Fréttatíminn - 20.08.2016, Page 20

20 | FRÉTTATÍMINN | Laugardagur 20. ágúst 2016
Gjörningaklúbburinn hefur
í 20 ár verið í fararbroddi
íslenskra listamanna sem
vinna með gjörninga í list
sinni. Hópurinn opnar nú
á samstarf við stóran hóp
listamanna úr ýmsum áttum
og býður upp á dularfulla
óvissuferð á hátíð sem hefst
á miðvikudag.
Everybody is Spectacular er al-
þjóðleg sviðslistahátíð sem að
leiklistarhátíðin Lókal og Reykja-
vík Dance Festival standa saman
að. Þar má áhorfandinn búast við
hinu óþekkta og stundum við því
að þurfa að taka afstöðu eða jafn-
vel þátt í verkunum. Innlendir og
erlendir listamenn bjóða verk sín
fram á hátíðinni, listform og hug-
myndir renna saman.
Gjörningaklúbburinn smellpass-
ar inn í hugmyndafræði hátíðar-
innar en verkefnið sem þær Eirún
Sigurðardóttir og Jóní Jóns dóttir,
tveir af þremur meðlimum klúbbs-
ins, standa nú að er nokkuð
dularfullt.
Út í óvissuna
„Þetta á að vera óvissuferð, eins
og lífið sjálft,“ segir Eirún. „Gestir
mæta að Hallgrímskirkju og þar
bíður þeirra rúta, sextán gestir
komast með. Fólk þarf að vera vel
klætt eftir veðri, þannig að rútan
og klæðnaðurinn gefa kannski ein-
hverjar vísbendingar.“ Ekkert er
gefið upp um áfangastað.
„Í þessu ferðalagi, rétt eins og
lífsferðalaginu, þarf fólk stundum
að taka af skarið. Stundum þarf
það að hafa aðeins ofan af fyrir sér
og stundum þarf það að hjálpast
að,“ segir Eirún og bætir við að
þrátt fyrir óvissuna verði passað
vel upp á gestina.
Sýningin heitir Psychography
sem þær í Gjörningaklúbbnum hafa
þýtt sem sálnasafn. Nafnið vísar
líka til ósjálfráðrar skriftar sem
lengi hefur verið sögð vænleg til að
kanna duldar hliðar sálarinnar.
Í stórum hópi
Yfirleitt hefur Gjörningaklúbburinn
staðið nokkurn veginn óstuddur
á bak við verk sín, en nú fá þær
stóran hóp listamanna í lið með
sér. Þar eru leikarar, dansarar,
listamenn, klæðskerar og förðunar-
meistarar. Eirún segir að samstarfs-
fólkið hafi komið snemma inn í
undirbúning verksins og lagt dýr-
mæta reynslu sína til.
Eirún segir að í verkinu flettist
saman nokkrir þræðir. „Í fyrsta
lagi erum við að fjalla eilítið um
sögu þess svæðis sem við förum
um. Í öðru lagi höfum við hug-
myndir okkar um lífshlaup manns-
ins til hliðsjónar. Svo fléttast inn
í þetta tuttugu ára saga Gjörninga-
klúbbsins og loks sögur og innlegg
allra þeirra sem vinna í verkinu
með okkur. Þegar gestirnir koma
með sínar sögur og reynslu inn
í verkið ættum við að ná að flétta
saman í nokkuð stóran og sterkan
kaðal,“ segir Eirún.
Samskipti milli heima
Dularfullt andrúmsloft verks-
ins og heiti þess er ekki úr lausu
lofti gripið því að þegar byrjað
var á verkefninu kom fljótlega
upp sú hugmynd að fá miðil inn í
það til að ná tengingu við annað
en það sem fyrir venjuleg augu
ber. „Það hafði mjög mikil áhrif
á verkefnið,“ segir Eirún, án þess
að vilja fara nánar út í þá sálma.
„Við erum bara að vinna þvert á
listmiðla og þvert á heima. Við
skerum í gegnum alls konar lög og
himnur, sýnilegar og ósýnilegar.“
Þessi dularfulla óvissuferð er
aðeins eitt atriði á hátíðinni Ev-
erybody is Spectacluar sem stend-
ur dagana 24.—28. ágúst. Allar
nánari upplýsingar um dagskrána
á þessari alþjóðlegu sviðslistahátíð
eru á spectacular.is
Margir þræðir mynda
sterkan kaðal
Eirún Sigurðardóttir og Jóní Jónsdóttir ásamt fríðu föruneyti sem tekur þátt í
óvissuferðinni. Mynd | Ásta Kristjánsdóttir.
Nostalgía vikunnar
Frakkar vilja stjórna
klæðaburði kvenna
á ströndinni
Svokölluð „búrkíni,“ hyljandi
sundbolir sem kenndir eru við
búrkur múslima, hafa verið
bannaðir í þremur strandbæjum
í Frakklandi, og munu þrír bæir
bætast við þá tölu á næstunni.
Bæjaryfirvöld þar hyggjast fram-
fylgja banninu með því sekta kon-
ur sem ekki hlýða búrkíní-banninu
um 38 evrur.
Árið 1920 var starfrækt í Banda-
ríkjunum svokölluð „sundfata-
lögga“, sem átti að passa að konur
sýndu ekki of mikið af líkama sín-
um á ströndinni.
Nú er árið 2016 og svo virðist sem
ekki sé langt í að slík lögga verði
endurvakin, nema í þetta skiptið á
að passa upp á að konur sýni ekki of
lítið á ströndinni. | sgþ
Rétt eins og baðfata löggan á þriðja áratug
20. aldar.
Þessi kona ætti von á sekt frá yfirvöld­
um færi hún á ströndina í Cannes.
Baðfatalögregla mælir sídd baðfata
konu, árið 1920.
Eftir þriggja ára ferli er bókin An
Equal Difference, eftir G.S.Motola,
komin út eftir fjölmarga fundi,
andlitsmyndir og samtöl við fólk
í íslensku samfélagi.
Útgefandi er Restless Machinery
en bókin er samansafn sagna,
könnunar, greiningar og sjón-
rænnar upplifunar á íslensku
nútímasamfélagi. Um fjöllunin
er bæði menningar- og um-
hverfismiðuð, þar sem þemað
er  jafnrétti.
Útkoman er átján ritgerðir og
165 ljósmyndir sem spanna 256
síður allt í allt.
Viðtal við Motola má lesa á vef-
síðu Fréttatímans.
Nánar á heimasíðu verkefnisins:
www.anequaldifference.com. -bg
Sjónræn upplifun
á íslensku samfélagi
Bókin An Equal Difference komin út. Ragna Kjartansdóttir rappari, betur
þekkt sem Cell7. Mynd | G.S. Motola
Margrét Pála, höfundur Hjalla­
stefnunnar. Mynd | G.S. Motola
Benedikt Erlingsson leikstjóri. Mynd | G.S. Motola
Hin fagra og forna Albanía.
Albanía hefur nú loksins opnast fyrir erlendum
ferðamönnum. Enn hefur alþjóðavæðingin ekki
náð að festa þar rætur og er lítt sjáanleg. Þar má
sjá ævaforna menningu, söguna á hverju horni,
gríðarfallega náttúru og fagrar strendur og
kynnast einstakri gestrisni heimamanna þar sem
gömul gildi eru í hávegum höfð.
Verð 344.900 per mann i 2ja manna herbergi
Innifalið. Flug hótel í London, hótel m/hálfu fæði
í Albaníu, allar skoðunarferðir, ísl. fararstjóri, skattar
og aðgangur þar sem við á.
Upplýsingar í síma 588 8900
Albanía
4. - 15. október
WWW.TRANSATLANTIC.IS SÍMI: 588 8900
FERÐAÁÆTLUN 03. - 16. NÓVEMBER 2016
SRI LANKA
Stórkostleg náttúra, einstakt
mannlíf og forn menning.
Kynnstu fjölbreyttu dýralífi
í safaríferð um þjóðgarð
eyjunnar en þar má m.a
sjá fílahjarðir, hlébarða,
krókódíla, buffala, apa,
slöngur og einstakt fuglalíf.
Innifalið í verði:
Hálft fæði, flug, hótel, skattar,
islenskur fararstjóri og allar ferðir
m.a. Safarí ferð um Yala þjóðgarðinn
549.900.-
á mann í 2ja manna herbergi