Fregnir - 01.10.2009, Page 37

FREGNIR. Fréttabréf Upplýsingar - Félag bókasafns- og upplýsingafræða
34. árg. - 2. tbl. 2009 3
þar sem tekið yrði sérstakt tillit til formgerðar,
geymsluaðstæðna o.fl.
Næst talaði Hans Cogne, prófessor frá Konstfack
(Listaháskólanum í Stokkhólmi) um hönnun
listaverkabóka. Á því sviði væru eðli málsins
samkvæmt gerðar meiri listrænar kröfur til
hönnuða en við gerð „venjulegra“ bóka. Erfitt
væri að feta stíg hefðarinnar og hins frumlega, og
spurning væri hvort frumleg hönnun yrði alltaf að
víkja fyrir læsileika bókar. Formið sjálft fæli ekki í
sér sjálfa hugmyndina (concept) sem lægi að baki,
en hún væri samt mikilvæg þegar skilgreina þyrfti
formið. Að lokum minnti Hans Cogne sérstaklega
á óvenjulega og glæsilega sýningu Ann Hamilton
(Lignum) á ljósmyndaverkum sínum í Tornhegn, Wanås, Svíþjóð (sjá: http://www.flickr.com/
photos/21564050@N07/2729577058/ http://www.ginza.se/Product/Product.aspx?Identifier=62527
3).
Fyrir þessa sýningu hannaði Cogne glæsilega sýningarskrá sem vakið
hefur mikla athygli sem og sýningin.
Næst í fyrirlestraröðinni var Anna-Karin Larsson framleiðandi hjá
Filmform sem tileinkar sér dreifingu, markaðssetningu og varðveislu
á listrænum, sænskum kvikmyndum og stuttmyndum (art film &
experimental video/video art). Fyrirtækið er oft ráðgefandi aðili fyrir
söfn, háskóla, gallerí og kvikmyndahátíðir og hefur getið sér gott orð.
Það var stofnað árið 1950 og á myndir allt frá þeim tíma og leggur áherslu
á söfnun efnis frá Svíþjóð en einnig frá öllum Norðurlöndunum, m.a.
frá Íslandi. Gaman var að heyra að meðal allra vinsælustu videoverka
safnsins eru verk Steinu Vasulka. Anna-Karin greindi almennt frá
starfsemi Filmform og þeirri þjónustu sem fyrirtækið veitir, sem og oft
viðkvæmum málum sem falla undir lagalegan rétt til sýninga, birtinga
o.s.frv.
Síðastur fyrirlesara var Magnus af Petersens,
safnvörður og leiðbeinandi hjá Moderna museet.
Hans fyrirlestur var um sýningar á hreyfanlegum
myndum á söfnum og réttmæti þeirra til jafns
við aðra sýningar„gripi“. Tók hann sem dæmi
avant-garde kvikmynd Viking Eggeling: Apropå
Eggeling sem sýnd var í Moderna museet árið
1958 og þótti mjög framsækin.
Eftir þessa mörgu fyrirlestra var gott að hittast og
þiggja vínglas í ný innréttuðu bókasafnshúsnæði
Moderna museet, rétt handan götunnar. Það hýsir
nú annars vegar Konstbiblioteket, sem er bókasafn Nationalmuseet (eldri list) og Moderna museet
(nútímalist), og svo hins vegar bókasafn ljósmyndasafnshluta Moderna museets (Fotografibiblioteket).
Bókasöfnin voru opnuð sameiginlega fyrr á þessu ári í þessu nýja og prýðilega búna húsnæði. Þó er
stór hluti bókasafnanna geymdur í geymslum og þarf því í vissum tilfellum að panta bækur með
a.m.k. dags fyrirvara. Á safninu vinna sjö manns í fullu starfi en einungis er opið þrjá daga vikunnar,
frá þriðjudegi til fimmtudags, milli kl. 13-16 og lokað í tvo mánuði yfir sumarið. Það er með góða
lesaðstöðu og er opið almenningi en einungis er lánað efni til starfsfólks eða fólks sem vinnur við