Dagblaðið Vísir - DV - 15.04.2016, Blaðsíða 31

Helgarblað 15.–18. apríl 2016 Menning 31
www.weber.is
Q 1200 Í öllum regnbogans litum
þessum stóru nöfnum. Fólk fór að
„downloada“ Britney Spears og öllu
þessu. Þessar búðir höfðu ekki viljað
taka inn dótið sem ég var með. Þeir
sem vildu kaupa eitthvað „solid“
dót höfðu farið þangað og leitað en
kannski fundið bara einn safndisk
með Led Zeppelin eða eina tón-
leikaplötu með Grateful Dead, ekk-
ert með King Crimson eða eitthvað
svoleiðis. Þær voru búnar að missa
þennan markað,“ segir Valdi.
„Maður hefði reyndar líka haldið
að með aukinni framþróun og
tækni myndu gæðin aukast. En það
hefur bara farið niður á við: fólk er
að „downloada“ mp3 og vafasöm-
um upptökum úr bíóum.“
Notar þú sjálfur netið til að ná í
tónlist og efni?
„Neee ... voða lítið. Ég nota
Spotify til að kynna mér efni, en ég
gæti ekki notað það eingöngu. Það
virkar ekki fyrir mig. Ég vil skoða
bæklinginn og allt það.“
Geisladiskar
ekki verri en vínyllinn
Maður með verkfærabelti spyr
hvort að Valdi kaupi ekki örugg-
lega notaðar vínylplötur – spilar-
inn hafi bilað í síðustu flutningum
og nú lægju plöturnar hans óspil-
aðar í geymslunni. Valdi jánkar
því, blaðar í gegnum bunkann og
býðst til að kaupa nokkrar klass-
ískar rokkplötur en býður smápen-
ing í íslensku plöturnar. „Fólk er oft
að hringja og segja að það eigi voða
fínt safn af íslenskum plötum, allt
þetta góða: Stuðmenn, Ríó Tríó og
Bubba, en þetta er bara til í tonna-
tali og selst ekkert mikið.“ Iðnað-
armanninum finnst tilboðið ekki
nógu gott svo hann kveður vinalega
og gengur út með plöturnar.
„Þegar ég byrjaði vildi nánast
enginn kaupa vínyl. Þá voru menn
að spyrja hvenær ég myndi hreinsa
burt þetta rusl. Nú eru jafnvel þessir
sömu menn að reyna að losa sig við
diskana sína,“ segir Valdi og hlær.
„Alveg til svona 2010 var CD aðal-
málið. Síðan hefur það minnkað en
það er alveg sala ennþá, og salan fer
ekki lengur minnkandi. Það er alla
vega jákvætt,“ segir hann.
„Persónulega finnst mér hljóm-
urinn á geisladiskunum ekkert verri
en á plötu, bara öðruvísi. En þess-
ar umræður geta orðið mjög heit-
ar. Svo eru kasetturnar líka að koma
aftur til baka. Það eru að koma út
nýjar black-metal og pönk-kasettur.
Ég hefði aldrei búist við því,“ segir
Valdi.
Rónar, ráðherrar ...
og slökkviliðsmenn
Hvernig fólk er það sem kemur í
búðina?
„Það er rosa mikið af ungu fólki,
en þetta er mjög breiður hópur, allt
frá göturónum og upp í ráðherra,“
segir hann.
„Og slökkviliðsmenn,“ skýt-
ur eldri maður inn í – hann stend-
ur álengdar og hlustar á okkur – og
þegar færi gefst spyr hann um diska
með Gunnari Gunnarssyni píanó-
leikara.
Valdi vísar honum að djass-hill-
unni. Eftir nokkra brandara og góð-
glettnar athugasemdir um djass og
þungarokk fer slökkviliðsmaðurinn
að segja ævintýrasögur úr bruna-
eftirlitsferðum á tónleikastaði. Til
dæmis þegar hann reyndi að elta
uppi og skamma trommarann í
Brain Police eftir að hann spilaði
lokalag á tónleikum með logandi
trommukjuða. Eftir söguna þakk-
ar slökkviliðsmaðurinn fyrir sig og
gengur út með þrjá geisladiska.
„Megas kemur hérna stundum,
Páll Óskar og svo náttúrlega
allir metalkarlarnir,“ tel-
ur Valdi upp og það er við-
eigandi að örskömmu síð-
ar birtist alþjóðleg stjarna
í metalheiminum, Addi,
söngvari og gítarleikari Sól-
stafa.
„Hefur þú eitthvað heyrt
í honum?“ hrópar Addi yfir
búðina um leið og hann
opnar dyrnar. Þeir þurfa að
fá leyfi frá Reykavíkurborg
fyrir tónleika sem Sólstafir
stefna á að halda í portinu á
bakvið búðina á laugardag.
Einn búðargestur sem
hefur staðið hljóður og flett
í gegnum U2-katalóginn fer
að forvitnast um söngvar-
ann og fljótt leiðist samtal-
ið að þungarokki frá upp-
hafi tíunda áratugarins:
Metallica, Slayer, Megadeath
og Sepultura. Addi og Valdi rifja
upp reykvísku búðirnar sem seldu
þungarokk, útvarpsþætti sem spil-
uðu tónlistina og aðferðirnar sem
menn notuðu til að taka tónlistina
upp á segulbönd og vídeóspólur.
Eftir að Addi hefur kvatt, viður-
kennir Valdi að það séu þó ekki síð-
ur tölvuleikirnir sem hann hafi gam-
an af að grúska í og selja. „Það sem
mér finnst persónulega skemmti-
legast eru gömlu tölvuleikirnir:
NES, Nintendo 64, Sega Megadrive,
PlayStation 1. Ég sel alveg tölvuleiki
í nýjustu leikjatölvurnar en þegar
ég sel leik í gömlu Nintendo þá fæ
ég eitthvað auka út úr því. Það er
ekki endilega það að maður sé að
græða. Maður veit bara að það eru
ekki margir Nintendo-leikir seldir á
Íslandi þann daginn,“ segir Valdi. n
Sólstafir spila á tónleikum í
portinu á bak við Geisladiskabúð
Valda, Laugavegi 64, á alþjóðlega
plötubúðadaginn, laugardag klukk-
an 16.00 – ef veður leyfir.
Geisladiskurinn lifir
n Geisladiskabúð Valda er elsta plötubúðin í miðbænum n Rónar jafnt sem ráðherrar versla við Valda
Sólstafir Á laugardag mun Valdi halda tónleika með
þungarokkstjörnunum í Sólstöfum. mynd Falk-HaGen BeRnSHauSen
„Persónu-
lega finnst
mér hljómurinn á
geisladiskunum
ekkert verri en á
plötu, bara öðruvísi