Dagblaðið Vísir - DV - 13.12.2016, Page 16

Vikublað 13.–15. desember 201616 Fréttir
Einu eggin á neytendamarkaði
með löggilda vottun
Lífrænu hænurnar
hjá Nesbúeggjum
• Fá lífrænt fóður
• Fá mikið pláss
• Njóta útiveru
nesbu.is
NESBÚ
EGG
Fyrsta flóttatilraunin á Hólmsheiði
n Forstöðumaður: „Hann virðist bara hafa viljað burt, drengurinn“ n Karlkyns fangar komnir í fangelsið
U
ngur maður situr í ein-
angrun eftir að hafa leiðst
vistin á Hólmsheiði. Gerði
hann tilraun til að strjúka
á laugardaginn en var
gómaður af öryggisvörðum á milli
girðinga. Formlegur fangelsis-
rekstur hófst á Hólmsheiði í síðasta
mánuði þegar kvennadeild fangels-
isins var tekin í notkun. Þar dvelja
um átta konur. DV greindi frá því að
fimm hefðu verið fluttar frá fangels-
inu á Akureyri á Hólmsheiði.
Reyndust fyrstu dagarnir erfiðir
og gagnrýndu konurnar vistina. „Við
erum gjörsamlega í sjokki. Við skilj-
um ekki af hverju það lá svona á að
flytja okkur hingað því fangelsið
virðist ekki vera tilbúið. Við erum að
fara úr umhverfi þar sem komið var
fram við okkur eins og manneskj-
ur í það að vera eins og dýr í búri,“
sagði Berglind Fríða Steindórsdóttir,
talsmaður kvennanna fimm, í sam-
tali við DV. Sagði hún ýmsu ábóta-
vant og nefndi sápu og dömubindi,
sængurföt hafi vantað og þá hafi
ýmis atriði verið í ólagi eins og virkni
sturtna og vatnið hafi verið kalt.
„Það eru engin vandamál hér
sem ekki er búið að leysa eða eru
í vinnslu. Við þurfum að fá nokkra
daga til að komu öllu í gang. Starfs-
menn eru að gera sitt besta í sam-
vinnu við þessar ágætu konur,“
sagði Guðmundur Gíslason, for-
stöðumaður fangelsisins.
Nú fyrir helgi mættu fyrstu karl-
kyns fangarnir á Hólmsheiði og
voru þeir þrír sem voru fluttir í
þetta nýja fangelsi. Ungur maður í
þeim hópi virðist ekki hafa litist á
þessar nýju vistarverur og reyndi
að strjúka þegar hann var í úti-
vist. Í kringum fangelsið eru tvær
girðingar. Ungi maðurinn komst
yfir þá fyrri en síðari öryggis-
girðingin reyndist honum ofviða.
„Hann komst ekki út af lóðinni,“
segir Guðmundur og bætir við
að maðurinn sé nú í einangrun.
„Þetta uppgötvaðist fljótlega og
var þá maðurinn sóttur. Í öryggis-
myndavél sáum við til hans á milli
girðinga.“
Hvernig er tekið á því ef fangi
reynir flótta?
„Það er regla að setja þá sem það
reyna í einangrun á meðan málið er
rannsakað. Þetta var ágætis æfing
og við drögum lærdóm af þessu.
Auðvitað vill maður ekki að svona
uppákomur eigi sér stað.“
Aðspurður hvort um hættulegan
fanga hafi verið að ræða segir Guð-
mundur svo ekki vera.
„Hann virðist bara hafa viljað
burt, drengurinn, eins og gengur
með suma fanga. Ég veit ekki alveg
hvað vakti fyrir honum.“ n
S HELGASON
- Steinsmiðja síðan 1953
Stjórnstöð á Hólmsheiði Fangaverðir sáu til mannsins með aðstoð öryggismyndavélar.
Auður Ösp Guðmundsdóttir
Kristjón Kormákur Guðjónsson
audur@dv.is / kristjon@dv.is
„Hann virðist
bara hafa viljað
burt, drengurinn, eins og
gengur með suma fanga.