Dagblaðið Vísir - DV - 11.03.2016, Blaðsíða 6

6 Fréttir Helgarblað 11.–14. mars 2016
SJÓNMÆLINGAR
LINSUR • GLERAUGU
Skólavörðustígur 2 • 101 Reykjavík
Sími: 511 2500 • www.gleraugad.is
Lásu um milljónagreiðslu
til 66°Norður í fjölmiðlum
n Félag forstjóra Sjóklæðagerðarinnar dæmt til að greiða 86 milljónir króna
E
inkahlutafélag sem Helgi
Rúnar Óskarsson, forstjóri
66°Norður, er í forsvari fyrir
var í síðustu viku dæmt til
að greiða sjóðastýringar­
fyrirtækinu Stefni, dótturfélagi
Arion banka, 86 milljónir króna
ásamt dráttarvöxtum. Héraðsdóm­
ur Reykjavíkur staðfesti þá að SÍA
I, framtakssjóður í stýringu Stefnis,
ætti rétt á viðbótargreiðslu vegna
327 milljóna króna leiðréttingar á
gengistryggðum lánum fatafram­
leiðandans. Starfsmenn Stefnis
fréttu af leiðréttingunni í fjölmiðlum
rúmu ári eftir að félag Helga keypti
SÍA I út úr eigendahópi 66°Norður.
Greiddi 582 milljónir
Ágreining Stefnis og einkahluta­
félagsins Hróss má rekja til kaupa
samlagshlutafélagsins SF II á 51%
hlut í 66°Norður (Sjóklæðagerðinni
hf.) í júní 2011. Á þeim tíma átti
SÍA I alls 74% hlut í SF II en Hrós
hin 26%. Félögin tvö keyptu 51% í
fataframleiðandanum af félaginu
Egus Inc. sem var skráð á Tortóla á
Bresku Jómfrúaeyjunum og í eigu
Sigurjóns Sighvatssonar, fjárfestis
og kvikmyndaframleiðanda. Helgi
Rúnar hafði þá starfað sem for­
stjóri 66°Norður í fjóra mánuði. Á
meðal sjóðfélaga SÍA I voru margir
af stærstu lífeyrissjóðum landsins.
Samkvæmt dómi héraðsdóms
urðu erfiðleikar í samstarfi eigenda
SF II til þess að Hrós keypti SÍA I
út úr félaginu í mars 2012. Kaup­
verðið nam 582 milljónum króna en
66°Norður var á þeim tíma metið á
1,5 milljarða króna. Í kaupsamn­
ingnum var ákvæði um að verðið
gæti hækkað kæmi til leiðréttinga á
lánssamningum fataframleiðand­
ans. Færi svo ætti sjóður Stefnis rétt
á viðbótargreiðslu sem næmi 37%
af ávinningi 66°Norður, eftir að tek­
ið væri tillit til kröfu sem Egus átti á
SF II vegna samningsins í júní 2011.
Í október 2014 greindi Viðskipta­
blaðið frá því að 66° Norður hefði
fengið 327 milljónir króna vegna
leiðréttingar á ólögmætu gengis­
tryggðu láni. Í dómi héraðsdóms
segir að starfsmenn Stefnis hafi í
kjölfar fréttaumfjöllunar aflað sér
ársreiknings 66°Norður fyrir árið
2013 og þá uppgötvað að eigandi
Hróss hefði ekki upplýst sjóða­
stýringarfyrirtækið um greiðsluna
„þrátt fyrir að hafa mátt vera kunn­
ugt um hana í tæpt heilt ár“.
Vildi afslátt
Krafa SÍA I fyrir héraðsdómi hljóð­
aði upp á 113 milljónir króna auk
dráttarvaxta. Þar var einnig tekin
fyrir stefna Hróss, sem héraðsdómur
sýknaði SÍA I af, um að félagið ætti
rétt á afslætti upp á 136 milljónir
af kaupverðinu í mars 2012. Hin
keyptu hlutabréf hafi verið seld með
„leyndum göllum“ eins og endurá­
kvörðun tekjuskatts að fjárhæð 211
milljóna króna sem 66°Norður þurfti
síðar að greiða vegna meints ólög­
mæts samruna frá árinu 2005. Fé­
lagið hafi þar að auki þurft að greiða
183 milljónir vegna dómsmáls sem
Halldór Gunnar Eyjólfsson, fyrrver­
andi forstjóri fataframleiðandans,
höfðaði gegn fyrirtækinu og vann í
Hæstarétti í september 2014.
Stjórnendur Stefnis höfn­
uðu gagnkröfunni og sögðu að
forsvarsmönnum Hróss hefði átt að
vera fullkunnugt um að málin tvö
gætu komið upp. Helga Rúnari hafi
átt að vera vel kunnugt um skatta­
mál 66°Norður þar sem hann hafi
verið forstjóri fyrirtækisins í rúmt
ár þegar kaupin í mars 2012 gengu
í gegn.
Óvíst með áfrýjun
Helgi Rúnar sagðist í samtali við DV
ekki hafa fengið tækifæri til að ræða
niðurstöðu Héraðsdóms Reykjavíkur
við lögmann sinn þar sem forstjór­
inn væri staddur erlendis. Af þeim
sökum hefði ákvörðun um hvort
málinu verði áfrýjað ekki verið tekin.
Samkvæmt nýjasta ársreikningi
Hróss, sem er fyrir árið 2012, var
Helgi Rúnar í lok þess árs eini hlut­
hafi félagsins. 66°Norður er sam­
kvæmt fyrirtækjaskrá Ríkisskatt­
stjóra í dag alfarið í eigu BH Holding
ehf. sem er aftur í eigu Hróss. n
Forstjóri 66°Norður Helgi
Rúnar Óskarsson og eiginkona
hans, Bjarney Harðardóttir, eru
einu stjórnarmenn Hróss ehf.
sem var í síðustu viku dæmt til
að greiða sjóðastýringarfyrir-
tækinu Stefni 86 milljónir króna.
Haraldur Guðmundsson
haraldur@dv.is
Neitaði að
gefa sýni
Um kvöldmatarleytið á miðviku­
dag stöðvaði lögreglan ökumann
á Reykjanesbraut, við Ikea. Sá
mældist á 139 km/klst en leyfileg­
ur hámarkshraði þar er 80 km/
klst. Ökumaðurinn var í kjölfarið
færður á lögreglustöð, þar sem
varðstjóri svipti hann ökuréttind­
um. Aðfaranótt fimmtudags var
annar ökumaður stöðvaður á
Sæbraut, við Holtagarða, vegna
gruns um ölvun við akstur. Hann
var svo færður á lögreglustöð, þar
sem hjúkrunarfræðingur kom til
að taka blóðsýni fyrir rannsókn
málsins. Maðurinn neitaði hins
vegar að gefa öndunarsýni og
þvagsýni og var því sviptur öku­
réttindum til bráðabirgða.
Setti fíkniefna-
auglýsingu í
rangan hóp
Fíkniefnasali sem reyndi að koma
fíkniefnum í verð á Facebook
virðist hafa hlaupið á sig og skráð
auglýsinguna í rangan hóp. Við­
komandi kallar sig Hr Keflavík
og virðist hafa að freistað þess að
koma fíkniefnum í verð í hópnum
Keflavík og Keflvíkingar.
„Veraldarvefurinn getur verið
varasamur. Því fékk þessi fíkni­
efnasölumaður að kynnast í gær.
En það er þekkt að aðilar sem
stunda það að selja fíkniefni nota
samfélagsmiðla oft til þess og þá
oftast undir dulnefnum. Eins og sjá
má á þessari mynd þá setti þessi
sölumaður auglýsingu á Facebook
í gær. En hann var það óheppinn
að setja þetta inn á ranga síðu, eins
og sjá má og setti hann símanúm­
erið sitt við færsluna. Það er ekki
gott fyrir hann en mjög gott fyrir
okkur,“ segir lögreglan á Suður­
nesjum á Facebook­síðu sinni.
Lögreglan vill einnig nota
tækifærið og benda foreldrum á
að fylgjast vel með þessum sam­
félagsmiðlum og gefa því gaum
hvort börnin séu að vingast við
einstaklinga sem þau ekki þekkja
og eru klárlega með falskan að­
gang. „En nóg af þessu nú förum
við í það að finna þennan sölu­
mann,“ segir lögreglan.