Dagblaðið Vísir - DV - 11.03.2016, Page 18

Helgarblað 11.–14. mars 201618 Umræða Stjórnmál
Freyr Rögnvaldsson freyr@eyjan.is
Hvað vilja Píratar?
n Farnir að finna smjörþefinn af valdastólunum n Sagðir hafa þá stefnu eina að „netið leysi allt“
P
íratar fara enn með himin-
skautum í skoðanakönnun-
um og mælast langstærsti
stjórnmálaflokkur landsins. Í
könnun Gallup frá því í byrj-
un mánaðarins mældist stuðning-
ur við flokkinn tæp 36 prósent, mesti
stuðningur sem Píratar hafa mælst
með. Fylgissveifla flokksins hefur nú
staðið óslitið í heilt ár. Telja því margir
líkur á að Píratar vinni mikinn kosn-
ingasigur í næstu alþingiskosningum.
Þeir verði þá komnir í kjörstöðu til að
mynda ríkisstjórn og vinna stefnu-
málum sínum brautargengi.
Farnir að finna smjörþefinn
af valdastólunum
Og þetta virðist vera að renna upp fyr-
ir Pírötum. Þeir virðast farnir að finna
smjörþefinn af valdastólunum og það
hefur áhrif. Þannig hafa staðið deilur
innan flokksins um þau áherslumál
sem fara eigi fram með fyrir næstu
kosningar. Lengi hefur verið í um-
ræðunni að Píratar vilji að næsta
þing sitji stutt, ekki í heilt kjörtímabil,
og það taki fyrst og fremst afstöðu til
tveggja mála. Það eru breytingar á
stjórnarskrá og aðildarumsóknin að
Evrópusambandinu. Hins vegar virð-
ast þingmenn flokksins ekki á eitt
sáttir varðandi það. Í það minnsta
hjuggu þau Helgi Hrafn Gunnarsson,
kapteinn Pírata, og Birgitta Jónsdóttir
hvort í annað í fjölmiðlum á dögun-
um hvað þetta varðar en Helgi Hrafn
hélt því fram að það væri bara Birgitta
sem væri þessarar skoðunar. Tillaga
þessa efnis hefði verið felld á aðal-
fundi.
Þá var á dögunum samþykkt í
kosningakerfi Pírata ályktun um að
það væri algjör og ófrávíkjanleg krafa
af hálfu flokksins að ráðherrar í ríkis-
stjórn muni ekki jafnframt sitja sem
þingmenn. Píratar muni ekki eiga
aðild að slíkri ríkisstjórn. Það má því
velta fyrir sér hvort góður gangur í
skoðanakönnunum sé farinn að hafa
þau áhrif að Píratar telji sig geta sett
hugsanlegum samstarfsflokkum af-
arkosti, undirgangist þeir ekki stefnu-
mál Pírata verði ekki um neitt sam-
starf að ræða.
Hafa stefnu í helstu
málaflokkum
Hver eru þá stefnumál Pírata? And-
stæðingar þeirra hafa haldið á loft
þeirri skoðun að Píratar vilji að allt
gerist á internetinu, þeir hafi í raun
ekki neina stefnu aðra en upplýsinga-
frelsi og að „netið leysi allt“. Ýmsir hafa
tekið undir þetta og sagt Pírata skorta
stefnu í ýmsum helstu málaflokkum
sem allir stjórnmálaflokkar þurfi að
standa skil á. En sú er ekki raunin.
Athugun Eyjunnar á stefnumálum
Pírata sýnir að flokkurinn hefur mark-
að stefnu í fjölmörgum málaflokkum
auk þess sem stefnumörkunarvinna
í fleiri málaflokkum er gangi. Þannig
hefur flokkurinn stefnu í landbún-
aði og sjávarútvegi, velferðar- og heil-
brigðismálum, svo eitthvað sé nefnt.
Sú úttekt sem hér birtist er ekki tæm-
andi heldur er stiklað á stóru í stefnu-
málum flokksins auk þess sem nokk-
ur minni mál eru dregin fram. n
Helstu stefnumál Pírata
Sjávarútvegur
Í sjávarútvegsstefnu Pírata er lögð
áhersla á að festa skuli í stjórnarskrá
ákvæði um sameign þjóðarinnar á
fiskveiðiauðlindinni. Píratar vilja því að
allar aflaheimildir séu í höndum ríkisins,
sem bjóða kvótann upp á opnum markaði.
Þó vilja Píratar að handfæraveiðar séu
frjálsar. Allur afli skal fara á markað.
Píratar vilja
stórefla Land­
helgisgæsluna
að mannafla
og búnaði.
Óviðunandi sé að
tæki gæslunnar séu í
útleiguverkefnum í Miðjarðarhafi.
Landbúnaðarmál
Píratar vilja auðvelda nýliðun í landbúnað,
t.d. með hagstæðum lánum til jarðarkaupa
og uppbyggingar, sem og með því að veita
hagstæða langtímaleigu eða kaupleig­
usamninga á ríkisjörðum. Endurskoða á
styrkjakerfi landbúnaðarins frá grunni.
Draga á úr framleiðslustyrkjum, einkum
til stórra iðnaðarbúa. Garðyrkjubændur
skuli fá raforku á sama verði og aðrir stór­
notendur. Þá vilja Píratar herða reglur um
aðstæður alifugla, svína og loðdýra.
Innflutningur
matvæla
Píratar telja að
verndartollar
og bann við
innflutningi á
ýmsum mat­
vælum, þar með
talið bann við inn­
flutningi á hráu kjöti,
sé ekki til hagsbóta fyrir
neytendur, framleiðendur eða bændur.