Fréttatíminn - 10.09.2016, Síða 34

34 | FRÉTTATÍMINN | Laugardagur 10. september 2016
GOTT
UM
HELGINA
Kjólagjörningur Thoru
Það eru ekki allir sem standa fyrir níu mánaða kjólagjörningi en að gerði
Thora Karlsdottir frá mars og fram í desember 2015. Áskorunin þarfnað-
ist úthalds og elju: Að klæða sig í nýjan kjól á hverjum morgni og klæðast
kjól til allra verka í 280 daga; 40 vikur; níu mánuði.
Allir komu kjólarnir frá fólki sem gaf þá í nafni listarinnar en Björn Jóns-
son tók daglega ljósmyndir af Thoru í kjól. Í sameiningu gefa þau út bók
um kjólagjörninginn. Sýning um þetta verkefni er líka afrakstur þess
sem nú stendur til að sýna.
Hvar? Ketilhúsinu, Listasafninu á Akureyri.
Hvenær? Opnun í dag kl. 15.
Að perla saman er góð skemmtun
fyrir alla fjölskylduna. Annar hver
laugardagur er sérstaklega helgað-
ur fjölskyldunni í Borgarbókasafn-
inu í Kringlunni. Allt efni á staðn-
um og ungir og gamlir velkomnir.
Ímyndunaraflið og litagleðin er
allt sem þarf.
Hvar? Borgarbókasafninu í
Kringlunni.
Hvenær? Í dag klukkan 13.30.
Hamingjustund og
hátíska II
Að uppfæra fataskápinn á ekki
endilega að vera erfitt eða rándýrt,
sumir eru nefnilega alltaf að færa
til flíkur og losa sig við þær. Hvers
konar markaðir hafa dafnað vel í
Reykjavík á undanförnum árum.
Tequila Club stelpurnar eru mikl-
ar tískudrósir og halda nú fata-
markað sinn í annað sinn. Flíkurn-
ar eru víst fallegri en nokkru sinni
og skótauið er víst alveg „sick“ og
fæst á slikk.
Hvar? Loft Hostel, Bankastræti.
Hvenær? Í dag milli kl. 13 og 18.
Hvað kostar? Fatnaðurinn kostar
eitthvað. Enginn posi en hægt að
borga með aur appinu.
Innrás úr austri
Þrjár austfirskar hljómsveit-
ir halda tónleika í Hörpu. Það
eru sveitirnar Dútl, Vax og
Fura. Auk þess er boðið upp á
svokallað Blind ferðalag í hug-
anum en þar fara sagnaþulan
Berglind Ósk, gítarleikarinn
Jón Hilmar og hljóðlistamaður-
inn Guðjón Birgir með áheyr-
endur í sérstakt ferðalag þar
sem gestir eru með bundið fyr-
ir augun.
Hljómsveitirnar þrjár leika síð-
an blús-, rokk- og elektróníska
tónlist. Allt í bland.
Hvar? Harpa
Hvenær?
Hvað kostar? 4900 kr.
Smásögur frá Partus
Eftir að hafa notið hamingju-
stunda og hátísku á Loft Hostel
er allt í lagi að ílengjast þar. Við
tekur útgáfuhóf á vegum útgáf-
unnar Partus sem færir lesendum
nú tvö ný verk í smásagnaröð-
inni Meðgöngumál. Júlía Margrét
Einarsdóttir sem sendir frá sér
smásöguna „Grandagallerí“ og
Þórdís Helgadóttir smásöguna „Út
á milli rimlanna“. Partus útgáfan
gefur bæði út Meðgönguljóð og
Meðgöngumál, en hægt er að ger-
ast áskrifandi bæði að ljóðum og
sögum.
Hvar? Loft Hostel
Hvenær? Í dag kl. 18.
Alda Lóa Leifsdóttir
aldaloa@frettatiminn.is
Stórmerkilegri myndlistarsýn-
ingu Þórunnar Elísabetar Sveins-
dóttur, sem er í sýningarými hjá
Listamenn Gallerý á Skúlagötu,
lýkur um helgina. Tóta, en flestir
þekkja hana undir því nafni, mun
taka á móti gestum báða dagana,
laugardag og sunnudag. Tóta, sem
er jöfnum höndum búninga- og
leikmyndahönnuður og vann við
leikmyndirnar fyrir Ófærð, Eiðinn
og núna síðast sjónvarpsþáttaröð-
ina um kvennafangelsið, hefur
jafnframt haldið margar sýningar
á myndlist sinni í gegnum árin.
Minnisstæðust er kannski mynd-
listarsýning hennar „Lauslega far-
ið með staðreyndir“ í Hafnarborg
um árið.
Sýningu sína í Listamenn Gall-
erý kallar hún „Töluvert“, og er
Tóta aftur að vinna með tölur,
blúndur, garn, gólffjalir, nagla og
aðra fundna hluti sem hún um-
breytir í sjálflýsandi hjörtu eða
líf sem er frekar neðansjávar en
á yfirborðinu. Bláa litinn í verk-
inu „Hafgúan“ segist Tóta hafa
séð í eldhúsi Gísla á Uppsölum. Á
þennan bláa flöt, sem er sjórinn
við Grindavík, spinnur hún síðan
hið eilífa hjarta úr netadræsum og
köðlum sem hafa velkst um í sjón-
um. Frá vöruhúsi í Frakklandi fékk
Tóta koffort af glitrandi tvinna,
einhverskonar jól í kofforti. Úr
þessum tvinna eða vír spinnur
hún stór sjálflýsandi hjörtu sem
aldrei slokkna og maurildi sem
er ljósfyrirbærið frá þörungum á
hafsbotninum. Sýningin er dular-
fullt ævintýri, neðansjávar eða
hugarheimur listakonunnar sem
best er að fá Tótu sjálfa til þess
að leiða sig í gegnum núna um
helgina.
Perlað af list
Perlur, naglar og tvinni í hjarta Tótu
Listakonan Þórunn Elísabet verður
viðstödd sýningu sína „Töluvert“ um
helgina í Listamenn Gallerý. Hún ætlar
að taka á móti gestum sínum og leiða
þá í gegnum veröld þar sem hjörtun
glóa töluvert.
Gjörningurinn til
skoðunar í NÝLÓ
Myndlistarkonurnar Maja Bekan
og Gunndís Ýr Finnbogadóttir
opna sýningu í NÝLÓ sem þær
kalla Reasons to Perform: Always,
Always, Always: Look for the
Answer, 2016.
Sýningin er í safneignarrými
safnsins þar sem myndlistarmenn
skoða og endurmeta hina merku
safneign þess sem safnast hefur
upp frá því að safnið var stofnað
árið 1978 af hópi listamanna.
Gunndís og Maja hafa í sýning-
unni unnið út frá heimildum úr
sérstöku gjörningaarkífi safnsins
sem geymir heimildir um gjörn-
inga sem eitt sinn fóru fram. Þær
Gunndís og Maja hafa unnið lengi
saman og þá ekki síst með hjálp
tækninnar, í gegnum tölvupóst
og Skype. Þær halda líka nokkuð
nákvæma skrá um hvernig þær
hugleiða listina, saman og í sitt
hvoru lagi.
Hvar? NÝLÓ
Hvenær? Opnun í dag klukkan 15.
Strikinu 3 • Iðnbúð 2 • Garðabæ • 565 8070 • facebook.com/okkarbakari
FLOTTU
AFMÆLISTERTURNAR
FÁST HJÁ OKKUR
Skoðið
úrvalið á
okkarbakari.is
THE ROLLING STONE
S
HARPA 24. SEP
TEMBER · HOF 1
. OKTÓBER FORTY
lIcks
FRÁ ÞEIM SEM FÆRÐU OKKUR DAVID BOWIE IN MEMORIAN
POPPLAND / RUV
& HEIÐURSTÓNLEIKA THE BEATLES
MIÐASALA Í FULLUM GANGI Á TIX.IS
Sérblað um
Vetrarferðir
auglysingar@frettatiminn.is | 531 3300
Þann 16. september