Dagblaðið Vísir - DV - 13.12.2016, Side 11

Vikublað 13.–15. desember 2016 Fréttir 11
Sjónvörp þriðjungi dýrari á ÍSlandi
n Verð hefur snarlækkað á sumum tækjum í kjölfar þess að DV fór að leita skýringa n Verðmunur á 55 tommu tækjum um 30 prósent
meðaltali á hinum Norðurlöndunum,
LG 55EG960V, en það fannst
aðeins í Elgiganten í Danmörku,
af þeim samanburðarverslunum
sem notaðar voru. Í svari Gests
Hjaltasonar, forstjóra ELKO, kom
fram að almennt séð þá nyti ELKO
ekki sömu innkaupskjara og „risarnir
í Evrópu“. ELKO er vörumerki tengt
raftækjarisanum Dixons Carphone
en á vefsíðu ELKO segir að fyrirtækið
sé með viðskiptasamning við stærstu
raftækjakeðju Norðurlandanna,
Elkjöp, sem sé í eigu Dixons Carphone.
Gestur sagði enn fremur í svari
til DV að kostnaður við flutning
nemi 4–6 pr´sentum af verðmæti
raftækja. „Fjármögnun vörubirgða
ELKO er 6–7 sinnum dýrari en versl-
ana í Evrópu. Ekki er við því búist
að verð á raftækjum verði fyllilega
samkeppnis hæft við það sem lægst
er boðið í Evrópu. En [við] erum ekki
sáttir við 25–50 prósenta hærra verð
og köllum þá eftir hagstæðara inn-
kaupsverði.“ Hann sagði að lækkandi
framlegðarprósentu mætti glöggt sjá
í ársreikningum ELKO í gegnum árin.
„Álagning á raftæki á Íslandi er senni-
lega sú lægsta á sérvöru sem þekkist
hér á landi og má glöggt sjá það í árs-
uppgjöri fyrirtækja á Íslandi.“
Lækkaði um 80 þúsund milli vikna
Verðmunurinn í Nýherja og í versl-
unum á hinum Norðurlöndunum
reynist nú að jafnaði 19 prósent. Um
er að ræða fimm tæki frá Sony. Fyrir
rúmri viku var verðmunurinn 41
prósent, miðað við fullt verð. Mestu
munaði þar um verð á tveimur tækj-
um, KD55X8505 og KD55X8509, sem
voru að jafnaði 70–102 prósentum
dýrari en á hinum Norðurlöndunum.
Annað tækið er ekki lengur í sölu hjá
Nýherja en verð á KD55X8505 hefur
frá því DV leitaði skýringa lækkað
um 80 þúsund krónur.
Eyjólfur Jóhannsson hjá Ný-
herja segir í svari til DV að líklega
megi rekja verðmun á Sony sjón-
varpstækjum til 7,5 prósenta tolla,
smæðar markaðarins og hærri flutn-
ingsgjalda. „Sony sjónvörp bera 7,5
prósenta toll við innflutning til Ís-
lands þar sem þeir geta ekki uppfyllt
að senda Euro skírteini sem fellir
hann niður.“ Hann nefnir að fram-
leiðendur þurfi, til að geta boðið toll-
fría vöru innan Evrópu, að geta sýnt
fram á að tækin sé framleidd inn-
an ESB og tiltekið hlutfall íhluta sé
einnig þaðan.
Að auki bjóði Nýherji upp á fimm
ára ábyrgð en hjá öðrum aðilum
þurfi að greiða sérstaklega fyrir slíka
ábyrgð. Hann boðaði verðlækkun á
þessum tveimur tækjum, sem mestu
munaði á, og sagði að Nýherji ætti
aðeins örfá eintök eftir af þeim. Um
væri að ræða gamlar týpur. Sú verð-
lækkun er komin fram nú. Hann
fagnar því að tækin sem Nýherji
„leggi mesta áherslu á“, 8005 og 8505,
séu á góðu verði samanborið við er-
lendu aðilana.
Skörp lækkun
Árvirkinn á Selfossi er með sex 55
tommu sjónvarpstæki til sölu. Verðið
þar er að jafnaði 20 prósentum
hærra en á hinum Norðurlöndunum
sem um ræðir. Á sumum tækjanna
hefur verðið lækkað verulega á milli
vikna. Þannig kostuðu Sony-tækin
fyrir viku 250 þúsund og 260 þúsund.
Fyrir helgi kostuðu þau hins vegar
190 og 200 þúsund. Raunar er Sony
KD55XD8599 á mjög góðu verði í
Árvirkjanum nú, samanborið við hin
Norðurlöndin. Tækið er á 9 prósent-
um lægra verði en úti.
„Höfum reynt að fylgja Evrópu“
Sjónvarpstækin sjö sem finnast
þessarar stærðar í Ormsson eru 54
prósentum dýrari en að meðaltali í
samanburðarverslununum á hinum
Norðurlöndunum. Þetta er raunin þótt
öll tækin séu núna á tilboði í Orms-
son. Þann 2. desember voru fimm af
sjö tækjum á tilboði en núna eru þau
öll á niðursettu verði. Fullu verði væri
munurinn meira en 70 prósent.
Bjarni Þórhallsson hjá Orms-
son segir, beðinn um að skýra verð-
muninn, að verðstríð hafi geisað á
Norðurlöndunum að undanförnu, í
tengslum við svartan föstudag, sem
var í lok nóvember. DV tekur fram að
til undantekninga heyrir ef sjónvarp-
stækin á hinum Norðurlöndunum
eru skráð á tilboði eða með afslætti.
Verð á mjög fáum tækjum breyttist á
milli daganna 2. og 9. desember. „Við
höfum reynt að fylgja verði í Evrópu
og erum mun nær verði á megin-
landinu en á þessum tilboðum sem
þarna er miðað við,“ segir hann.
Bjarni segir einnig að hagræði felist
í því að geta keypt inn vörur í miklu
magni, eins og stórir aðilar geti gert.
Hjá Sjónvarpsmiðstöðinni voru
sjö 55 tommu tæki þegar DV hóf
að taka niður verð. Eitt tæki, LG
OLED55E6V er á sama verði og á
hinum Norðurlöndunum en önnur
tæki eru töluvert dýrari. Verðmunur-
inn, heilt á litið, er 34%. Ólafur Már
Hreinsson sagði við DV á dögunum
að um 5% af verði sjónvarpstækjanna
sé til komið vegna flutningskostnað-
ar. Það sé fyrirtækinu keppikefli að
bjóða vörur sínar á samkeppnishæfu
verði miðað við nágrannalöndin.
„Og helst á lægra verði“.
Óraunhæft að keppa við Evrópu
Verð hjá Heimilistækjum hefur
hríðfallið að undanförnu. Eftir að
DV hafði samband minnkaði verð-
munurinn á milli landa úr 47 pró-
sentum í 24 prósent. Áður höfðu
tækin lækkað mikið í verði. Verð á
tveimur sjónvarpstækjum í Heimilis-
tækjum er þannig, miðað við verð á
föstudaginn, á pari við verð á hin-
um Norðurlöndunum. Tekið skal
fram að tækið sem nú er 68 prósent-
um dýrara í Heimilistækjum en á
hinum Norðurlöndunum, finnst að-
eins í samanburðarverslun í Svíþjóð.
Tækið fæst reyndar í mörgum öðrum
verslunum.
Hlíðar Þór Hreinsson hjá
Heimilis tækjum segir í ítarlegu svari
til DV að þótt rekstrarumhverfið
hér hafi batnað muni breytur eins
og smæð landsins og fjarlægð ekki
breytast í bráð. Hann nefnir að tollur-
inn hér sé 7,5 prósent af þeim tækjum
sem hafa Asíu skráð sem uppruna-
svæði. Þess má geta að í Danmörku
er tollur á sjónvörp 14 prósent utan
ESB, auk þess sem virðisaukaskattur
er enn hærri en á Íslandi. Í Noregi er
enginn tollur á sjónvörp, en 25 pró-
senta vaskur. Hlíðar segir að tollur-
inn detti niður um áramót og í kjöl-
farið muni verð lækka. Hann segir
að gengisbreytingar skýri þá verð-
lækkun sem orðið hafi í Heimilis-
tækjum að undanförnu. Hann nefn-
ir líka að neytendalöggjöf sé ólík á
Íslandi, miðað við önnur lönd. Það
kosti aukalega. Þá hafi kostnaður við
þjónustu á Íslandi vaxið mjög með
launahækkunum undanfarin ár.
Þess má geta að DV er ekki kunnugt
um að laun séu hærri á Íslandi en á
öðrum Norðurlöndum. „Þau þjón-
ustuverkstæði sem við eigum við-
skipti við hafa flest hver hækkað verð
á árinu.“ Þá nefnir hann háan flutn-
ingskostnað, þörf fyrir stærri lager –
vegna þess hve langan tíma tekur að
fá vörur sendar – og háa vexti. Þá sé
stjórnunarkostnaður iðulega hár á
Íslandi í samanburði við stórar versl-
anakeðjur. Hann segir að að saman-
lögðu sé ljóst að heilt yfir geti Ísland
aldrei staðist Evrópu snúning hvað
verðlag varðar. Það sé óraunhæft.
Bestu kjörin
Eftir verðlækkanir verslana undan-
farna daga er nú hægt að fá fjög-
ur tæki á lægra verði á Íslandi en í
viðmiðunarverslununum á hinum
Norðurlöndunum. LG55EG960V
fæst í ELKO á 399.995 krónur. Það
er 11 prósentum ódýrara en í Elgig-
anten í Danmörku en fæst ekki í
hinum samanburðarverslunun-
um. Tækið er þó hægt að fá ódýrara
í sænskri netverslun en þar kostar
það 366 þúsund íslenskar krónur.
Sony tæki, KD55XD8599, kostar 200
þúsund krónur í Árvirkjanum og
Nýherja og er 9 prósentum ódýrara
en í samanburðarverslununum. Þá
eru Panasonic TX55DX603E og LG
OLED55E6V á sama verði hér og í
samanburðarverslununum. Önnur
55 tommu sjónvarpstæki eru dýrari.
Tekið skal fram að í sumum versl-
ununum var varan ekki til á lager. Í
þeim tilvikum þar sem hægt var að
panta vöruna á uppgefnu verði, og
ganga frá greiðslu, var uppgefið verð
haft til viðmiðunar. Í öðrum versl-
unum var ekki hægt að ganga frá
pöntun. Í þeim tilvikum tók DV verð
ekki með.
Samsung-tækin dýr í samanburði
Samsung-tækin raða sér mörg hver
neðarlega á lista yfir bestu „dílana“.
Algengt er að verðmunur á Sam-
sung-tækjum sé 40–60 prósent.
Óhagstæðast er að kaupa Philips
tæki, 55PUS7181, hjá Sjónvarps-
miðstöðinni en það er að meðaltali
74 prósentum dýrara þar en í sam-
anburðarverslununum. Tækið er 20
prósentum dýrara en í Danmörku,
109 prósentum dýrara en í Noregi og
94 prósentum dýrara en í Svíþjóð.
Þó að verð í nágrannalöndun-
um sé ekki endilega mælikvarði á
það hvað teljist góð kaup, er í það
minnsta hægt að fá um það vís-
bendingu með því að bera saman
verð á milli landa.
Heilt yfir er verð á sjónvarpstækj-
um miklu hærra hér en á hinum
Norðurlöndunum. Inni á milli er þó
hægt að gera góð kaup, eins og sést í
þessari úttekt. DV hvetur neytendur
til að vera á varðbergi og bera saman
verð á raftækjum og öðrum neyslu-
vörum, áður en í innkaup er ráðist.
Það getur margborgað sig. Til þess
má nota vefsíður á borð við prisjakt.
no, prisjakt.se og pricerunner.dk. Þá
sýnir úttektin að innanlands getur
einnig verið mikill verðmunur á
sömu vöru. n
N
O
R
Ð
U
R
LÖ
N
D
-30%
Sjónvarpslottóið Súlurnar
sýna að verðlag á sjónvörpum
á hinum Norðurlöndunum er
að jafnaði um 30 prósent-
um lægra en á Íslandi, þótt
tilboðs- og afsláttarverð liggi
til grundvallar. Þó er hægt að
finna valin tæki hér heima á
góðu verði.
„Þau þjón-
ustuverk-
stæði sem við
eigum viðskipti
við hafa flest
hver hækkað
verð á árinu
Samsung-tækin dýrust
Taflan hér fyrir neðan sýnir hvernig 55 tommu sjónvarpstæki voru verðlögð á Íslandi
þann 9. desember síðastliðinn. Í dálknum lengst til hægri er hlutfallstala. Hún gefur
til kynna hvernig verðlagið er að jafnaði í völdum samanburðarverslunum á öðrum
Norðurlöndum. Þannig er efsta tækið 11 prósentum ódýrara á Íslandi en í þeim saman-
burðarverslunum þar sem tækið var til.
Tegund Vörunúmer Verslun Verð Norðurlönd
LG 55EG960V Elko 399.995 -11%
Sony KD55XD8599 Árvirkinn 199.990 -9%
Sony KD55XD8599 Nýherji 199.990 -9%
Panasonic TX55DX603E HT 129.995 -1%
LG OLED55E6V SM 439.990 1%
LG OLED55E6V HT 439.995 1%
LG OLED55E6V Elko 449.995 3%
Samsung UE55KU6675 Elko 179.995 5%
LG 55UH750V Elko 169.995 6%
Samsung UE55KU6075 Elko 139.995 6%
LG 55UH600V Elko 129.995 7%
LG 55EF950V Elko 399.995 9%
LG 55UH668V HT 159.995 9%
Sony KD55XD8005 Elko 154.995 9%
Philips 55PUS6501 Elko 144.995 13%
Philips 55PUS6031 HT 109.995 14%
Sony KD55XD8505 Elko 164.990 17%
Sony KDL55W755 Elko 139.995 19%
Sony KD55XD8005 Nýherji 169.989 20%
Philips 55PUS7101 Elko 179.995 21%
Sony KD55X8505 Nýherji 169.990 25%
LG 55UH605V SM 129.990 25%
LG 55UH605V HT 129.995 25%
TCL U55S6906 Elko 99.995 26%
Philips 55PUS6561 SM 149.990 26%
Philips 55PUS6561 HT 149.995 26%
Sony KD55SD8505 Nýherji 254.991 28%
LG 55UH950V Elko 269.995 28%
Sony KD55XD9305 Nýherji 259.990 30%
Samsung UE55KS7005 Elko 189.995 30%
LG 55UH850V SM 249.990 32%
LG 55UH850V HT 249.995 32%
Philips 55PUT6101 Elko 109.995 32%
LG 55UH650V Elko 149.995 34%
Samsung UE55KU6515 Elko 189.995 35%
Thomson 55UA6406 SM 149.990 36%
Sony KD55X8505 Árvirkinn 189.990 40%
Philips 55PUT6401 HT 129.995 40%
Philips 55PUS8601 SM 319.990 41%
Samsung UE55KU6655 Árvirkinn 189.900 42%
Samsung UE55KU6655 Ormsson 189.900 42%
Samsung UE55KS9005 Elko 319.995 42%
Samsung UE55KS7505 Elko 249.995 42%
Samsung UE55KS7005 Ormsson 209.900 44%
Samsung UE55KS8005 Elko 249.995 48%
Sony KD55XD9305 Elko 299.995 50%
Samsung UE55KS9005 Ormsson 339.900 51%
Samsung UE55KS7505 Ormsson 269.900 54%
Samsung UE55KS8005 Árvirkinn 269.900 60%
Samsung UE55KS8005 Ormsson 269.900 60%
Samsung UE55K5505 Ormsson 149.990 61%
TCL U55S7906 Elko 159.995 64%
Samsung UE55KU6475 Árvirkinn 179.900 66%
Samsung UE55KU6475 Ormsson 179.900 66%
Philips 55PUS8601 HT 379.995 68%
Samsung UE55KU6175 Árvirkinn 159.900 68%
Philips 55PUS7181 SM 249.990 74%
Samanburðar-
verslanirnar
Hér eru þær verslanir sem DV valdi
til að bera saman verð:
Danmörk: Elgiganten, Power, Bilka,
Sony Center og Euronics.
Noregur: Elkjöp, Euronics, Siba, Budal
Radio og Expert.
Svíþjóð: Elgiganten, Siba, AudioVideo
og Mediamarkt.
„Við höfum
reynt að
fylgja verði í
Evrópu og erum
mun nær verði á
meginlandinu