Fréttatíminn - 10.09.2016, Blaðsíða 16

16 | FRÉTTATÍMINN | Laugardagur 10. september 2016
ir, en ekki fjögur hundruð þús-
und eins og var kannski nær lagi,
en honum skeikaði þar um eitt
núll. Það er líklega í þessa út-
sendingu sem Zbigniew er að vísa
til þegar hann segir að flökkusagan
um sældarríkið hafi dregið dilk á
eftir sér og að margir Pólverjar
hafi komið til landsins á fölskum
forsendum. Árið eftir, á hrunár-
inu sjálfu, flugu 7.770 Pólverjar til
landsins á móti þeim 5542 sem fóru
af landi brott – og já, hluti þeirra
strandaði allavega um tíma hvort
sem það var á Skemmuvegi eða á
Gistiskýlinu.
„Strandhótelið“ á Skemmuvegi
Á Skemmuvegi bjuggu að meðaltali
70 til 100 manns þegar Zbigniew
bjó þar árið 2011. Hann leigið lítið
herbergi og í næsta herbergi voru
hjón með unga dóttur sína. Hjónin
höfðu komið hingað til lands með
alrangar væntingar og komust
ekki heim aftur. Ástandið fór mjög
illa með fjölskylduna sem flosnaði
upp og Zbigniew var fenginn til
þess að passa dótturina á meðan
móðirin vann á pítsustað. Zbigni-
ew lýsir þessu sem vakningu í sínu
lífi. Líf hans fékk tilgang og með
honum og Önnu, móður barnsins,
varð ástarsamband og hann hug-
leiddi að flytja af Skemmuvegi með
mæðgurnar og koma þeim í betra
umhverfi.
Blekkingameistarinn Krystlow
Á Skemmuvegsárunum keyrði
bíll á Zbigniew þegar hann kom
hjólandi nálægt svefnstað sínum.
Hann flaug upp á húddið á bílnum
og brákaði bakið og eins og hann
lýsir því sjálfur, lá hann á húddinu
og greip um sitt hvora rúðuþurrk-
una með lúkunum. En óhapp-
ið varð til þess að hann fékk smá
tryggingarfé, nóg til þess að borga
út í íbúð í Breiðholtinu. Þegar hann
fékk féð útborgað hugðist hann
koma sér og nýju fjölskyldu sinni
undir eigið þak. Hann fékk aftur
vinnu hjá Múr og Mál og líf hans
fékk stefnu og tilgang. Fjölskyldan
flutti í íbúðina, en Krystlow nokk-
ur hafði milligöngu um söluna. Það
er náungi hvers nafn margir Pól-
verjar á Íslandi hnjóta um. Hann
er þekktur fyrir að vera blekkinga-
meistari af fyrstu gráðu og hefur
haft fé af mörgum.
Ein flökkusagan af Krystlow er
sú að hann eigi fimm konur, en
aðallega er hann frægur fyrir að
leita uppi veglausa Pólverja sem
eru mállausir og geta ekki bjarg-
að sér á Íslandi. Hrekklaust tekur
fólk ákvörðun um að því sé borgið
með því að leggja trúnað á botn-
laust málskrúðið sem hann leggur
fyrir það. Þannig hefur hann talið
fólki trú um að hann tali góða ís-
lensku sem kunnugir segja að eigi
sér enga stoð í raunveruleikan-
um. Krystlow hefur haft peninga
af mörgum fjölskyldum og verið
eftirlýstur, jafnvel af pólskum yfir-
völdum. En erfitt var að herma upp
á hann nokkuð misjafnt þangað til
að einhver tók upp á því að biðja
um kvittun fyrir greiðslu sem hann
lét af hendi í viðskiptum sínum við
hann. Þá var fyrst hægt að íhuga
kæru á hendur honum.
Engin kvittun
En Zbiegniew bað ekki um kvittun
þegar Krystlow sá um kaup hans
á íbúðinni í Breiðholtinu, held-
ur rötuðu eftirstöðvar af greiðsl-
unum ekki til fasteignasölunnar
heldur beint inn á reikning milli-
göngumannsins. Þannig missti fjöl-
skyldan íbúðina þegar kom í ljós
að greiðslurnar höfðu aldrei far-
ið áfram frá Krystlow heldur lentu
þær í eigin vasa Krystlows. Ótal
sögur af Krystlow flakka um pólska
samfélagið og engin virðist vita
hvort hann sé ennþá á landinu eða
hvað hann sé að sýsla með í dag né
undir hvaða nafni hann siglir.  
Get ekki búið á Íslandi mállaus
Zbiegniew nennir ekki að velta
sér upp úr þessu en segir að lífið
hafi ekki verið neitt einfaldara síð-
an hann stofnaði fjölskyldu sína.
Hann býr í dag í Kópavogi í litlu
húsi þar sem honum líður mjög
vel. En húseigandinn hafi loks-
ins getað selt húsið og að hann sé
á götunni með fjölskyldu sína frá
og með 1 nóvember. Zbiegniew og
Anna eignuðust lítinn dreng fyrir
tveim árum sem var að fá inni á
leikskóla og dóttirin, sem Zbiegni-
ew gekk í föðurstað, er byrjuð í
skóla. „Hún talar betri íslensku en
pólsku,“ segir Zbiegniew sem segir
ómögulegt fyrir sig sjálfan að eyða
ævinni á Íslandi. „Ég get ekki lært
tungumálið og mun því aldrei kom-
ast inn í þjóðfélagið og ég get ekki
afborið það,“ segir Zbiegniew. „Ég
veit ekki hvað bíður okkar, það er
allt öðruvísi að vera kominn með
fjölskyldu, þá er ekki hægt að róta
börnunum til og frá. Ef ég væri
einn gæti ég sofið á bekk eða farið
eitthvert á morgun.“ En Zbiegniew
segir Ísland ekki vera gott fyrir fjöl-
skyldufólk þar sem hérna ríki bæði
atvinnu- og húsnæðisóöryggi.
Ég á land í Póllandi
Ég á land í Póllandi sem ég hafði
hugsað mér að börnin mín gætu
erft, en það er alltaf möguleiki að
fara aftur heim og sýsla með þetta
land og lifa af því. En ég veit ekki,
það kemur allt í ljós, ég finn eitt-
hvað út úr þessu, í augnablikinu
er ég allavega að skima eftir húsi
fyrir okkur fjölskylduna á Íslandi
ég vil helst ekki fara í íbúð, ég fæ
andarteppu ef ég þarf að hírast í
blokkaríbúð, segir Zbiegniew og
tekur fram símann sinn og sýnir
myndband af syni sínum þar sem
hinn tveggja ára, af mikilli þolin-
mæði, reynir að grípa um og ná
haldi á örmjórri vatnsbunu sem
rennur sleitulaust af þaki hússins
heima, sem er um þessar mundir
í Kópavogi.
Zbiegniew starfar í Gistiskýlinu þar sem margur maðurinn hefur strandað. Hann vinnur vaktavinnu og gengur í mörg störf
en þar er fáliðað. Allir gera allt.
„Ég á land í Póllandi sem
ég hafði hugsað mér að
börnin mín gætu erft, en
það er alltaf möguleiki að
fara aftur heim og sýsla
með þetta land og lifa af
því. En ég veit ekki, það
kemur allt í ljós.“
Vesturgötu 3B | 101 Reykjavík | Sími 551 2344 | www.tapas.is
RESTAURANT- BAR
námskeið
Að para saman
mat og vín
Í vetur heldur Tapasbarinn skemmtileg
tapas- og vínsmökkunarnámskeið
þar sem farið er yfir galdurinn við að
para saman mat og vín.
Námskeiðin eru tilvalin fyrir alla; einstaklinga og hópa.
Aðaláherslan er að hafa gaman … saman.
Vínsnillingar Tapasbarsins og Stefán Ingi Guðmundsson
víngúrú sjá um námskeiðin. Smakkaðar verða 10 tegundir
af sérvöldum vínum með 13 mismunandi tapasréttum.
Meðal rétta sem smakkaðir verða:
• Ekta spænsk serrano
• Kolkrabbi
• Saltfiskur
• Beikonvafðar hörpuskeljar og döðlur
• Hvítlauksbakaðir humarhalar
• Iberico secreto
• Lamb í lakkrís
Námskeiðin verða haldin á fimmtudögum milli klukkan
16 og 18 og kosta 6.900 kr. á mann.
Dagsetningar:
• 22. september
• 6. október
• 20. október
• 3. nóvember
• 17. nóvember
Skráning er á tapas@tapas.is
Allar nánari upplýsingar eru veittar í síma 551 2344
TAPAS
VÍNSMÖKKUN&