Dagblaðið Vísir - DV - 11.10.2016, Blaðsíða 13

Vikublað 11.–13. október 2016 Fréttir 13
www.avaxtabillinn.is
avaxtabillinn@avaxtabillinn.is • 517 0110
VETRAR-
Tilboð
Til VinnuVEiTEndA
Gómsætir
veislubakkar
sem lífga upp á
allar uppákomur
Það er líka
hægt að panta stöku
sinnum hjá Ávaxtabílnum
utan áskriftar.
T.d. þennan ávaxtapakka með 7 kg
af blönduðum ávöxtum á 5.000 kr.
Eða bara hvaða blöndu sem er,
en lágmarkspöntun er 4.000 kr.
Ávextir í áskrift kosta
um 550 kr. á mann
á viku og fyrirhöfn
fyrirtækisins er engin.
Við komum með ávexti
og þið uppskerið
hressara starfsfólk
Áhrif ávaxtakörfunnar eru göldrótt
á sálarlíf og heilsufar starfsfólks.
Fyrir óverulega upphæð er því hægt að hafa
afar góð áhrif á mannskapinn.
Togstreitan mikil
Þau Oddný Arnarsdóttir og Rögnvald-
ur Bjarnason sem minnst var á í upp-
hafi greinar, segja það vera furðulegt
að vera fullorðin manneskja og þurfa
að treysta á hjálp annarra til að reka
heimili sitt. Eftir fæðingu dóttur þeirra
fyrir þremur árum lækkaði Oddný
um nær helming í tekjum við að fara
í fæðingarorlof og Rögnvaldur enn
meira þar sem hann hafði verið í námi
hluta af viðmiðunartímabilinu sem
hafði áhrif á útreikning réttinda hjá
fæðingarorlofssjóði. „Eftirleiðis ein-
kennist upplifunin af fæðingar orlofi
af þessu tvennu og togast að miklu
leyti á, hamingjan og áhyggjurnar af
fjárhag heimilisins. Það er ekki eins og
skuldir lækki á meðan við njótum lífs-
ins með barninu okkar eða tekið sé til-
lit til þess að foreldrar séu í fæðingar-
orlofi þegar kemur að greiðslu
meðlags,“ rita þau.
„Sem betur fer búum við svo vel
að eiga mjög gott bakland. Það er
samt furðulegt að vera orðin fullorðin
manneskja og þurfa að óska eftir hjálp
frá foreldrum við að kaupa í matinn.
Ekki af því einhver stór áföll komu
upp á. Heldur af því að við eignuðu-
mst barn.
Löngun okkar í annað barn litast
mjög af þessari reynslu. Við værum
ekki ennþá búin að koma okkur út
úr þeim skuldum sem við settum
okkur í þegar við vorum í fæðingar-
orlofi ef við hefðum ekki fengið arf.
Arfurinn hjálpaði okkur líka að kom-
ast inn á húsnæðismarkað en það er
ekki til neinn varasjóður eins og stað-
an er í dag. Okkur langar að eignast
fleiri börn en fjárhagslega hliðin hef-
ur veruleg áhrif á þá ákvörðunartöku.
Það sem hefur ekki síður áhrif er
að það er engin framtíðarsýn á þetta
kerfi. Þegar illa árar þá eru réttindin
hjá Fæðingarorlofssjóði verulega skert
en núna þegar aðstæður hafa batn-
að þá eru engar sýnilegar breytingar.
Þannig að fyrir okkur er spurningin
sú hvort við séum tilbúin að eignast
annað barn og byrja að safna skuld-
um aftur. Það er raunveruleiki sem við
eigum mjög erfitt með að sætta okkur
við.“
Vonar innilega að kerfið verði
betrumbætt
Stefanía Dröfn Egilsdóttir segir marg-
vísleg plön hafa raskast þegar þriðja
barn hennar og manns hennar kom
óvænt undir. Mikil óvissa hafi tekið
við.
„Í lok árs 2014 sáum við loksins
fram á að geta leyft okkur meira eftir
að hafa tekið tvö fæðingarorlof með
stuttu millibil. Við vorum nýbúin að
kaupa okkar fyrstu íbúð og dætur okk-
ar voru báðar komnar á leikskóla þá
fjögurra og tveggja ára. Ég hafði skrif-
að undir ráðningarsamning og mér
leist mjög vel á nýju vinnuna og það
var ljúft að eiga pening í lok mánaðar.
Við vorum byrjuð að plana sumarfrí,
mögulegar framkvæmdir heima fyrir
og fleira þegar kom óvænt í ljós að ég
var ólétt.
Þegar það kom í ljós að við ætt-
um von á þriðja barninu breyttu-
st þessi plön gríðarlega mikið. Við
tók mikil óvissa um hvernig næstu
mánuðir og ár myndu vera. Hvernig
færum við að þessu? Þurfum við aftur
að leita að dagmömmu? Höfum við
tök á að lengja fæðingarorlofið? Eig-
um við inni eitthvað sumarfrí til að
lengja það? Getur maðurinn minn
tekið fæðingarorlof? Hvað með nýju
vinnuna?
Ég fór að vinna þegar strákurinn
okkar var 7 mánaða og maðurinn
minn var heima. Tekjutapið af því var
þó nokkuð þar sem þakið er allt of lágt
en við ákváðum að þrauka. Maðurinn
minn vildi einnig njóta þess að vera
heima með strákinn. Sonur okkar
byrjaði svo hjá dagmömmu 9 mánaða
(enda engin niðurgreiðsla í boði fyrir
þann aldur hjá fólki í sambúð). Okkur
fannst svekkjandi að þurfa enn og aft-
ur að fara með svo ungt barn til dag-
mömmu en það var ekkert annað í
boði. Við vonum innilega að kerfið
verði betrumbætt.“
Missti vinnuna
Ónefndur faðir tjáir sig einnig um
reynslu sína á síðunni en hann missti
vinnuna í bæði skiptin sem hann fór í
fæðingarorlof.
„Í fyrra skiptið var ég að vinna í
bakaríi og þegar ég bað um að fara í
fæðingarorlof var ekki vilji til að hafa
mig áfram. Í seinna skiptið þá veiktist
konan mín fljótlega eftir fæðinguna.
Hún gat ekki séð um nýfædda barnið
okkar svo ég varð að vera heima. Þá
var ég að vinna á hárgreiðslustofu
og eigandinn sagði að ef ég vildi
vinna þarna áfram gæti ég ekki far-
ið í fæðingarorlof. Ég þurfti bara að
velja, velja milli þess að vera heima
eða vinnuna.
Það var ekki mikill skilningur og
ég var oft spurður af hverju ég þyrfti
að vera heima fyrst mamman væri
heima. Ég valdi að vera heima og
missti vinnuna í annað sinn.“
Ekki möguleiki að eignast
annað barn á Íslandi
Á meðan segist Þorbjörg Una
Þorgilsdóttir ekki sjá fram á það
á næstunni að geta eignast eitt
barn í viðbót, allavega ekki á Ís-
landi.
„Ég er ekki tilbúin að fara í
það. Við eigum vini sem búa í
miklu barnvænna umhverfi bara
hérna rétt hjá okkur. Það virð-
ist vera ótrúlega mikill munur á
þjónustu og aðbúnaði hér miðað
við Svíþjóð, Noreg og Danmörku.
Ef ég kæmi með eitt barn í
viðbót þá væri það ekki á Íslandi.
Mér finnst það sorglegt því það
eru algjör forréttindi að ala upp
börn hérna en einhvern veginn
er allt að klikka í aðbúnaðinum.“
Fleirir frásagnir má finna
á fésbókarsíðu átaksins Betra
fæðingarorlof. n
„Ég var oft spurð-
ur af hverju ég
þyrfti að vera heima fyrst
mamman væri heima.
Stefanía Dröfn
Egilsdóttir
Mikil óvissa tók
við þegar hún varð
óvænt ólétt að
sínu þriðja barni.
Sorgleg staða „Ef ég kæmi með eitt
barn í viðbót þá væri það ekki á Íslandi. Mér
finnst það sorglegt því það eru algjör forréttindi
að ala upp börn hérna en einhvern veginn er allt að
klikka í aðbúnaðinum,“ segir Þorbjörg Una.