Fréttatíminn - 14.05.2016, Blaðsíða 34
Dansinn snýst um
að gefa sig allan
Reggie mun dansa FlexN-dans í opnunarverki Listahátíðar þann 21. maí ásamt fimmtán öðrum FlexN-dönsurum frá Brook-
lyn og Manchester. Líkamlegar sjónhverfingar í bland við hæfileika FlexN-dansara til að sveigja kroppinn og beygja, á að því
er virðist áreynslulausan hátt, tryggja víst að athygli áhorfandans er haldið fanginni frá fyrsta dansspori.
Halla Harðardóttir
halla@frettatiminn.is
Ég byrjaði mjög snemma að dansa og í upphafi voru Michael Jackson og James Brown mínar fyr-irmyndir,“ segir Reggie “Regg Rock” Grey, einn
upphafsmanna FlexN dansins sem
varð til í Brooklyn á síðasta áratug
en tröllríður danslistasenu New
York borgar og víðar um þessar
mundir. Danshópur hans sýnir opn-
unarsviðsverk Listahátíðar í ár.
„Þegar ég flutti fjórtán ára frá
Alabama til Brooklyn í New York
uppgötvaði ég dancehall reggíið
og elskaði strax allt við það. Og svo
braust broke-up dansinn, sem kem-
ur frá Jamaíka, út um allt Brook-
lyn og allt í einu voru allir að dansa
broke-up í Brooklyn. Þetta var ótrú-
legur tími. Þetta var DANSINN og
það voru allir að dansa alls staðar.“
„Árið 1999 fór ég með vini mín-
um í Brooklyn sjónvarpið í Flexn
þáttinn, sem var sá vinsælasti í
Brooklyn. Við vorum þarna nokkr-
ir dansarar úr sitthvoru hverfinu í
Brooklyn og sáum að Broke-up stíl-
inn var mjög ólíkur eftir hverfum.
Okkar stíll, úr Flatbush hverfinu,
var innblásinn af myndum eins og
The Drunken Munk og Matrix. Eft-
ir þáttinn urðum við nokkuð frægir
í Brooklyn og fórum að vinna all-
ar danskeppnirnar,“ segir Reggie
og hlær, „vá maður, þetta var svo
skemmtilegur tími. Við urðum svo
vinsælir að allir krakkarnir í hverf-
inu vildu taka upp stílinn okkar.
Upp úr 2004 var svo farið að kalla
þetta FlexN-stílinn.“
„FlexN snýst um að gefa sig allan.
Og að segja sögur. Frá upphafi vor-
um við að segja sögur með líkaman-
um, og reyndum að gera það þannig
að fólk tæki eftir. Núna í seinni tíð
erum við farin að taka þessa tján-
ingu og setja hana í stærra sam-
hengi en okkur sjálf. Við erum að
snerta á hlutum eins og misrétti
og rasisma, líkt og við höfum séð í
Ferguson. Maður er alltaf að heyra
af einhverju og fólk talar og talar
en við viljum setja þessar sögur á
svið og fá fólk til að sjá hlutina í nýju
ljósi.“
Reggie “Regg Rock” Grey byrjaði á því að dansa eins og Micheal Jackson en
fann svo sinn eigin stíl í Brooklyn, FlexN. Í dag ferðast hann um heiminn
með danshópinn sinn og opnar Listahátíð Reykjavíkur næstu helgi.
Mynd | Hari
Fjölmargir Íslendingar eiga minn-
ingar um það að sökkva sér í
ævintýri Svals og Vals, heimsku-
pör Viggós viðutan eða hetjudáð-
ir Tinna. Þó slíkar bækur rykfalli
nú í hillum margra Íslendinga eru
þær fjársjóður í augum teikni-
myndasögusafnara hérlendis sem
erlendis.
„Ég hef safnað í 5-6 ár, en veit að
margir teiknimyndasögusafnarar
hafa verið í þessu miklu lengur en
ég, jafnvel í áratugi,“ segir Rík-
harður Sveinsson, en hann er einn
þeirra sem safna íslenskum mynda-
sögum. „Ég er að safna ýmsu öðru,
póstsögu og ættfræðitengdu efni og
ljóðabókum til dæmis, en byrjaði
á þessu því ég ólst upp við þess-
ar bækur og hef átt margar frá því
ég var krakki. Svo á ég lítinn gutta
sem er byrjaður að lesa og það ýtir
undir mína áráttu.“
Ríkharður segir safnara helst
leita eintaka á Facebook, Bland.
is og nytjamörkuðum landsins þar
sem ýmsir fjársjóðir geta leynst. Á
Facebook-síðunni „Teiknimynda-
sögur“ skiptast safnarar á bók-
um eða selja þær og fara sjaldgæf
eintök á mörg þúsund krónur til
þeirra sem vita hvers virði þær eru.
Sem dæmi fékk Ríkharður tilboð í
Ástríkssafn sitt eins og það leggur
sig upp á 150 þúsund krónur frá er-
lendum safnara.
Ríkharður hefur safnað að sér
hverri einustu bók Svals og Vals,
Viggós- og Ástríksbókanna, svo
eitthvað sé nefnt. Hans aðaláhugi
liggur þó hjá Tinna, en söfnunin
stöðvast ekki við að eiga hverja ein-
ustu bók: „Við erum nokkrir furðu-
fuglar sem söfnum öllum útgáfum
bókanna. Tinnabækurnar eru til
dæmis 25 talsins en flestar voru
gefnar út fjórum sinnum. Ef ég
ætti allar útgáfur þeirra ætti ég um
sjötíu Tinnabækur og engin þeirra
væri eins,“ segir Ríkharður, en nú á
hann 67 bækur af Tinna og í safnið
vantar aðeins eina bók: Útgáfu
ársins 1975 af Tinna og Eldflauga-
stöðinni. | sgþ
Á 67 Tinnabækur
– samt ekki nóg
Fjársjóðirnir felast í Viggó, Tinna og Lukku-Láka
Ríkharð vantar aðeins eina bók til að fullkomna
safn sitt af Tinnabókum, sem þegar er afar veglegt.
Mynd | Rut Anna Sóley byrjar daginn á jóga og hugleiðslu sem veitir henni styrk út daginn.
Anna Sóley Viðarsdóttir vaknaði með sólinni þennan morgun, líkt
og flesta morgna síðan hún gerðist morgunhani. Jógadýnan er fyrsti
áfangastaður dagsins, þar setur hún sig í stellingar stríðsmannsins
og sólarhyllingar. „Ég stunda mjúkt jóga á morgnana og hugleiði í
nokkrar mínútur. Þannig þykir mér best að byrja daginn og koma hausnum
á réttan stað.“
„Stríðsmaðurinn veitir mér styrk og jarðtengingu á meðan sólarhyllingin
tekur fagnandi á móti deginum. Með því að eiga þessa stund fer ég jákvæð
og umburðarlynd inn í daginn og ef eitthvað bjátar á þá get ég alltaf leitað
í jafnvægið.“
Það eru fjölmargir kostir sem fylgja þeim sjálfsaga að vakna snemma. Anna
Sóley kemur ýmsu í verk fyrir vinnu, en það besta er að hún hefur tíma til
þess að skríða aftur undir sæng í nokkrar mínútur. „Mér þykir afskaplega
gott að leggjast aftur upp í rúm í andartak. Ég borða sjaldnast morgunmat
heldur fæ mér kaffi og hef það notalegt, þá er ég reiðubúin í daginn.“
Morgunstundin Faðmar
daginn með sólarhyllingu
34 | FRÉTTATÍMINN | HELGIN 14. MAÍ–16. MAÍ 2016
HAFÐU ÞÁ SAMBAND VIÐ DREIFING@FRETTATIMINN.IS
FÉKKSTU EKKI BLAÐIÐ Í DAG?