Morgunblaðið - 28.02.2017, Side 33

MENNING 33
MORGUNBLAÐIÐ ÞRIÐJUDAGUR 28. FEBRÚAR 2017
Óskarsverðlaunahátíðarinnar árið
2017 verður fyrst og fremst minnst
fyrir þau vandræðalegu mistök sem
gerð voru undir lok hennar, líklega
þau verstu í sögu verðlaunanna. Leik-
konan Faye Dunaway og leikarinn
Warren Beatty, sem léku bankaræn-
ingjaparið Bonnie og Clyde í sam-
nefndri kvikmynd fyrir 50 árum, fengu
það hlutverk að tilkynna hvaða kvik-
mynd hlyti verðlaun sem sú besta frá
árinu 2016, aðalverðlaun hátíðarinnar.
Beatty opnaði umslagið og virtist ekki
vita hvað hann ætti til bragðs að taka
þegar hann las á spjaldið og rétti Du-
naway það eftir nokkurt hik. Leik-
konan hélt að hann væri að spauga, hló
að honum og tilkynnti að La La Land
hlyti verðlaunin, við mikinn fögnuð
gesta.
Aðstandendur kvikmyndarinnar
þustu upp á svið, fengu verðlauna-
styttur í hendur og framleiðandi kvik-
myndarinnar, Jordan Horowitz, hélt
þakkarræðu og tveir aðrir í kjölfarið.
Hið rétta kom í ljós rúmum tveimur
mínútum eftir að tilkynnt hafði verið
um verðlaunin, þ.e. að Moonlight hefði
hlotið verðlaunin en ekki La La Land.
Horowitz tók að sér að leiðrétta mis-
tökin. Nokkru síðar kom í ljós að
Beatty og Dunaway höfðu fengið
rangt spjald í hendur, spjald sem á
stóð hvaða leikkona hlyti verðlaun sem
sú besta í aðalhlutverki en það var
Emma Stone fyrir leik sinn í La La
Land. Horowitz hrifsaði rétta spjaldið
úr hendi Beatty, sem var hinn vand-
ræðalegasti, og sýndi gestum, verð-
laununum til sönnunar. Beatty út-
skýrði svo hvað hefði gerst, sagðist
ekki hafa verið að reyna að vera fynd-
inn og hló að þessu sögulega klúðri við
litlar undirtektir gesta. Danska dag-
blaðið Politiken átti í gær eina bestu
fyrirsögnina um þetta undarlega mál:
„Síðasta rán Bonnie og Clyde“.
Uppákoman þykir hin undarlegasta
og mistökin illskiljanleg, bæði mistök
Beatty og Dunaway og mistök endur-
skoðunarfyrirtækisins PriceWater-
houseCoopers (PWC) sem sá um að
telja atkvæðin og bar ábyrgð á spjöld-
unum. Fyrirtækið sendi í gær frá sér
tilkynningu og baðst afsökunar á mis-
tökunum en tveir fulltrúar þess fóru
upp á svið með rétta spjaldið. PWC
segist nú vera að kanna hvað fór úr-
skeiðis.
Farhadi mætti ekki
Að öðru leyti gekk verðlaunaaf-
hendingin tiltölulega vandræðalaust
fyrir sig og forseti Bandaríkjanna, Do-
nald Trump, þykir hafa sloppið vel við
gagnrýni en búist var við að hann
fengi það óþvegið í þakkarræðum.
Harðasti gagnrýnandi hans var ír-
anski leikstjórinn Asghar Farhadi
sem hlaut verðlaun fyrir bestu erlendu
kvikmyndina, Forushande eða Sölu-
manninn. Hann mætti ekki til að taka
við verðlaununum í mótmælaskyni við
þá tilskipun Trump að meina fólki frá
sjö löndum að koma til Bandaríkjanna.
Í hans stað tók Anousheh Ansari,
bandarískur geimfari fæddur í Íran,
við verðlaununum og las upp yfirlýs-
ingu frá Farhadi. „Fjarvera mín er
virðingarvottur við fólk frá heimalandi
mínu og hinum löndunum sex sem
hafa verið vanvirt með þessum ómann-
úðlegu lögum,“ sagði m.a. í henni.
La La Land hlaut flest verðlaun
Kvikmyndin La La Land hlaut
flestar tilnefningar til Óskars-
verðlauna í ár, 14 alls og flest verðlaun,
sex talsins. Hún hlaut m.a. verðlaun
fyrir bestu leikstjórn (Damien Cha-
zelle), bestu leikkonu í aðalhlutverki
(Emma Stone) og bestu kvikmynda-
töku (Linus Sandgren). Casey Affleck
fékk verðlaun sem besti leikari í aðal-
hlutverki fyrir Manchester by the Sea,
Viola Davis sem besta leikkona í auka-
hlutverki fyrir Fences og Mahershala
Ali sem besti leikari í aukahlutverki
fyrir Moonlight.
Verðlaun fyrir besta frumsamda
handrit hlaut Kenneth Lonergan fyrir
Manchester by the Sea og verðlaun
fyrir besta handrit byggt á áður út-
gefnu efni hlutu Barry Jenkins og Ta-
rell Alvin McCraney fyrir Moonlight.
Besta heimildarmyndin þótti OJ:
Made in America eftir Ezra Edelman
og besta teiknimyndin í fullri lengd
Zootopia í leikstjórn Byron Howard,
Rich Moore og Jared Bush.
Heildarlista yfir verðlaunahafa má
finna á mbl.is. helgisnaer@mbl.is
AFP
Bestu leikararnir Mahershala Ali, Emma Stone, Viola Davis og Casey
Affleck stilltu sér upp að lokinni verðlaunaafhendingu í Los Angeles.
AFP
Vandræðalegt Framleiðandinn Jordan Horowitz stöðvar verðlaunaafhendinguna og greinir frá mistökunum, að
La La Land hafi ekki hlotið verðlaunin sem besta kvikmyndin heldur Moonlight. Viðstaddir voru furðu lostnir.
Sögulegt klúður
 Moonlight hlaut verðlaun sem besta kvikmyndin á Ósk-
arnum  Röng kvikmynd, La La Land, var nefnd fyrst
Best Barry Jenkins, leikstjóri
Moonlight, með Óskarsstyttuna.
Draumur Damien Chazelle hlaut
verðlaun fyrir bestu leikstjórn.
Miðasala og nánari upplýsingar
SÝND KL. 5.30, 8, 10.30 SÝND KL. 8, 10.30
ÞRIÐJUDAGSTILBOÐ
ÞRIÐJUDAGSTILBOÐ
5%
SÝND KL. 8, 10.30 SÝND KL. 5.40 SÝND KL. 5.40
ÞRIÐJUDAGSTILBOÐÞRIÐJUDAGSTILBOÐÞRIÐJUDAGSTILBOÐ