Dagblaðið Vísir - DV - 15.04.2016, Blaðsíða 17

Helgarblað 15.–18. apríl 2016 Fréttir Erlent 17
Rau›arárstígur 14 · sími 551 0400 · www.myndlist.is Opið virka daga 10–18, laugard. 11–16, sunnud. 14–16
mánudaginn 18. apríl, kl. 18
Listmunauppboð
í Gallerí Fold
Á uppboðinu verður gott úrval verka
samtímalistamanna svo og fjöldi frábærra
verka gömlu meistaranna.
Hægt er að skoða
uppboðsskrána á myndlist.is
Forsýning á verkunum
föstudag til mánudags
föstudag kl. 10–18, laugardag kl. 11–17,
sunnudag kl. 12–17, mánudag kl. 10–17
Dieter Roth
Erró
Louisa Matthíasdóttir
Tolli
Jónas Viðar
Eiríkur Smith
Bragi Ásgeirsson
Blaðamenn ákærðir fyrir mannrán
n Reyndu að „sækja“ tvö börn á götu úti í Líbanon n Móðirin segir þeim hafa verið rænt frá Ástralíu
T
ökulið 60 mínútna í Ástralíu,
áströlsk móðir, tveir Bretar
og þrír líbanskir menn verða
ákærðir fyrir mannrán í
Líbanon eftir að tilraun til
að sækja hálfáströlsk börn, eftir for-
ræðisdeilu, mistókst í síðustu viku.
Fólkið tók þátt í að reyna að sækja,
eða ræna eftir því hvernig á það er
litið, tveimur börnum frá líbönskum
föður sínum. Fólkið mætti fyrir
dómara á miðvikudag og fimmtudag.
Átti að vera í þættinum
Í ástralska kvikmyndatökuteyminu
voru fjórir aðilar, þar á meðal ein
þekktasta fréttakona Ástralíu Tara
Brown.
Í hópnum voru að auki framleið-
andinn Stephen Rice, kvikmynda-
tökumaðurinn Ben Williamson og
hljóðmaðurinn David Ballment,
sem ætluðu að fylgja móðurinni að
sækja börnin til Líbanon. Það átti
svo að vera innslag í fréttaskýringa-
þættinum þar sem fram átti að koma
allt tengt aðgerðinni.
Móðir barnanna, Sally Faulkner,
hafði leitað til fyrirtækis og aðila
sem sérhæfa sig í að „endurheimta“
börn eftir forræðisdeilur eða mann-
rán. Til er myndefni sem sýnir fólkið
ræna börnunum á götu úti í Beirút.
Börnin heita Lahela, sex ára, og
Noah, fjögurra ára.
Segir þeim hafa verið rænt
Faulkner heldur því fram að faðir
barnanna hafi farið með börnin, gegn
vilja þeirra og hennar, frá Ástralíu til
Líbanon fyrir nokkru.
Faulkner hafði farið mikinn í
áströlskum fjölmiðlum til að reyna að
safna stuðningi til að fá börnin heim
aftur. Hún hefur meðal annars reynt
að fá stuðning utanríkismálaráð-
herra Ástralíu til að blanda sér í mál-
ið. „Þau voru dauðhrædd þegar þau
voru færð um borð í flugvél með fyrr-
verandi eigin manni mínum og ég hef
ekki heyrt frá þeim síðan,“ skrifaði
Faulkner á undirskriftasöfnun máli
sínu til stuðnings en 33 þúsund manns
hafa stutt hana með undirskrift sinni.
Ákærð
Fólkið, alls níu manns, hefur verið
ákært fyrir hylmingu, fyrir að ræna
barni eða halda því frá foreldri sínu
og líkamsárás. Þá er það einnig ákært
fyrir samsæri. Brotin geta varðað allt
að 20 ára fangelsi og þrælkunarvinnu.
Hópurinn var handtekinn í síð-
ustu viku, eftir að hann gekk að börn-
unum á götu í Beirút og sótti þau.
Myndefni sem sýnt hefur verið í fjöl-
miðlum í Líbanon mun sýna hópinn
ganga upp að börnunum þar sem þau
voru með föðurömmu sinni. Tveir
grímuklæddir menn gripu börnin og
fóru með þau inn í bíl.
Föðuramma barnanna segist
hafa sætt ofbeldi af hendi mannanna
sem tóku börnin. Hún segist hafa
verið slegin með byssu og henni
ógnað. „Við snertum hana ekki,“ segir
Faulkner.
Mennirnir tveir og tökuliðið var
handtekið fljótlega en Faulkner síðar.
Þegar ljóst var að aðgerðin hafði farið
út um þúfur hafði hún samband við
aðra aðila sem sérhæfa sig í að sækja
börn eftir forræðisdeilur og bað um
aðstoð við að komast frá Líbanon. Þá
sagði hún að aðstandendur 60 mín-
útna myndu greiða þeim fyrir aðstoð-
ina og bað þá að finna bát svo hún
kæmist úr landi. Samningaviðræður
hennar við það fyrirtæki fólu meðal
annars í sér að hún myndi hóta 60
mínútum því að hún myndi hætta
við þáttinn ef starfsfólk þáttarins
borgaði ekki fyrir aðstoðina. Greint
hefur verið frá því að hún sé sú eina
í hópnum sem geti gert samkomulag,
þar sem erfiðar aðstæður hennar og
sorg vegna barnanna þyki vera henni
til refsiminnkunar.
Vilja ekki segja frá greiðslu
Sögusagnir hafa verið á kreiki þess
eðlis að Tara Brown hafi haft milli-
göngu um greiðslu til fyrirtækisins
sem ætlaði að sækja börnin. Tals-
maður 60 mínútna segist ekki geta
rætt það, það sé andstætt því hvernig
60 mínútur vinni. „Þetta voru blaða-
menn að sinna frétt – það er það eina.“
Ástralska utanríkisþjónustan mun
hafa reynt að veita blaðamönnunum
aðstoð vegna handtökunnar. n
Ásta Sigrún Magnúsdóttir
astasigrun@dv.is
„Þetta voru
blaðamenn að
sinna frétt.
Móðir barnanna
Sally Faulkner segir
að fyrrverandi eigin­
maður hennar hafi
rænt börnunum og
flutt þau til Líbanon
gegn vilja hennar.
Þaulreynd Tara Brown
er reynd fréttakona og
vinsæll blaðamaður.