Dagblaðið Vísir - DV - 15.04.2016, Blaðsíða 36

Helgarblað 15.–18. apríl 201636 Sport
Laugavegur 24
Sími 555 7333
puplichouse@publichouse.is
publichouse.is
HEFUR ÞÚ PRÓFAÐ
PUBLIC HOUSE
GASTROPUB?
Getur þetta ódýra
lið orðið meistari?
n Níu af ellefu byrjunarliðsmönnum kostuðu minna en tvær milljónir punda n Ranieri var afskrifaður
E
ngan óraði fyrir því í upphafi
leiktíðar að um miðjan
apríl myndi Leicester City
vera í efsta sæti ensku
úrvalsdeildarinnar. Liðið spilar
skemmtilegan 4-4-2 fótbolta undir
stjórn Ítalans Claudio Ranieri, stjóra
sem knattspyrnuheimurinn var nánast
búinn að afskrifa.
Það er athyglisverð staðreynd að
byrjunarlið Leicester kostaði aðeins
23,4 milljónir punda í innkaupum en
sjö af byrjunarliðsleikmönnunum 11
í liði Manchester City,
kostuðu meira. n
Kasper Schmeichel
n 29 ára markvörður
n Kaupverð: 1,25 millj. punda
Hefur alltaf staðið í skugganum á föður
sínum Peter sem er líklega besti markvörður
sögunnar. Keyptur frá Leeds 2011. Einn besti
spyrnumaðurinn í boltanum og stjórnar
vörn sinni eins og herforingi. Er lágvaxinn
af markverði að vera (185 cm) og helst til of
þungur að margra mati.
Danny Simspon
n 29 ára hægri bakvörður
n Kaupverð: 2 millj. punda
Var fenginn frá QPR þar sem hann komst
ekki í liðið og var sífellt til vandræða utan
vallar. Sparkaði Richie DeLaet úr liðinu og
hefur blómstrað í vetur.
Wes Morgan
n 32 ára miðvörður
n Kaupverð: 1 millj. punda
Fyrirliði og algjör leiðtogi liðsins. Fæddur í
Nottingham og spilaði með Forest í tíu ár –
tæplega 400 leiki. Var keyptur 2012 og hefur
verið mjög áreiðanlegur í vörninni. Missir
nánast aldrei úr leik vegna meiðsla.
Robert Huth
n 31 árs miðvörður
n Kaupverð: 3 millj. punda
„Berlínarmúrinn“ hefur heldur betur slegið
í gegn í hjarta varnar Leicester. Huth, sem
fæddist í Austur-Þýskalandi sem var, er
leikmaður sem flestir höfðu afskrifað.
Stoke-menn hálfpartinn hentu honum frá
sér og upp í hendurnar á Leicester.
Cristian Fuchs
n 30 ára vinstri bakvörður
n Kaupverð: Frítt
Grínarinn í liðinu. Austurríkismaðurinn
heldur uppi fjörinu í klefanum. Gekk til liðs
við Leicester frá Schalke eftir að hafa varið
átta árum í þýsku úrvalsdeildinni. Með
góðan vinstri fót.
Rihad Mahrez
n 25 ára vængmaður
n Kaupverð: 1,88 millj. punda
Töframaðurinn í liði Leicester. Var óvinsæll
á meðal stuðningsmanna Le Havre í frönsku
B-deildinni. Refirnir gátu þess vegna keypt
Alsíringinn. Þetta er þriðja leiktíð kappans
hjá Leicester og nú hefur hann svo sannar-
lega sprungið út. Líklega besti leikmaður
tímabilsins í deildinni.
N‘Golo Kante
n 25 ára miðjumaður
n Kaupverð: 5,6 millj. punda
Bestu kaup leiktíðarinnar, án efa. Kante
hefur verið einn besti leikmaður liðsins í
vetur. Leikmaður með ótrúlega hlaupagetu
og hefur verið liðinu ómetanlegur í hlutverki
djúps miðjumanns. Gat valið á milli þess að
leika með landsliði Malí eða Frakklands. Hann
valdi að spila með Frökkum og verður líklega í
leikmannahópi þeirra á heimavelli á EM.
Danny Drinkwater
n 26 ára miðjumaður
n Kaupverð: 675 þús. punda
Englendingur sem valinn var í landsliðið í
síðasta mánuði og hefur átt góða leiktíð
með liðinu. Gefur góðar, langar sendingar og
vinnur mikla vinnu fyrir liðið.
Marc Albrighton
n 26 ára vængmaður
n Kaupverð: Frítt
Kantmaðurinn sem þótti ekki nógu góður
fyrir Aston Villa hefur verið góður á hægri
væng liðsins. Hefur aðeins skorað eitt mark
á leiktíðinni og Refirnir þurfa framlag frá
honum á lokasprettinum.
Shinji Okazaki
n 30 ára framherji
n Kaupverð: 7 millj. punda
Japaninn er sívinnandi í framlínu Leicester
og berst um hvern einasta bolta. Hefur
skorað fimm mörk, sem er ekki mikið af
framherja, en hlutverk hans í liðinu er svo
miklu meira en að skora mörk. Í eðlilegum
leik spilar hann bara 60 mínútur, eða þar til
Ulloa kemur inn á.
Jamie Vardy
n 29 ára framherji
n Kaupverð: 1 millj. punda
„Talaðu illa um mig og þú færð það í bakið
[e. Chat shit – Get banged] eru einkunnar-
orð Jamie Vardy. Ótrúleg leiktíð hjá enska
landsliðsmanninum sem setti met í ensku
úrvalsdeildinni þegar hann skoraði í ellefu
leikjum í röð. Lék í utandeildinni þar til hann
var orðinn 25 ára gamall.
Hjörvars Hafliðasonar
Hápressa
Ótrúlegur samanburður
Kaupverð byrjunarliðs Manchester City
n Raheem Sterling 49
n Sergio Aguero 38
n Kevin De Bruyne 55
n Jesus Navas 16,3
n Fernandinho 33
n Yaya Toure 25
n Kolarov 19,5
n Otamendi 28,5
n Mangala 43
n Sagna Frítt
n Joe Hart 1,5
Samtals: 308,8
Claudio
Ranieri
*verð í milljónum punda