Dagblaðið Vísir - DV - 13.12.2016, Blaðsíða 31

Vikublað 13.–15. desember 2016 Menning 27
Hreinsun
á kjólum
1.600 kr.
Opið
Virka daga
08:30-18:00
laugardaga
11:00-13:00
Hringbraut 119 - Einnig móttaka á 3.hæð í Kringlunni
hjá Listasaum - Sími: 562 7740 - Erum á Facebook
Þ
að er mikið fagnaðarefni
fyrir fjölmarga aðdáendur
hins undur snjalla ljós-
myndara Jóns Kaldals að fá
í hendur vandaða og fallega
bók með úrvali mynda hans. Kaldal
fangaði listilega karakter þeirra sem
hann myndaði. Þegar maður horfir
á portrettmyndir hans finnst manni
að maður þekki manneskjurnar sem
þar eru. Það er eins og líf þeirra og
lífsreynsla endurspeglist í andlitun-
um. Dæmi um þetta er kápumyndin
af Arnóri Árnasyni, presti og héraðs-
höfðingja. Andlit og augnaráð þessa
gamla lífsreynda manns geta ekki
annað heillað okkur.
Bókin Svart og hvítt - Kaldal er
í stóru broti og myndirnar fá því
sannarlega að njóta sín. Þarna eru
frægar myndir sem kalla á athygli
okkar. Sú sem þetta ritar heillaðist af
þeim strax sem barn og hefur aldrei
gleymt þeim. Þannig er líklega flest-
um farið sem líta þessar myndir á
unga aldri. Þetta eru myndir sem
fylgja okkur.
Þarna er til dæmis hin þekkta
mynd af Ástu Sigurðardóttur, þar
sem hún, glæsileg og ögrandi, ber
sígarettu að vörum sér. Þorvaldur
Magnússon með sitt tjáningar-
ríka og veðurbarða andlit er tákn
íslenska sjómannsins í einfaldri
en um leið stórbrotinni ljósmynd.
Þarna eru Kjarvals-myndirnar
þekktu, Laxness-myndir og eftir-
minnileg mynd af Steini Steinari. Og
mynd af Hönnu Þórðarson er eins
og klassísk Madonnumynd – þokka-
full og dulúðug.
Óskar Guðmundsson ritar ævi-
ágrip þeirra einstaklinga sem
myndir eru af í bókinni. Það fylgir
því mikil ánægja að gleyma sér í
þessum heillandi myndum af ólík-
um einstaklingum og lesa sér síðan
til um ævi þeirra. Marga þekktum
við fyrir en alls ekki alla.
Svart og hvítt er bók með bestu
myndum Jóns Kaldals. Bók sem
geymir ógleymanleg andlit. n
Ógleymanleg
andlit
Kolbrún Bergþórsdóttir
kolbrun@dv.is
Bækur
Svart og hvítt - Kaldal
Samantekt: Óskar Guðmundsson
Útgefandi: Crymogea
186 bls.
„Það fylgir því
mikil ánægja
að gleyma sér í þess-
um heillandi myndum
af ólíkum einstakling-
um og lesa sér síðan
til um ævi þeirra.
Kona - Hanna Þórðarson
Örugglega ein fallegasta
mynd Kaldals.
Þ
ín eigin hrollvekja
er öðruvísi en flestar
aðrar bækur vegna
þess að þú ert
aðalpersónan og þú ræður
hvað gerist í bókinni. Bókin er
skemmtileg og spennandi fyir krakka
á aldrinum 8 til 12 ára en auðvitað
geta allir haft gaman af henni. Bókin
fjallar um hetju sem þú glæðir lífi, þú
þarft að taka ákvarðanir og vona það
besta, ákvarðanirnar geta verið góð-
ar og slæmar og þú flakkar mikið um
í bókinni.
Bókin getur endað á margs konar
hátt og vegna þess getur sagan verið
mjög stutt en hún getur líka verið
mjög löng, það fer eftir því
hvað þú heldur að sé rétt
að gera hverju sinni. Sjálf
las ég bókina þannig að ég
fékk tvo endi á söguna og
munurinn á þeim var tölu-
verður en leiðirnar til að
lesa söguna eru fjölmargar
og spennandi.
Gaman væri fyrir for-
eldra að lesa bókina fyrir
börnin sín því lestur-
inn gæti þannig orðið líflegur og
skemmtilegur og skapað skemmti-
legar umræður. Ég mæli hiklaust
með henni í jólapakkann og hlakka
til að lesa hana með yngri systrum
mínum. n
Þú ert aðalpersónan
Hekla Sól, 14 ára
skrifar
Bækur
Þín eigin hrollvekja
Höfundur: Ævar Þór Benediktsson
Útgefandi: Mál og Menning
283 bls.