Fréttatíminn - 04.11.2016, Blaðsíða 42

Taylor Swift launahæsta tónlistarkonan
Taylor Swift er launahæsta konan í tónlist-
arheiminum. Þessi 26 ára gamla popp-
stjarna þénaði um 19 milljarða króna,
meira en tvöfalt meira en Adele sem
var í öðru sæti á lista Forbes yfir
launahæstu tónlistarkonurnar í ár.
Stærsti hluti tekna Taylor Swift kem-
ur frá velheppnuðu tónleikaferða-
lagi hennar um heiminn og stórra
samninga við fyrirtæki á borð við
Apple og Diet Coke. Í þriðja sæti list-
ans er Madonna, Rihanna er í fjórða
og Beyoncé í því fimmta. Svo koma þær
stallsystur Katy Perry, J-Lo, Brit-
ney Spears, Shania Twain og
Celine Dion.
Verð enn berbrjósta á ströndinni sextug
Fyrirsætan Heidi Klum er þekkt fyrir frjálslynd
viðhorf og kippir sér ekki upp við þó papparassar
nái myndum af henni berbrjósta í sumarfríum með
hinum þrítuga kærasta sínum, Vito Schnabel.
Heidi er orðin 43 ára gömul og segir í viðtali við
tímaritið People að hún muni ekki breyta venj-
um sínum þó hún eldist. „Ég verð örugglega
berbrjósta pían á ströndinni þegar ég er
sextug. Kannski verða maginn og brjóstin
ekki eins og núna en þannig er ég bara. Ég
er frjálslynd og mun ekki breytast. Líkami
manns er ennþá fallegur þegar maður
eldist. Maður þarf ekki að fela sig undir
tjaldi þó húðin sé ekki eins og þegar
maður var tvítugur.“
Lindsay talar tungum
Leikkonan Lindsay Lohan kom mörgum á óvart
á dögunum þegar hún talaði við opnun nýs
næturklúbbs síns í Aþenu á Grikklandi. Við-
staddir voru sammála um að í máli Lindsay
hefði mátt greina hreim víða að úr heimin-
um... sem passaði ekki beint við uppruna
hennar í Bandaríkjunum. Hreimurinn bar
keim frá Ástralíu, Frakklandi, Tyrklandi
og Sádi-Arabíu. „Þetta er blanda af þeim
tungumálum sem ég annað hvort skil
eða er að reyna að læra. Ég hef verið
að læra ýmis tungumál síðan ég var
krakki, ég tala ensku og frönsku og
skil rússnesku. Svo er ég að læra tyrk-
nesku, ítölsku og  arabísku.“
Sólrún Lilja Ragnarsdóttir
solrunlilja@amk.is
Ég var heppin, en líka bara ótrúlega ákveðin, það er svo rosaleg samkeppni og erfitt að komast inn í svona
stöðu,“ segir Sigríður Mogen-
sen, aðstoðarframkvæmdastjóri í
áhættustýringu hjá Deutsche Bank
í London, en hún hefur starfað
hjá bankanum í eitt og hálft ár.
Sigríður var ráðin í starfið áður en
hún lauk meistaranámi frá London
School of Economics (LSE).
Umhverfið ógnandi í fyrstu
„Ég hringdi sjálf í nokkra aðila sem
sjá um ráðningar fyrir bankana,
en var alltaf sagt að í ljósi þess að
ég væri ekki með neina alþjóðlega
bankareynslu þá ætti ég ekki séns.
En ég gaf mig ekki og lagði áherslu
á að það væri gott að ég væri með
öðruvísi bakgrunn en aðrir,“ segir
Sigríður og bendir á að það sé að
færast í aukana að bankarnir fari
aðeins út fyrir rammann við ráðn-
ingar. Eftir þetta gerðust hlutirnir
mjög hratt. Sigríður fékk viðtal og
var ráðin í starfið tveimur dögum
síðar.
Hjá Deutsche Bank starfa um
hundrað þúsund manns í fimmtíu
löndum svo það voru ansi mikil
viðbrigði fyrir Sigríði að koma þar
inn. „Ég hef mikið verið spurð
hvort þetta sé ekki flókið starf en
þetta eru bara verkefni eins og á
öllum öðrum vinnustöðum. Mesta
sjokkið var að koma inn í svona
risastórt fyrirtæki og reyna að átta
sig á hvernig landið lægi og bank-
inn væri upp byggður. Fyrst þegar
maður kemur inn í þetta umhverfi
þá finnst manni það ógnandi en
svo áttar maður sig á því að þetta
er bara venjulegt fólk að vinna
vinnuna sína.“
Hún segir þó mikla innbyrð-
is samkeppni vera á milli starfs-
manna en hún reynir að taka ekki
þátt í slíku. „Maður á ekki marga
vini í bankanum. Ég hef unnið
á mörgum stöðum á Íslandi og
maður eignast alltaf góða vini í
vinnunni, en það er aðeins ein-
manalegra hér,“ segir hún kímin.
Vinnudagarnir oft langir
Sigríður starfar í alþjóðlegri deild
hjá bankanum og er því í sam-
skiptum við fólk um allan heim.
Hún viðurkennir að það hafi ver-
ið töluverð áskorun að læra inn
á samskipti við fólk af ólíkum
menningarheimum. „Ég hafði bara
starfað á Íslandi þar sem ég var í
samskiptum við fólk með svipað-
an bakgrunn og ég, en á svona al-
þjóðlegum vinnustað þá er maður
í samskiptum við fólk af ólíkum
uppruna, sem aðhyllist ólík trúar-
brögð, og þarf að læra að taka tillit
til ólíkra siða, hvað þykir kurteist
og hvað ekki,“ útskýrir Sigríður.
Vegna þess hve samskiptin eru
alþjóðleg geta vinnudagarnir orðið
ansi langir þegar taka þarf mið af
staðartíma hinu megin á hnettin-
um. Suma daga mætir hún jafnvel
fyrir sjö á morgnana og er ekki
að fara heim fyrr en klukkan tíu á
kvöldin. „Þetta getur verið mikið
álag. Ég er líka móðir og á fjögurra
ára stelpu, og stundum er erfitt að
halda góðu jafnvægi þarna á milli,
en þegar ég réð mig í starfið þá
samdi ég um að ég færi klukkan
fimm á daginn að minnsta kosti
tvisvar í viku. Það er ekki venjan
og flestir vinna fram til sjö, átta
öll kvöld, en þetta var ófrávíkjan-
leg krafa af minni hálfu. Löngu
vinnudagarnir koma auðvitað inn
á milli en ég er með mjög góðan
skilning á því að ég eigi barn og ég
legg mikla áherslu á að eyða góð-
um tíma með dóttur minni. Flestar
konur í þessum geira eiga ekki
börn eða eignast börn mjög seint,
þannig mörgum finnst skrýtið að
ég eigi barn og sé í þessari stöðu.“
Þurfti að læra nýtt tungumál
Sigríður segir það líka hafa verið
ansi mikið sjokk að átta sig á því
hvað bankageirinn er í raun mikill
karlaheimur. „Það er mikil áskor-
un út af fyrir sig að vera ung kona í
þessum bransa og það er sérstak-
lega ríkjandi karlaveröld í áhættu-
stýringunni.“
Þá var tungumálið í bankanum
henni talsvert framandi. „Fyrst er
ákveðið tungumál innan banka-
geirans hérna úti og svo er ákveðið
tungumál innan Deutsche Bank.
Fyrstu dagana í vinnunni var verið
að nota allskonar skammstafanir
sem ég hafði aldrei heyrt áður og
vissi ekkert um hvað var verið að
tala en ég náði sem betur fer fljótt
tökum á þessu. Þetta er ótrúlega
spennandi og krefjandi starf og
hefur opnað alveg nýja veröld fyrir
mig. Það er mjög áhugavert að fá
innsýn inn þennan alþjóðlega fjár-
málaheim.“
„Maður á ekki marga
vini í bankanum“
Sigríður Mogensen er aðstoðarframkvæmdastjóri í áhættustýringu
hjá Deutsche Bank í London. Hún segir það hafa verið mikið sjokk í
fyrstu að koma inn í svona stórt fyrirtæki þar sem hún þurfti að læra
nýtt tungumál. Innbyrðis samkeppni á milli starfsmanna er mikil en
Sigríður reynir að taka ekki þátt í því.
Spennandi starf Sigríður segir starfið mjög krefjandi og spennandi og það það opnar alveg
nýja veröld fyrir hana.
Neistar á milli Harry
prins og Meghan Markle
Hafa eytt síðustu viku á heimili hennar í Kanada.
Harry Bretaprins hefur eytt
síðustu viku í Kanada með nýrri
kærustu sinni, leikkonunni Megh-
an Markle.
Prinsinn, sem er 32 ára, og
Markle, sem fræg er fyrir hlutverk
sitt í sjónvarpsþáttunum Suits,
hafa verið óaðskiljanleg á meðan á
dvöl þeirra í Kanada hefur staðið.
Þau hafa dvalið á heimili hennar
og meðal annars sýnt hvort öðru
sínar bestu hliðar í eldhúsinu og
leikið við hunda hennar. Þá skelltu
þau sér í hrekkjavökupartí.
„Harry er á góðum og rólegum
stað í lífinu og Meghan kom inn
í líf hans á réttum tíma. Hann er
hamingjusamari en hann hefur
verið í mörg ár,“ sagði heimildar-
maður nákominn hirðinni.
Harry og Meghan kynntust í
maí og hann ku hafa þegar kynnt
hana fyrir bróður sínum, Vilhjálmi
prins, og Katrínu, hertogaynju af
Kamrabrú. Þeim mun hafa litist
vel á hina 35 ára leikkonu.
„Þau taka sambandið viku í senn
og reyna bara að njóta þess að vera
saman. En það er augljóst að þau
elska að vera saman og það neistar
þeirra á milli.“
Ástfangin
Harry Breta-
prins og Meg-
han Markle
eru ástfangin
og hafa eytt
síðustu dögum
saman í Kanada.
Mynd | Getty
…fólk 2 | amk… FÖSTUDAGUR 4. NÓVEMBER 2016