöld,
jólaskraut og margt
fleira verður á
meðal þess sem
verður á boðstólum
á jólamarkaði á Bus
Hostel í Skógar-
hlíð um helgina. Á
markaðnum selja 13
hönnuðir og listafólk
verk sín undir heitinu Ízlenska pop-up
fjelagið.
Opið verður milli
klukkan 12-17 laugar-
dag og sunnudag
og piparkökur og
heitt kaffi verður á
staðnum til að ylja
gestum.
Þeir sem taka
þátt eru: Bifurkolla,
Ísa-fold design, Gluggagallery, Íris
Ösp Heiðrúnardóttir,
Aron Freyr Stefáns-
son, Hanna Gréta
keramik hönnuður,
Basalt Reykjavík,
Ratdesign/Ragn-
heiður Tryggvadóttir,
Valdór Bóasson,
Gola & Glóra, Mixmix
Reykjavík, Gunnars-
börn og Bismagg.
FjáröFlunartónleikar leiklistarnemar saFna Fyrir menningarFerð með því að syngja á rosenberg
Leiklistarnemar syngja lög
með Eagles og Justin Bieber
Leiklistarnemar á
fyrsta ári í Listahá-
skólanum efna til
fjáröflunarjóla-
tónleika á Café
Rosenberg næst-
komandi mánudags-
kvöld. Í bekknum eru
tíu framtíðarleikarar
sem ætla að láta ljós
sitt skína á þessum
tónleikum með
vinsælum jólalögum.
Hákon Jóhannesson
leiklistarnemi segir
tónleikana vera lið
í fjáröflun sem
bekkurinn ætli að
vera með á hverri
önn, sem muni hjálpa
þeim að fjármagna
menningarferð til
Berlínar í lok náms-
ins. Hann segir laga-
valið mjög fjölbreytt
og ætlar meðal
annars að bregða sér
í skó Justin Bieber á
þessum tónleikum.
þ etta eru svona vetrarjólatónleikar ef svo má að orði komast,“ segir Hákon Jóhannesson leiklistarnemi um fjáröflunartónleika leik-
listarnema á mánudagskvöldið næsta.
„Á efnisskránni ætlum við að hafa hefðbundna
tónlist í bland við jólalög. Bæði munum við koma
fram sem hópur og einnig sem einstaklingar. Til-
efnið af þessu er fjáröflun sem við ákváðum að ráð-
ast í,“ segir hann. „Við ætlum að safna fyrir menn-
ingarferð sem okkur langar að fara í þegar líður
að lokum námsins. Þetta er bara fyrsta skrefið þar
sem við erum bara nýbyrjuð í náminu. Við gátum
varla hugsað okkur betri endi á fyrstu önninni en
að halda tónleika fyrir fjölskyldur og vini og auð-
vitað aðra sem vilja koma,“ segir Hákon.
„Við vitum svo ekkert með hvaða hætti fjáröfl-
unin verður á næstu önn, en hún verður haldin á
hverri önn samt. Mér líst frábærlega á námið það
sem af er,“ segir hann. „Þetta er mjög krefjandi og
skemmtilegt og maður þarf að gefa mikið af sér
til þess að uppskera. Andinn í bekknum er mjög
góður og hjálpar okkur öllum að komast áfram í
þessu öllu saman. Það er alltaf eitthvað sem kemur
manni á óvart í svona námi en maður var líka við-
búinn því í upphafi að þetta yrði stórt skref að
stíga. Svo maður var viðbúinn hinu óvænta,“ segir
hann.
„Við erum heldur betur að stíga út fyrir þæg-
indarammann á þessum tónleikum þar sem við
erum bara nýbyrjuð að læra að syngja í skólanum.
Langflest okkar hafa aldrei sungið neitt að ráði
áður,“ segir Hákon. „Svo þetta er stórt skref fyrir
marga að stíga upp á svið og syngja fyrir vonandi
fullum sal. Þetta er stökk í djúpu laugina og það er
akkúrat það sem við viljum gera. Ég persónulega
ætla að syngja jólablúsinn Please Come Home
For Christmas sem Eagles gerðu á sínum tíma.
Svo ætla ég að taka einn góðan dúett með Árna
Beinteini bekkjarfélaga mínum sem er Little
Drummer Boy í útgáfu Justin Bieber. Þetta hefst
kl 21.00 á mánudaginn og það kostar 1.000 krónur
fyrir nema og 2.000 krónur fyrir óbreytta borgara,
og það er enginn posi á staðnum,“ segir Hákon Jó-
hannesson leiklistarnemi.
Aðrir bekkjarfélagar og þar með leikarar fram-
tíðarinnar eru þau Aron Már Ólafsson, Árni Bein-
teinn Árnason, Ebba Katrín Finnsdóttir, Elísabet
Skagfjörð, Eygló Hilmarsdóttir, Hlynur Þorsteins-
son, Júlí Heiðar Halldórsson, Þórdís Björk Þor-
finnsdóttir og Þórey Birgisdóttir.
Hannes Friðbjarnarson
hannes@frettatiminn.is
Fyrsta árs nemar leiklistarbrautar Listaháskólans halda fjáröflunartónleika á Rosenberg á mánudagskvöld. Ljósmynd/Hari
Hönnuðir og
listafólk á
jólamarkaði
98 menning Helgin 4.-6. desember 2015