Dagblaðið Vísir - DV - 15.04.2016, Blaðsíða 11

Fréttir 11Helgarblað 15.–18. apríl 2016
ELSKAN, HVAÐ EIGUM
VIÐ AÐ HAFA MEÐ
BERNAISESÓSUNNI?
Alvöru grillsósur sem gera gott betra.
Kökulist | Firði Hafnarfirði og Valgeirsbakarí | Hólagötu 17 í Reykjanesbæ
Skoðaðu tertuúrvalið á heimasíðunni www.kokulist.is
Bakarameistari & Konditormeistari
Allt frá konfektmola upp í fullbúna veislu
Þ
ingmenn sem biðu svara við
fyrirspurnum sínum á Al-
þingi frá forsætisráðherra,
utanríkisráðherra og sjávar-
útvegs- og landbúnaðarráð-
herra neyðast til að leggja þær fram
aftur og beina þeim til þeirra sem
tóku við ráðherrastólunum í ríkis-
stjórnarhrókeringum síðustu viku.
Ástæðan er ákvæði laga um þing-
sköp Alþingis sem kveður á um að ef
ráðherra sem fyrirspurn er beint til
hverfur úr embætti falli fyrirspurnir
til hans, sem ósvarað er, niður.
Sem kunnugt er tók Sigurður
Ingi Jóhannsson, fyrrverandi
sjávar útvegs- og landbúnaðarráð-
herra, við sem forsætisráðherra af
Sigmundi Davíð Gunnlaugssyni
þann 8. apríl síðastliðinn. Við skip-
un fyrsta ráðuneytis Sigurðar Inga
hvarf Gunnar Bragi Sveinsson úr
utanríkisráðuneytinu og tók við
sjávarútvegs- og landbúnaðarráðu-
neytinu. Lilja Dögg Alfreðsdóttir
kom ný inn sem utanþingsráðherra
og tók við utanríkisráðuneytinu.
Ein afleiðing þessara breytinga
er að fjölmargar ósvaraðar fyrir-
spurnir voru felldar niður.
Þónokkrir þingmenn ráku sig
á þetta í vikunni. Meðal annars
Willum Þór Þórsson, þingmaður
Framsóknarflokksins, sem beðið
hafði svara frá utanríkisráðherra
um útgjöld vegna sérfræði-,
ráðgjafar- og kynningarstarfa á
síðasta kjörtímabili sem DV hefur
fjallað um. Willum Þór hafði beðið
svara við þeirri fyrirspurn síðan 3.
febrúar. Þingmaðurinn þurfti því,
líkt og aðrir þingmenn, að gjöra
svo vel og leggja nýja fyrirspurn
fram á þriðjudag og beina henni
til Lilju Alfreðsdóttur, nýskipaðs
utanríkisráðherra, til að fá svörin
sem hann hafði þegar beðið eftir í
rúma tvo mánuði.
Einhverjum gæti fundist þetta
óþarfa formlegheit þar sem oft er
það starfsfólk viðkomandi ráðu-
neyta sem svarar fyrirspurnum,
en lög um þingsköp eru skýr hvað
þetta varðar. Ráðherra er skrifaður
fyrir svarinu og leggur væntanlega
blessun sína yfir það og því skal
þessi háttur hafður á. Samkvæmt
upplýsingum frá Alþingi standa
aðrar fyrirspurnir til þeirra ráð-
herra sem ekki færðu sig um sess.
Upplýsingar um hversu margar
fyrirspurnir féllu niður höfðu ekki
borist þegar blaðið fór í prentun. n
Sigurður Mikael Jónsson
mikael@dv.is
Fyrirspurnir
þarf að leggja
fram á ný
Ráðherrabreytingar kalla á endurtekningar
Spurningar stílaðar á ráðherra Þingmenn sem áttu útistandandi fyrirspurnir og
biðu svara frá ráðherrum ríkisstjórnarinnar fyrir breytingarnar í síðustu viku neyðast til
að leggja þær fram aftur. Þeim verður að beina til þess ráðherra sem situr í viðkomandi
stól hverju sinni. Mynd Sigtryggur Ari
nýjar stöður Þegar nýir ráðherrar eru
skipaðir þarf að endurtaka fyrirspurnir sem
þegar lágu fyrir.
E
iginmaður varaþingmanns-
ins Álfheiðar Ingadóttur, lög-
maðurinn Sigurmar Kristján
Albertsson, segir að ekkert fé-
lag sem hann hafi á undanförnum
árum stofnað fyrir umbjóðendur
sína, hafi verið stofnað á erlendri
grundu. Þetta kemur fram í yfir-
lýsingu sem hann sendi frá sér um
miðjan dag í gær, fimmtudag. Hann
hafnar því alfarið að eiga eða hafa
átt félag á aflandssvæðum eða í
skattaskjólum.
Morgunblaðið greindi frá því
fyrr um daginn að Sigurmar hefði
stofnað félagið Sýrey og verið
forsvarsmaður þess þegar það
var skráð á Tortola. Þessu hafn-
ar Sigur mar alfarið í samtali við
Eyjuna. Hann hafi stofnað félagið
Sýrey þegar hann vann fyrir Kaup-
þing á sínum tíma. „Það var stofn-
að þegar verið var að ganga frá
skuldaskilum vegna lands upp í
Borgarfirði, í kringum Langá. Ég sá
um þau skuldaskil og stofnaði þetta
félag, og raunar annað einnig, sem
að tók við þessum eignum. Ég sat í
stjórn Sýreyjar í sex eða sjö mánuði,
ásamt Kaupþingsmanni sem heitir
Eggert Hilmarsson, sem búsettur
er í Lúxem borg. Þegar búið var að
afgreiða skuldaskilin gekk ég úr
stjórn Sýreyjar, þann 10. febrúar
2006.“ Hann hafi ekki heyrt af fé-
laginu síðan eða komið nálægt því.
Í frétt Morgunblaðsins er Sýrey
sagt hafa verið í eigu Holt Investment
Group Ltd. á árunum 2005 til 2014.
Holt Investment hafi verið skráð á
Tortola, á heimilisfangi lögfræðistof-
unnar Mossack Fonseca. Þá kemur
einnig fram í fréttinni að Sýrey hafi
verið skráð á Tortola, sem fyrr segir.
Sigurmar segir að þetta sé bull.
Jóhannes Kr. Kristjánsson
blaðamaður sagði í samtali við DV
að Reykjavík Media hefði leitað sér-
staklega að nafni Álfheiðar Inga-
dóttur og Sigurmars Kristjáns
Albertssonar, eins og öðrum stjórn-
málamönnum, í gögnunum. Þau
hefðu ekki fundist. Frétt Morgun-
blaðsins hafi því komið honum í
opna skjöldu. n
baldur@dv.is
Hafnar tengingu við aflandsfélög
Eiginmaður Álfheiðar ingadóttir segir að frétt Morgunblaðsins sé bull
Varaþingmaður Nöfn Álfheiðar
Ingadóttur og Sigurmars K. Albertssonar
fundust að sögn ekki í Panamaskjölunum.