Dagblaðið Vísir - DV - 30.06.2017, Síða 10

10 Helgarblað 30. júní 2017fréttir
3x4 = 12
Verkfærasalan - Síðumúla 11 - Dalshrauni 13 - 560-8888 - www.vfs.is
52.900
Tilboð
Tilboð
32.900
Sláttuorf bensín
Sterkt sláttuorf frá RYOBI með 25.4cc (0,75kW)
tvígengismótor. Rafstart með 18V rafhlöðu.
Bæði með girni og blaði.
Þæginleg ól fylgir.
RB 5133002537
VERKFÆRASETT FPP6C-503B
Borvél 135Nm, slípirokkur 125mm,
herslulykill 300Nm (4 átaksstillingar),
hjólsög 165mm. sverðsög og LED ljós.
Kemur með 2 x 5.0Ah rafhlöðum og hleðslutæki.
MW 4933459050-1
174.900.-
Sláttuorf 18V CLT-0
Öflugt sláttuorf frá Milwaukee.
Slátturbreydd 355mm - 406mm.
Án rafhlöðu og hleðslutæki.
MW 4933459345
39.900.-
Sláttuorf M18 CLT-0
Öflugt 18V sláttuorf frá Milwaukee.
Án rafhlöðu og hleðslutækis
MW 4933459345
37.900.-
rúmlega þrjár klukkustundir sem
getur verið vegna þess að náms­
álagið er mest hjá þeim,“ segir
Kristófer.
Að hans sögn fannst hópnum
einkennilegt að engar rannsóknir
væru til hérlendis um notkun
snjallsíma. „Þetta er orðinn svo
gífurlega stór hluti af daglegu lífi
ungs fólks, eins og niðurstöðurnar
okkar benda til. Það er margt já­
kvætt sem felst í snjallsímunum
en einnig margt sem ber að var­
ast. Þetta verkefni vakti okkur svo
sannarlega til umhugsunar,“ segir
Kristófer.
Ekki eingöngu vandamál unga
fólksins
„Stundum heyri ég fullorðið fólk
tala um óhóflega snjallsímanotk­
un sem sérstakan unglingavanda.
Það er óheppileg nálgun, að mínu
mati, enda einskorðast vandinn
síður en svo við ungt fólk. Stund­
um spyr ég unglinga af hverju
reglur á borð við símalausa mat­
málstíma séu við lýði á heimilum
þeirra. Þá er svarið oft að það sé
vegna þess að pabbi eða mamma
séu svo mikið í símanum,“ segir
Andri Bjarnason sálfræðingur,
sem heldur reglulega fyrirlestra
fyrir ungt fólk um málefnið. Að
sögn Andra vinnst lítið með því að
mála skrattann á vegginn þegar
rætt er um þetta efni, en ljóst sé
að yfirveguð umræða um kosti
og galla tækninnar þurfi að fara
fram.
„Snjalltæknin býður upp á
frábæra möguleika, til dæmis
til upplýsingaöflunar og skjótra
samskipta. Á meðan við notum
snjallsíma og samfélagsmiðla
sem viðbót í samskiptum okkar
við fólk, augliti til auglits, þá getur
þessi tækni auðgað tilveru okkar.
Það er aftur á móti áhyggjuefni
þegar slík samskipti verða ráð­
andi í lífi fólks og þá sérstaklega
barna og unglinga,“ segir Andri og
bendir sérstaklega á félagshæfni í
þessu samhengi.
„Það er svo margt í tjáningu
okkar augliti til auglits umfram
orðin, til dæmis svipbrigði, lát­
bragð og raddbeiting. Það er
drjúgur partur af félagshæfni okk­
ur að geta lesið rétt í þessa tján­
ingu. Við þurfum að tryggja að
hæfnin til þess fái að þroskast,“
segir Andri og bendir á að það
sé ekki lítið í húfi. „Ef við höfum
áhuga á hamingjunni þá þurfum
við að leggja áherslu á að rækta
tengsl við fólk. Það gerum við í
gegnum samskipti og við þurfum
að gæta þess að tæknin vinni með
okkur, en ekki gegn okkur, í þeim
efnum,“ segir Andri.
Greina milli þess
sem skiptir máli
Að hans sögn tala hinir eldri oft
um að unga fólkið sé ekki í raun­
heimi þegar það á í samskiptum í
gegnum síma eða tölvur. „Það er
ekki fyllilega sanngjarnt viðhorf
því nú vaxa úr grasi kynslóðir
sem hafa alist upp með þessari
tækni og þekkja ekki neitt ann­
að. Þetta er þeirra raunveruleiki,“
segir Andri. „Við þurfum því
að tala inn í þær aðstæður, án
hroka og „heimur­ versnandi­fer“
viðhorfs sem stundum litar um­
ræðuna. Með því að hlusta á upp­
lifun barna og unglinga af þessari
tækni, kostum hennar og göllum,
setur fullorðið fólk sig í betri stöðu
til að leiðbeina með árangursrík­
um hætti um hæfilega notkun.“
Óhætt er að fullyrða að bylting
hafi orðið varðandi stöðugt upp­
lýsingaflæði og ljóst að áreitið
er gífurlegt. „Það reynist mörg­
um erfitt. Það er mikilvægara en
nokkru sinni áður að ungt fólk
þroski með sér þann hæfileika
að greina á milli þess sem skipt­
ir máli og þess sem betra er að
hunsa. Þetta er mikil áskorun,
sérstaklega fyrir þá sem eiga erfitt
með einbeitingu, til dæmis sök­
um athyglis brests eða kvíða,“
segir Andri.
Þá nefnir hann að umrædd
tækni geti haft slæm áhrif á svefn­
venjur fólks. „Fólk á öllum aldri
þarf að gæta sín á slæmum ávön­
um í snjalltækjanotkun. Það getur
truflað nætursvefn að nota síma
eða tölvu alveg fram að svefntíma.
Í verstu tilfellum heyrir maður af
fólki sem vaknar fyrir allar aldir til
þess að kanna stöðuna á samfé­
lagsmiðlum, en líklega er nú slík
hegðun undantekning frekar en
hitt,“ segir Andri.
Að hans sögn fer umræða um
áhrif tækninnar á geðrænan vanda
vaxandi. „Þunglyndi er sívaxandi
vandi í heiminum og það kann
að vera að tæknin hafi þar áhrif.
Tengsl þunglyndis og kvíðaraskana
við notkun á snjallsímum og sam­
skiptamiðlum er tiltölulega nýtt
rannsóknarefni og margt sem þar á
eftir að skýrast. Í öllu falli þá verðum
við, sem þátttakendur í þessari yfir­
standandi tæknibyltingu, að gefa
þessum málum gaum,“ segir Andri.
Hann segir niðurstöður nemend­
anna athyglisverðar: „Ég fagna því
að ungt fólk sýni málefninu áhuga
með svona einbeittum og ábyrgum
hætti. Á endanum verður það
einmitt verkefni þeirrar kynslóðar
sem nemendurnir tilheyra að haga
þessum málum þannig að snjall­
tæknin verði okkur til gagns en ekki
trafala,“ segir hann. n
Andri Bjarnason sálfræðingur Segir að snjallsímanotkun sé alls ekki eingöngu vanda-
mál ungs fólks. Mynd EyGló ÁrnAdóttir
Kristófer Gautason „Það er margt jákvætt sem felst í snjallsímunum en einnig margt sem ber að varast. Þetta verkefni vakti okkur svo sannarlega til umhugsunar,“ segir Kristófer.„Það er margt já-
kvætt sem felst í
snjallsímunum en einnig
margt sem ber að varast.