Dagblaðið Vísir - DV - 11.03.2016, Blaðsíða 37

Menning 33Helgarblað 11.–14. mars 2016
Olsen Olsen
RestauRant
Hafnargötu 62 - Sími 421 4457
Olsen Olsen
RestauRant
Hafnargötu 62 - Sími 421 4457
Sticky FingerS
Ertu á lEiðinni í flug? Þú vErður að smakka
sticky fingErs hamborgarann okkar!
Í
flokki myndlistar var það Aðal­
heiður S. Eysteinsdóttir sem
hlaut Menningarverðlaun DV
2015. Í rökstuðningi dómnefndar
segir:
„Aðalheiður hefur haldið fjölda
sýninga um allt land og einnig sýnt
erlendis. Tréskúlptúrar hennar eru
einstakir og auðþekkjanlegir, og
skúlptúrinnsetningar hennar verða
sífellt umfangsmeiri en dómnefnd
vill sérstaklega draga fram atorku­
semi hennar við að efla og halda
saman fjölbreyttu listalífi á Norður­
landi. Aðalheiður hefur haldið utan
um starfsemi í Freyjulundi í Eyjafirði,
á Hjalteyri þar sem haldnar hafa ver­
ið sýningar, tónleikar og alls kon­
ar listviðburðir. Hún hefur líka tekið
yfir gamla Alþýðuhúsið í heimabæ
sínum á Siglufirði sem orðið er vett­
vangur fyrir fjölbreytta starfsemi,
meðal annars Reiti þar sem fólk
kemur alls staðar að úr heiminum
til samstarfs og sýninga. Aðalheiður
hefur með óeigingjarnri vinnu og
smitandi áhuga virkjað eldri sem
yngri með sér og myndlistar lífið
fyrir norðan hefur notið hennar og
blómstrað síðustu árin.“
Endurvinnsla og daglegt líf
Aðalheiður, sem er fædd á Siglufirði,
stundaði nám við Myndlistaskólann
á Akureyri og einbeitti sér til að byrja
með að málverkinu. Hún segir hins
vegar að nýting og endurvinnsla hafi
alltaf verið mikilvægur þáttur í lífi
hennar og því legið beint við að nýta
það í listsköpunina.
„Ég var strax tíður gestur á gáma­
svæðum og þar sem verið var að rífa
niður gömul hús. Ég var alveg eins
og grár köttur að leita mér að hrá­
efni: innréttingum, gömlum hurð­
um, skápum og skúffum. Ég byrjaði
að mála á alls konar dót. Síðan smám
saman þróaðist þetta yfir í frístand­
andi skúlptúra – beinlínis af því að
hráefnið var svo aðgengilegt.“
Í hátt í þrjátíu ár hefur hún verið
að þróa tréskúlptúra sína af mann­
eskjum og dýrum. „Verkin hafa
verið að þróast og breytast allan
tímann. Þau hafa smám saman ver­
ið að breytast úr því að vera einstaka
manneskjur eða dýr og í það að vera
mjög stórar innsetningar. Í einni inn­
setningunni gerði ég Þorrablót og þá
smíðaði ég heilt hús með bar, reyk­
ingaskoti, klósettum inn í sýningar­
rýmið. Þar var hljómsveitin Hjálm­
ar að leika fyrir dansi, fólk að dansa,
fólk að borða, þorramatur og allt þar
inni,“ segir Aðalheiður.
„Efnið hefur mjög mikið stjórnað
því sem ég geri en samt hef ég eigin­
lega alltaf verið að fjalla um hið dag­
lega líf og mannleg tengsl,“ segir hún.
Aðalheiður er þó ekki aðeins verð­
launuð fyrir list sína heldur einnig
fyrir óeigingjarna vinnu sína við efla
og halda saman fjölbreyttu listalífi á
Norðurlandi. Aðalheiður hefur kom­
ið víða við, starfrækti galleríið Komp­
una á Akureyri í átta ár, tók virkan
þátt í uppbyggingu „Listagilsins“ á
Akureyri og er einn af stofnendum
Verksmiðjunnar á Hjalteyri – sem
hlaut Eyrarrósina í ár, viðurkenningu
fyrir framúrskarandi menningarver­
kefni á starfssvæði Byggðastofnunar.
Í desember 2011 keypti Aðal­
heiður svo Alþýðuhúsið á Siglufirði.
Þar býr hún, er með vinnustofu og
stendur fyrir ýmsum menningar­
viðburðum, myndlistarsýningum,
tónleikum og gjörningakvöldum. Þá
hefur hún skapað vettvang fyrir aðra
aðila til skipuleggja sín verkefni, há­
tíðir og smiðjur.
Líður eins og fegurðar-
drottningu
„Ég er ægilega hamingjusöm og
upplifi mig eins og fegurðardrottn­
ingu,“ segir Aðalheiður og hlær þegar
blaðamaður spyr hana um hvernig
henni líði með verðlaunin.
„Þetta hefur mjög mikla merk­
ingu fyrir mig, í fyrsta lagi bara að
vera yfirhöfuð talin með í þessari
hringiðu. Auðvitað vill stundum
gleymast það sem er verið að gera úti
á landi,“ segir hún.
„Það er auðvitað alltaf gott að
fá viðurkenningu fyrir vinnu sína,
sama hvað maður er að gera. Þá
getur maður verið sáttari og vissari
um að líklega sé maður að gera eitt­
hvað rétt. Þá heldur maður áfram að
skapa og miðla menningu. En þetta
er líka gott tækifæri til að þakka fyrir
mig. Ég er með stóran hóp fólks sem
er alltaf reiðubúið að hjálpa og koma
að mínum verkum. Svo eru það all­
ir listamennirnir sem hafa lagt
fram vinnu sína – alltaf launalaust
auðvitað. Ég reyni að gera vel við þá
í mat og drykk og vera góður gest­
gjafi en hef ekki bolmagn til að borga
fólki fyrir. Þess vegna er ómetanlegt
að hafa aðgang að fólki sem er tilbúið
að leggja sitt af mörkum.“
Óeigingjörn vinna og smitandi áhugi
Aðalheiður S. Eysteinsdóttir myndlistarkona
Myndlist
O
rlofshús BHM í Brekkuskógi,
hönnuð af PK Arkitektum,
hlutu Menningarverðlaun
DV 2015 í flokki arkitektúrs.
Í rökstuðningi dómnefndar
segir: „Árið 2012 stóð Bandalag há­
skólamanna fyrir samkeppni um
orlofs hús í Brekkuskógi þar sem
PK Arkitektar urðu hlutskarpastir.
Orlofs húsin, eru staðsett í grónu
kjarrlendi með magnað útsýni til
fjalla og yfir Laugarvatn. Þegar horft
er á húsin úr fjarlægð má greina dökk
form sem setja sterkan svip á lands­
lagið en taka þó ekki yfirhöndina
þar sem þak húsanna er grasi vaxið.
Þegar komið er nær má sjá ríka efnis­
kennd sem birtist einkum í dökkri
timburklæðningunni sem tónar vel
við gróið umhverfið. Hvort sem horft
er á rýmisupplifun og formgerð,
efnis kennd og frágang eða notagildi
endurspegla húsin framúrskarandi
arkitektúr í alla staði. Verkið i heild
sinni er sannarlega innblástur og
hvatning til að vanda vel til verka í
fallegu íslensku landslagi.“
Framúrskarandi arkitektúr í alla staði
Orlofshús BHM í Brekkuskógi eftir PK Arkitekta
Arkitektúr