Dagblaðið Vísir - DV - 10.03.2017, Síða 32

Helgarblað 10.–13. mars 201728 Fólk Viðtal
hvort eða hvenær hann kemst að. Þá
hefur enginn fundist sem getur fylgt
Dóra í sundlaugina á Reykjalundi.
„Þetta er ótrúlegt. Um leið og
hann kemst í vatn með fótinn
minnkar bjúgurinn strax. Við förum
stundum til Tenerife í sumarfrí.
Þar erum við búin að finna frábært
hótel sem er paradís fyrir fatlað fólk.
Þar fer Dóri á hverjum einasta degi
í sundlaugina. Og þar sem sund-
laugin þar er með handrið getur
hann gengið hring eftir hring. Auk
þess sem þetta er gríðarlega góð æf-
ing, finnur hann tilfinninguna að
geta gengið og eftir nokkur skipti í
lauginni er bjúgurinn horfinn.“
Þá segir Karólína:
„Þetta er svo ósanngjarnt.
Hann borgaði sína skatta og vann
eins og skepna í 45 ár. Þessi mað-
ur byggði hálfa Reykjavík. Svo um
leið og hann veikist, er orðinn fatl-
aður, er honum sparkað út í horn.
Þannig upplifum við þetta. Hver
sem er gæti lent í hans sporum. Þú,
ég, börnin okkar. Það er líka fjöldi
fólks í hans sporum. Þetta þarf að
breytast. Við þurfum að hugsa bet-
ur um fatlaða fólkið okkar og veita
þá þjónustu sem við sjálf myndum
sætta okkur við.“
Karólína vill þó koma því skýrt á
framfæri hún er alls ekki ósátt við,
né sé að gagnrýna, starfsfólkið sem
hefur sinnt Dóra frá því að hann
veiktist. Það sé allt af vilja gert en
sökum manneklu og fjárskorts sé
því gert erfitt um vik að sinna hverj-
um einstaklingi eins vel og það
sjálft myndi vilja.
Sjálf hefði Karólína viljað að Dóri
væri í meiri endurhæfingu. Sérstak-
lega tal- og sjúkraþjálfun. Sú þjón-
usta er einnig af skornum skammti
en Karólína er alveg viss um að
Dóri væri kominn með betri færni
og gæti tjáð sig betur ef hann hefði
fengið viðeigandi aðstoð eftir að
hann útskrifaðist af Grensás.
„Ætli ég leiti ekki fljótlega til
Sinnum. Það er einkarekið og ætli
það verði ekki framtíðin að þeir sem
eigi peninga geti fengið viðeigandi
aðstoð. Hinir geta bara étið það sem
úti frýs.“
Engar ummönnunarbætur
Þrátt fyrir að Karólína annist Dóra
allan sólarhringinn fær hún ekki
greiddar ummönnunarbætur. „Ég
get fengið ummönnunarbætur ef ég
sýni fram á að hafa þurft að minnka
við mig vinnu. Aðalvinnan við Dóra
er annaðhvort snemma á morgn-
ana eða seint á kvöldin. Vinnan
mín er ekki á þessum tímum sólar-
hrings.“
Spurð hvað sé erfiðast í þessari
stöðu sem þau eru í segir Karólína
án þess að hugsa sig um:
„Að hann geti ekki talað. Skítt
með hjólastólinn. Smá líkamleg að-
stoð er ekki vandamálið. Það tek-
ur gríðarlega mikið á okkur bæði
þegar Dóri vill segja mér eitthvað
og ég skil það ekki. Eða þegar mig
langar að ræða eitthvað við hann og
hann getur ekki svarað mér.“
Karólína segir að þau hugsi lítið
um framtíðina. „Enginn veit hvað
gerist næst. Því erum við ekki að
velta okkur upp úr framtíðinni. Þó
svo að þetta sé ekki lífið sem Dóri sá
fyrir sér er hann sáttur við að vera á
lífi og geta fylgst með barnabarninu
sínu vaxa og þroskast. Við tökum
bara einn dag í einu og höfum það
gott eftir atvikum.“ n
„Ætli það verði ekki
framtíðin að þeir
sem eigi peninga geti
fengið viðeigandi aðstoð.
Hinir geta bara étið það
sem úti frýs.
Karólína hefur staðið þétt
við bakið á sínum manni
Ósátt við veggina í kerfinu sem
hún segir að þau reki sig alltof
oft utan í. Mynd Sigtryggur Ari
Karólína sendi eftirfarandi
texta á alla alþingismenn
Þingmaður Samfylkingarinnar gæti ekki hugsað sér að vera baðaður einu sinni í viku
1. mars 2017
Kæri fulltrúi þjóðarinnar.
Vissir þú, að fólk sem dvelur á hjúkrunar- eða dvalarheimil-
um, fær í flestum tilvikum ekki að fara í sturtu nema einu sinni í
viku? Þetta er fólk sem er auðvitað búið að vinna allt sitt líf, búið
að borga skatta og þar með laun þingmanna og ráðherra í gegn-
um tíma. Og þegar það er orðið gamalt eða veikt og þarf á hjálp
að halda, þá er það þetta sem er í boði.
Ég komst að þessu núna í viku, þegar maðurinn minn sem er
fatlaður fékk hvíldarinnlögn í eina viku. Ég fann líka út að það er
ýmislegt annað sem er ekki eins og ætti að vera á slíkum heimilum,
enda eru þessar stofnanir fjársveltar og hafa ekki mannskap til að
sinna gamla fólkinu almennilega. Það er til dæmis oft ekkert annað
að gera fyrir fólkið en að horfa á sjónvarpið allan daginn … Væri
ekki tími til að gera smá úttekt á þessum stöðum og setja peninga
í þetta málefni, frekar en til dæmis að hækka laun hjá fólki sem
þegar er með miljón eða meira á mánuði?
Þú veist það, að við verðum öll einum degi eldri, á hverjum degi.
Og margir okkar enda á hjúkrunar- eða dvalarheimili. Kannski þú
líka. Hvernig þætti þér, að fara bara í sturtu einu sinni í viku …?
Ég vona að einhverjir vilja athuga þetta mál, enda er virki-
lega þörf á því.
Kær kveðja, Karólína.
Örfáir létu sig málið varða
Þrír þingmenn af þeim 63 sem sitja á Alþingi sáu sér fært að svara bréfi Karólínu. Það voru Nichole Leigh Mosty,
varaformaður þingflokks Pírata, Guðjón S. Brjánsson, varaformaður þingflokks Samfylkingarinnar í Norðvestur-
kjördæmi, og Vilhjálmur Árnason, þingmaður Sjálfstæðisflokksins í Suðurkjördæmi.
Nichole þakkaði Karólínu fyrir orðsendinguna og óskaði eftir leyfi til að nýta bréfið í vinnu og samtal í ráðu-
neytinu.
Í svari Guðjóns kvaðst hann nýkominn af fundi velferðarnefndar þar sem umræðuefnið var hjúkrunar heimilin,
rekstur og þjónusta. Hann tekur undir með Karólínu að fjárhagur hjúkrunarheimila hafi verið í miklum molum en
nú sjái fram á betri tíma þar sem greiðslufyrirkomulagi til þeirra hafi verið breytt og nýr samningur gerður.
„Vonandi mun það skila sér í betri og mannúðlegri þjónustu. Mér finnst sjálfum þetta ekki vera atlæti sem ég
gæti hugsað mér ef ég sjálfur væri í þessum sporum. Við eigum alltaf að stilla málum þannig upp, hvort maður
sjálfur gæti hugsað sér aðbúnað og viðmót af þessu tagi og svar mitt er auðvitað nei.
Svar Vilhjálms var nokkuð staðlað en hann kveðst vilja beita sér í þessum mikilvæga málaflokki.