Dagblaðið Vísir - DV - 11.10.2016, Blaðsíða 14

Vikublað 11.–13. október 201614 Fréttir Erlent
Hitler skrifaði sjálfur
áhrifamikla ævisögu
n Nasistaleiðtoginn Adolf Hitler var höfundur eigin ævisögu sem kom út 1923
A
dolf Hitler skrifaði ævisögu
sína sem kom út árið 1923
og átti stóran þátt í að lyfta
honum upp metorðastiga
þýskra stjórnmála. Hitler
laug því að þýskur aðalsmaður og
stríðshetja hefði skrifað bókina en í
henni er dregin upp mynd af Hitler
sem bjargvætti Þýskalands og hon-
um líkt við sjálfan Jesú Krist.
Þetta fullyrðir skoski sagnfræði-
prófessorinn Thomas Weber sem
kennir við Háskólann í Aberdeen.
Hefur hann fundið sönnunargögn
fyrir því að bókin, Adolf Hitler: Líf
hans og ræður, hafi ekki verið skrifuð
af þýsku stríðshetjunni, aðalsmann-
inum og rithöfundinum Victor von
Koerber.
Fór til Suður-Afríku
Ævisagan kom út tveimur árum á
undan einu frægasta ritverki síðari
tíma, Mein Kampf, sjálfsævisögu
Hitlers. Að sögn Webers, sem hefur
rætt uppgötvun sína við erlenda fjöl-
miðla á borð við CNN og BBC, tryggði
fyrri bókin Hitler mikilvæg völd og var fyrsta vísbending um að hann
ætlaði sér að koma af stað byltingu í
Þýskalandi. Weber komst að sann-
leika málsins þegar hann skrifaði bók
um það hvernig alræðisherrann fyrr-
verandi varð nasisti.
„Ég rakst á tilvísun í einkaskjöl
Koerbers í Háskólanum í Jóhannesar-
borg. Þegar ég hafði flogið til Suður-
Afríku kom það í ljós að skjölin höfðu
ekki áður verið rannsökuð í þessu
samhengi. Þegar ég svo fór í gegnum
þau kom í ljós að von Koerber var
sagður höfundur án þess að hann
hefði skrifað bókina,“ sagði Thomas
Weber í yfirlýsingu sem hann sendi
breskum fjölmiðlum á föstudag.
Biblía nútímans
Að sögn Webers mátti í einkaskjölum
þýska aðalsmannsins finna bréf skrif-
uð af honum sem taka af allan vafa
um að Hitler hafi haldið á pennanum.
Uppgötvunin sýni hversu langt hann
var tilbúinn að ganga til að draga upp
mynd af sjálfum sér sem eina mann-
inum sem gæti leitt Þýskaland út úr
ógöngum þess tíma. Þegar ævisagan
kom út var Hitler 34 ára gamall og
fullyrti hann þá að hún yrði „Biblía
nútímans“.
„Þegar allt er tekið saman þá
sýna þessi gögn að þetta var í raun
sjálfsævisaga sem átti að styrkja
ímynd Hitlers sem bjargvættar Þýska-
lands og að jafnvel á þessu stigi var
hann orðinn að slyngum og undir-
förulum stjórnmálamanni,“ segir
Weber. n
Haraldur Guðmundsson
haraldur@dv.is
Bókin Ævisagan Adolf Hitler: Líf hans og
ræður kom út árið 1923. Skoskur sagn-
fræðingur fullyrðir að nasistaleiðtoginn
sálugi hafi skrifað hana.
Sagnfræðingurinn Thomas Weber ferðaðist til Suður-Afríku til að skoða gömul
einkaskjöl þýsks aðalsmanns sem sagður var höfundur ævisögu Hitlers.
Hélt á penna Adolf Hitler skrifaði bókina
sem kom út árið sem hann varð 34 ára
gamall.
„… átti að styrkja
ímynd Hitlers sem
bjargvættar Þýskalands.
Atvinna í boði á einum
skemmtilegasta
vinnustað landsins
Á markaðsdeild DV er í
boði starf fyrir góðan og
harðduglegan starfsmann.
Hæfniskröfur: Viðkomandi þarf að vera
skemmtilegur, jákvæður, harðduglegur,
samviskusamur, heiðarlegur, ábyrgur,
úrlausnamiðaður, hafa áhuga á
sölumennsku og markaðsmálum.
Laun eru árangurstengd. Góð laun í boði
fyrir góðan og duglegan sölumann.
Umsóknir sendist á steinn@dv.is