Dagblaðið Vísir - DV - 13.12.2016, Blaðsíða 26

Vikublað 13.–15. desember 201622 Sport
Eina sápan
sem þú þarft fyrir alla fjölskylduna og heimilið
dr. bronner’s:
Staðreyndir
um Mkhitaryan
H
enrikh Mkhitaryan virðist loks vera
að sýna sitt rétta andlit hjá Man­
chester United eftir erfiða fyrstu
mánuði hjá félaginu sem greiddi
Borussia Dort­
mund hátt í 30 milljónir
punda fyrir undirskrift
hans í sumar.
Mkhitaryan hefur verið frábær í síðustu
leikjum, loksins þegar hann fékk traustið frá
Jose Mourinho sem farið hefur varlega með
armenska snillinginn. Mkhitaryan skor­
aði sín fyrstu mörk fyrir United í Evrópu­
deildinni síðustu viku og gegn Tottenham í
ensku úrvalsdeildinni á sunnudag. Hér eru
nokkrar staðreyndir um „Mikka“. n
mikael@dv.is
Fótboltafjölskylda
Mkhitaryan fæddist í höfuðborg Armeníu,
Yerevan, þann 21. Janúar 1989. Hann sleit
þó barnsskónum í Suður-Frakklandi
þar sem faðir hans, Hamlet, var at-
vinnumaður í knattspyrnu. Hamlet,
sem lék tvo landsleiki fyrir Armeníu,
samdi við franska félagið ASOA
Valence þegar Henrikh var aðeins
nokkurra mánaða. Hamlet lést
langt um aldur fram, aðeins 33 ára,
eftir snarpa baráttu við heilaæxli.
Mkhitaryan-fjölskyldan fluttist árið
1995 aftur til Yerevan. Systir Henrikhs,
Monika, hefur starfað fyrir UEFA þar sem hún var meðal
annars aðstoðarkona Michel Platini, fyrrverandi forseta
sambandsins, og móðir hans, Marina Taschyan,
er stjórnandi hjá armenska knattspyrnu-
sambandinu.
Draumurinn
Mkhitaryan varð ungur
staðráðinn í að verða
knattspyrnumaður. Sem
barn grátbað hann föður
sinni um að fá að fara á
æfingar með honum. Í
Yerevan fór hann að æfa
með FC Pyunik, sem er
stærsta félag borgarinnar,
og kom fljótt í ljós að þar fór
hæfileikaríkur drengur.
Stjarna í fæðingu
Eftir að hafa samið við aðallið Pyunik og
leikið þar þrjú tímabil, 2006–2009 höfðu
útsendarar í Úkraínu veitt honum athygli.
Hann gekk til liðs við FC Metalurh Donetsk.
Á hans fyrsta og eina tímabili skoraði hann
14 mörk og var orðinn yngsti fyrirliði í sögu félagsins. Stórlið Shakhtar
Donetsk sótti hann yfir í hinn enda borgarinnar og þar sló Mkhitaryan
í gegn. Félagið vann deild og bikar í Úkraínu þrjú ár í röð og tímabil-
ið 2013/14 var Mkhitaryan markahæsti maður deildarinnar með
25 mörk. Hann varð fljótt eftirsóttur. Hann fékk ofurumboðs-
manninn Mino Raiola til að losna frá Shakthar og samdi við
Borussia Dortmund. Í Þýskalandi lék hann við hvern sinn
fingur í þrjú ár þar til Man Utd keypti hann.
Stjarna í heimalandinu
Mkhitaryan er líklega besti knattspyrnumaður Armeníu frá
upphafi. Hann hefur sex sinnum verið kjörinn knattspyrnumaður
ársins frá árinu 2009 og sópað að sér ótalmörgum öðrum verðlaun-
um. Hann hefur skorað 19 mörk í 61 landsleik fyrir Armeníu.
Raunsær og sveigjanlegur
Þrátt fyrir að hafa sýnt klærnar við að losna frá Shakhtar, þegar
forsvarsmenn félagsins vildu selja hann til Rússlands, þykir
Mkhitaryan jarðbundinn, raunsær og sveigjanlegur. Það
hefur verið lykillinn að upprisu hans hjá Man Utd enda
ekki margar stórstjörnur sem hefðu sætt sig við að vera
settir í frystinn, nýkomnir í nýtt félag. Þrátt fyrir að hafa
slegið í gegn hjá Dortmund gekk hann aldrei að því sem
vísum hlut að vera í byrjunarliðinu. Hann tók öðrum
fram í að leggja mikið á sig við æfingar og vildi alltaf
sanna sig fyrir þjálfurum sínum. Hjá Shakhtar fékk
hann viðurnefnið „forseti æfingasvæðisins“ því hann
bjó bókstaflega þar fremur en í íbúðinni sem félagið
útvegaði honum.
Átrúnaðargoðið Það þarf engan að undra
að átrúnaðargoð Mkhitaryan í æsku var Zinedine Zidane, sem var aðal-
maðurinn þegar hann var að alast upp í Frakklandi. „Fyrir mér var hann
eins og töframaður,“ lét hann eitt sinn hafa eftir sér.
Talar sex tungumál Mkhitaryan hefur búið
víða um ævina og er því mikill tungumálamaður. Auk móðurmálsins
talar hann frönsku, portúgölsku, ensku, rússnesku og þýsku.
Henrikh Mkhitaryan
Armenski snillingurinn er loks
að sýna sitt rétta andlit hjá
Manchester United